نصيحة لوجة الله ...... ارجوا المساعدة سريعاُ .

[iOMAR]

السلام عليكم و رحمة الله و بركاتة

انا جبت في ثانوية 80.98% و جالي في التنسيق تجارة انجليزي جامعة عين شمس

بس انا كان نفسي ادخل كلية القنون التطبيقية و فرقة معايا على فرق بسيط . و فنون جميلة فرقتت علر اقل من 1% ز و الحمد لله كل واحد بياخد نصيبة
فانا فكرت اني اروح جامعة خاصة ( فنون تطبيقية ) و لكن للاسف لم اجد سوى 2 هم ( GUC الجامعة الالمانية بالقاهرة - جامعة 6 اكتوبر ) و اتضح لي انهم اصعب اختيارين .
1. GUC مصاريفها من غير الرسوم الادارية 39300 جنيه مصري و ده رقم كبير اوي خاصة انها 5 سنوات و ده طبعا بعد اجتياز الامتحانات المطلوبة .
2. جامعة 6 اكتوبر كل حاجة فيها كويسة بس من يوم ما سألت فيها و كل ما حد يشوف وشي يقلي( انت اتجننت ؟! في حد ييب عين شمس و يروح اكتوبر ؟ دي جامعة مش معترف بيها و تتطلع ملكش لزمة في الاخر ) سمعت العبارة دي اكتر من 30 مرة في 3 ايام مع اني طول عمري اسمع انها جامعة محترمة جدا و شهادتها معادلة .


بقى ادامي فقط اختياران هم :

1. دراسة بحبها و بفهم فيها و بشتغل فيها من 2004 و اللي واثق اني لو دخلتها هتفوق باذن الله و اعمالي تشهد عليا و جامعة محترمة جداً بس شهادة ملهاش لزمة على حد قول الناس ( 6 اكتوبر )


2. دراسة مش بحبها و عمري ما هشتغل بيها لاني عمري ما تخيلت نفسي محاسب او حتى شغال في بنك و اكيد مش هسيب عملي الحالي ( graphics designing ) علشان اشتغل بيها . بس للاسف ليها ( برستيج ) بالغة المصرية الدارجة و فرص عملهم كبيرة . ( تجارة انجليزي عين شمس )


اختار مين علشان بجد انا تعب انا في الحيرة دي من يوم ما عملت تنسيقي اتوكل على الله و ادخل مجالي ولا اللي الناس عيزاه ؟؟؟؟!!!!!!

[فارسة صغيرة]

والله انا ما عارفة اقول لحضرتك ايه لانه بجد اختيار صعب
بس احسن حاجة انك تسال عن اى حد فى جامعة 6 اكتوبر وخلى كل بحثك (مدام معاك مصاريفها ) عن حد فى الجامعة دى هو هيكون افضل واحد تسالة من حيث الدراسة وكده وانا كنت بسمع ان شهادتها معادلة بس ما انا متاكدة .
وانا من راى ان كان الشهادة معادلة ادخلها ولا يهمك او ان دراستها محترمة برده ادخلها لان الواحد ان كان اصلا مش موهوب فى حاجة ومعاه شهادات عمرة ما هيعمل فى المجال ده (وهو اصىلا ما هيستحمل انه يشتغل بيه )والتانى لو كان معاه نص الشهادات بس بيحب عمله هيلاقى .
يعنى اقصد ان اهم حاجة الخبرة والقرصات والموهبة لذلك اسال على الشرح وبالنسبة للتوظيف فدى مهارات فى كيفية الحصول على الوظيفة اما فى ناس كتيير معاه اعلى الشهادات وقاعدين على القهاوى
توكل الله وصلى استخارة ودى افضل حاجة
وربنا معاك وقلنا على الاخبار

[iOMAR]

المشاركة الأصلية كتبت بواسطة فارسة صغيرة

والله انا ما عارفة اقول لحضرتك ايه لانه بجد اختيار صعب
بس احسن حاجة انك تسال عن اى حد فى جامعة 6 اكتوبر وخلى كل بحثك (مدام معاك مصاريفها ) عن حد فى الجامعة دى هو هيكون افضل واحد تسالة من حيث الدراسة وكده وانا كنت بسمع ان شهادتها معادلة بس ما انا متاكدة .
وانا من راى ان كان الشهادة معادلة ادخلها ولا يهمك او ان دراستها محترمة برده ادخلها لان الواحد ان كان اصلا مش موهوب فى حاجة ومعاه شهادات عمرة ما هيعمل فى المجال ده (وهو اصىلا ما هيستحمل انه يشتغل بيه )والتانى لو كان معاه نص الشهادات بس بيحب عمله هيلاقى .
يعنى اقصد ان اهم حاجة الخبرة والقرصات والموهبة لذلك اسال على الشرح وبالنسبة للتوظيف فدى مهارات فى كيفية الحصول على الوظيفة اما فى ناس كتيير معاه اعلى الشهادات وقاعدين على القهاوى
توكل الله وصلى استخارة ودى افضل حاجة
وربنا معاك وقلنا على الاخبار

والله باظبط دا رايي بس مش عارف ليه في ناس كير مصممين يعارضة . انا فعلا سألت في 6 اكتوبر بس لحد دلوقتي معرفش طالب فيها في القسم دا لي اصدقاء في طب و بيشكرو فيها بس في فنون مش لاقي للاسف
و انا متفق معاكي في كل كلامك واكيد صليت استخارة
الف شكر والله طمنتيني d: