الكادر والضغط العالى

[مونتا الامورة]

السلام عليكم يا اعضاء الموقع ارجو منكم الاهتمام والرد على سؤالى انا والدتى اخصائية اجتماعية خريجة المعهد المتوسط للخدمة الاجتماعية وصرفت المرحلة الاولى من الكادر وكنا مبسوطين والحمد لله ودخلت امتحان الكادر للمرحلة الثانية وكان عندها مادة دور تانى ضغطها ارتفع ونفسيتها تعبت جدا وبعد كدة دخلنا شوفنا النتيجة لاقيناها ناجحة فى التلات مواد والحمد لله واسمها نزل فى الكشوف اللى حتصرف الكادر وبعد كده فوجئنا بالنشرة اللى قالت ان مشرفى النشاط مش حيصرفو الكادر وان فى مشرفى نشاط صرفو الكادر وحيتخصم منهم ونفسيتها تعبت تانى وضغطها ارتفع الله يكون فى عون اللى مش حيصرف الكادر المهم لو سمحتو احنا عايزين نعرف مين هم مشرفى النشاط وايه الفرق بينهم وبين الاخصائى الاجتماعى وهل فعلا فى ناس صرفت واتخصم منهم ولكم جزيل الشكر وربنا يقويكو