ادارة قنا .. و لعبة الضومنة

[abomokhtar]

الكادر في ادارة قنا شبه لعبة الضومنة ( الدومينو ) لما تقفل من الناحيتين ...أقول لكم ازاي :
رئيس شئون عاملين الادارة يشترط أن يكون مع كشف المستحقين للكادر و القادم من أي مدرسة مرفق اقرار من مدير المدرسة بأن هؤلاء مستوفين لأنصبتهم في الحصص و يقول أن عنده نشرة صريحة بكده ... مدير المدرسة بقى يقول لك ازاي أوقع اقرار بالشكل ده طيب و باقي هيئة التدريس اللي في المدرسة أسيبهم بدون عمل و لا أوديهم فين... و بالطريقة دي يا سادة تكون قفلت من الناحيتين زي الضومنة إيه رأيكم بقى؟

[الأستاذة هدى]

ولا قفلت ولا حاجة ما ضاقت إلا فرجت
سيبهم يخبطوا ف بعض
واللى بيطالب بالنصاب ده هيتحول للشئون القانونية لأنه بيعطل القانون
وانتم انتظروا القبض ما كانش الشهر ده هيكون بإذن الله الشهر اللى جاى السنة الجاية المهم جاى جاى وكل آت قريب !!
وهم اللى هتتقفل عليهم بإذن الله تعالى

[قناوية]

يارب يااستاذه هدى ربنا يسمع منك وتقفل عليهم هم وبتوع الأحصاء منهم لله أنا من أدارة قنا وشفت حاجات مش منطقية منهم كتير ومش عارفة أزاى مش بيتحاسبوا ومفيش عليهم رقيب ربنا ينتقم منهم بس ياريت يكون مع حضرتك اى نشرة تثبت عكس كلامهم ان النصاب مش مطلوب فى فلوس الكادر

[الأستاذة هدى]

اختى الفاضلة أستاذة قناوية
سبق أن تناول الأخوة هنا على المنتدى هذا الموضوع يمكنك البحث فى الصفحات السابقة ربما تجدين احدى النشرات التى أتى بها أحد الزملاء بهذا الخصوص ...
ربنا يفتحها عليكم وتأكدى أن النصاب لم يطبق للان على اى ممن صرف المرحلة الثانية فلماذا التعنت معكم؟؟؟؟؟

تقبلى تحياتى

[ياسرمصطفى عمر]

كلنا قبضنا ومحدش قال الكلام ده هى جمهورية قنا المستقلة

[fofa_2015]

ياجماعة ادارة نجع حمادى صرفت الكادر وهى تبع مديرية قنا

[كريم نص]

الله يخرب بيت الظالم اللى ميعرفش حاجه عن الاداريات وقاعد فى منصب مهم

[soperalaa]

نحن هنا في اسوان صرفنا شهرين وايضا شهرين اخرين هذا السبوع اما الذي يحدث في جمهورية قنا التعسفية يدل علي جهل العلماء المديريين والداريين و هو من فين ياخذوا المدرسين نصابهم الفعلي الا اذا اكتملت المرحلة الثانوية وافهموها بقي