صور لقصر الرئااسة

[sara777]

<div align="center">اهلا اهلا بأعضاء احلي منتدي
انا بقي النهاردة جايبة لكم صور لقصر حسني مبارك (حد يعرف الراجل ده)
بيقولوا عليه رئيس الجمهورية
ايوة ماعلينا مش ده موضوعنا
حد قبل كده شاف قصر الرئاسة بتاعه
عموما اللي حسني مبارك ما عزمهوش علي الغدا عنده وماشفش قصر الرئاسة بتاعه
احب اقولكم اني اتغديت عنده :D
وصورت لكم كام صورة
ههههههههههههههههههههههه انا فشارة صح
عموما هي دي الصور وبلاش حد يحسده يا بشوات الراجل بيتعب ومن حقه يعمل اللي عايزه <_<
ولا اعتراض مفهوم
اما نشوف كده
اه ده بيته من بره





اه ودي كمان




طيب تيجوا ندخل جوه
ونشوف حجره المكتب علي ما اعتقد
المكتب اللي هوا الحاجة اللي الحجرة معمولة مخصوص علشانه مش باين خالص بس ياااااااااااااااالا مش مشكلة
قال يعني بيقعد عليه
ماعلينا



امممممممممممممممممم بصراحة كده انا مش عارفة دي حجرة ايه بالضبط
اه ممكن المطبخ
ممكن كل شئ جايز (بس هو فيييييييييين البوتجاز)يالا ما علينا



مش عارفة ده صالون ولا انتريه
الحقيقة




اه دي بقي البلكونة اللي زوزي بتنشر فيها الهدوم بتاعة العيال بس طبعا واضح الاختلاف بين البلكونة بتاعتهم وبتاعتنا (بتاعتنا طبعا اكثر فخامة علشان فيها حبل والمشابك مش قليلة هي اه بتقع علي التندة اللي تحتنا بس علطول بنخبط علي جيراننا وبناخد حقنا
يالا بلاش نخرج عن الموضوع وشوفوا البلاكونة



اه دي بقي الحجرة بتاعة الشاي واللب بتاعة ال..... ما علينا شوفوا كده واحكموا طب ده حتي معندهومش تليفيزيون



دي بقي برضه مش عارفة حجرة ايه بالضبط (والله حاجة غريبة اوي كل البيت عندهم شبه بعضه)كله فيه كراسي وترابيزات
امال هيا فين السراير والدواليب والسرافيز والكوميدونو فقير اوي علي فكرة حسني ده



اممممممممممممم مش قلتلكم كله شبه بعضه
عموما ده الحمام يا جدعان



يالا بقي قولولي مين نفسه يقعد في بيت زي ده
ممكن تستغربوا لو قلتلكم انا عمري ماتمنيت اني اسكن في بيت زي ده احلي حاجة في الدنيا البساطة اما الفخامة الزيادة عن اللزوم بصراحة بتخنق ولا ايه وكمان اهم حاجة الناس اللي معانا في البيت مش البيت نفسه
عايزة رأيكم
وسلام يا شباب
علشان انا عايزة اروح انام :P
بااااااااااااااااااااااااااااااااي
اختكم سارة</div>