تعليق اضراب الاداريين ومطالبهم الــكادر...

[العبد لله الفقير لله]

http://www.youm7.com/News.asp?NewsID=75491&SecID=97&IssueID=47
الرابط
تراجع إداريو التربية والتعليم عن وقفتهم الاحتجاجية، التى كان من المقرر أن تقام غداً، الاثنين، أمام مديرية التربية والتعليم بمحافظة الجيزة بعد مفاوضات قادتها قيادات أمنية بالمحافظة مع فوزى عبد الفتاح رئيس لجنة الدفاع عن حقوق العاملين بالتعليم على مستوى الجمهورية، والذى أكد أن الأمن طالبه طيلة الأيام الماضية بإلغاء الوقفة الاحتجاجية أمام المحافظة، خوفاً من اندساس أية عناصر إرهابية بين صفوف الإداريين الذين كان متوقعاً أن يصل عددهم فى وقفة الغد الملغاة إلى 50 ألف إدارى يمثلون 10% من إجمالى إداريى التربية والتعليم على مستوى الجمهورية.

أضاف عبد الفتاح، أنه رغم إلغاء الوقفة، إلا أن الإضراب السلمى بالمديريات التعليمية، والذى بدأ الثلاثاء الماضى، سيستمر لمدة 3 أيام حتى يوم الخميس القادم بموافقة من وزير الداخلية، الذى تقدم له الإداريون برسالة شكر لحمايته حقهم فى التعبير السلمى عن مطالبهم طوال الأسبوع الماضى منذ بداية الإضراب.

موضحاً أن الوقفة الاحتجاجية الوحيدة للإداريين ستبدأ يوم 8 مارس أمام مجلس الشعب وحتى أجل غير مسمى إلى أن يتم تحقيق مطالبهم بإقالة وزير التربية والتعليم ووكيلة الوزارة لقطاع الأمانة العامة للإداريين، وصرف حافز الإثابة وإدراجهم على درجات الكادر الوظيفية دون اختبار.

أوضح عبد الفتاح، أن إعلان وزير المالية يوسف بطرس غالى صباح اليوم عن تدبير أموال حافز الإثابة لن ينهى الإضراب، لأنه حرمان الإداريين من الإثابة لم يكن السبب الوحيد لبدء الإضراب، وإنما هناك أسباب أخرى أهمها عدم مساواتهم مع المعلمين فى الكادر.

علم اليوم السابع أن مفاوضات جرت أمس بين ممثلى إداريى التعليم وممثلين عن وزراء المالية والتربية والتعليم بحضور وزيرة القوى العاملة عائشة عبدالهادى ورئيس نقابة العاملين بالتعليم السيد أبو المجد، من أجل إقناع الإداريين بضرورة إنهاء الإضراب، لأن هناك قرار بالفعل من وزير المالية باعتماد مليار و32 مليون جنيه لصرف حافز الإثابة لهم خلال العام الحالى كدفعة أولى ضمن 3 دفعات تنتهى الأخيرة منها

[Mr.Hani]

لا فض فوهك يا استاذه

فعلا نرجوا مساوتنا بالاداريين

[هدى مجدى]

يحصل الإداريون خاصة فى ديوان المديريات و الإدارات على
بدل توفير ميزانية
بدل من الخصومات
موقع دائم فى الكنترولات العامة بمكافأة 180 يوما
موقع دائم فى الملاحظة بالدبلومات و الشهادات العامة و النقل
مكافأة200 يوم نظير القيام بأعمال الامتحانات التى لا يقومون بها طبعا و هى تعنى الملاحظة فى امتحانات النقل فى المدارس و التصحيح و التى يقوم بها فعلا المدرسين فى المدارس!!!
و أخيرا حافز الإثابة الـ75% بعد أن نظموا الإضراب الأخير و هم لا يستحقون الكثير من هذه المزايا المالية التى يتم حرمان المدرسين منها
نريد المطالبة بمساواتنا مع الإداريين الذين يصرفون حافز الإثابة رغم أنهم يصرفون الكثير من البدلات التى لا يصرفها المدرسون و يصرفون مكافأة الامتحانات مثل المدرسين رغم أن الإداريين يحتكرون العمل فى الكنترولات و أعمال الامتحانات لصالحهم الخاص و يحرمون الشريحة العظمى من المدرسين منها.

[العيسزى]

والله يا جماعة الموضوع بتاع الادراريين يحير ليه كل ما تطلع اشعات بقرب صرف الكارد يطلعو ا الاداريين فيه اضراب ومظاهرات ليه مش من الأول ولاهو نظام لنعيش سوى لنموت سوى

[هدى مجدى]

اين حافز الإثابة الـ75% للمعلمين
و الا لازم نعمل إضراب زى الإداريين؟؟؟؟؟!!!!!!!

على فكرة أنا شايفة اننا و أنا أولكم غلط و بدأنا نتكلم ضد بعض
الإدارى فى نفس المركب معانا
احنا فى المدارس مش بنقبض زى أقل إدارى فى الإدارات و الدواوين
ده صحيح
و المفروض المدرس هو عصب التعليم كله
و المظلوم بحق هو الإدارى اللى فى المدرسة
و لكن كلنا مظلومين بالمقارنة مع 10% من الكبار اللى فى الوزارة اللى بيلهفوا 80% من موازنة الأجور فى الوزارة كلها
و احنا هنا بنتخانق على الفتات بتاعهم اللى بيرموه لنا اللى هو 20% اللى باقية من موازنة الأجور
و برضه لو بصينا لوزارات و أماكن تانية فى نفس الدولة بتاعتنا هنلاقى ان احنا مفرطين فى حقوقنا جدا بالمقارنة مع البترول و البنوك و الاتصالات و وزارة العدل و الضرايب و غيرها
يا ريت نبص لوضعنا صح و نطالب بحقوقنا بمساواتنا بباقى موظفين الدولة و بالعاملين بالوزارة اللى شافطين 80% من موازنة الأجور فى وزارتنا فى كروشهم من الحرامية الكبار
بلاش نبص لبعض احنا الصغيرين و يا ريت نتعلم نطالب بحقوقنا صح و أولها مساواتنا بباقى الوزارات و المصالح "إياها" اللى معمولة للكوسة و الوسايط
و أول حق نركز عليه و نقاتل و نضرب و نعتصم من أجله هو الـ75% الحافز اللى بياكلوه علينا
رغم إنى شايفة إن الإدارى اللى مش بيشتغل جوه المدرسة مش من حقه لا الكنترولات و لا أى عمل خاص بالامتحانات لأنه عمل المدرس و بالتالى مش من حق الإدارى اللى من بره المدرسة صرف مكافأة الامتحانات الـ200 يوم لأنه ببساطة ملوش فيها لأنه لا بيراقب و لا بيصحح و لا يعرف يصحح مكان المدرسين لو المدرسين عملوا إضراب عن التصحيح
تحياتى