|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
17-04-2009, 10:43 PM
|
||||
|
||||
عنوان ايه بس ..نشوف حكاية العنوان دي بعدين
بسم الله السلام عليكم بصراحة ماليش نفس ادخل ف مقدمات عدى عليا برنامج ماكنتش ناوية ابدا اتابعة بس لفت انتباهي وانا بلف ع القنوات الصور اللي كانت بتتعرض فيه المذيع دخل منطقة تبع العشوائيات اللي في القاهرة وكلم الناس هناك المذيع:ازيك يا حجة. الحجة:الحمدلله الله يسلمك يا بني المذيع:انتي عايشة مع مين هنا الحجة:لوحدي .كنت جاية مع الراجل وهو بقى الله يرحمه. المذيع:وعايشة هنا بقالك كام سنة؟ الحجة:والله يابني ماعرف 55 ولا 60 المذيع:ليكي معاش؟!! الحجة:ليا خمسين المذيع خمسين ايه؟؟!!! ((اكيد يعني مش 50،000)) الحجة:خمسين يا بني يعني 10 و10 و10 و10و10 المذيع:وبيعيشوكي؟؟! الحجة:نعمة وفضل من عند ربنا. المذيع:وعايشة ف الاوضة دي بحمامها بس؟ الحجة:لا يبني ,,الحمام-أكرمكم الله- اهه (شامل للحي كله طبعا) المذيع:عندك ميه؟ الحجة:لأ,بملا م المساكن اللي جنبنا هنا . المذيع:وعندك كهربا؟ الحجة:أيوه عندي كبل اهه. المذيع:طب ناقصك ايه يا حجة؟ سلامتك يابني... ((مش ناقصها حاجة)) تخيلو .. أبدا مش ناقصها حاجة!!!!!! طيب بفرض انو عشان هي ست كبيرة ولا يشغلها ما يشغلنا .. راح كلم واحده تانية اتولدت ف المنطقة دي واتجوزت فيها وخلفت 3 اولاد فيها وطبعا عش الزوجية عبارة عن أوضة –على نفس الحمام اللي ف الحي- زوجها بيشتغل (أرزاقي) يعني مافيش شغلانة محدده . وأملها الوحيد انها تعيش في مكان افضل من كده او نفس المكان بس يكون عندها حنفية او حمام مستقل ليه بقى انا جايبالكم الحوارات دي كلها ؟!!! الناس دي كلها هما الناس اللي احنا ممكن نشوفهم بيكلمونا بطريقة وحشة ف الشارع او في مكان ما وبعدين نبصلهم من فوق لتحت كده ونقول كلمة من اتنين : بيئة أو تخلف ... –الا من رحم ربي- طبعا المفروض انو مفيش مبرر يخلي حد مايعرفش عنك حاجة يكلمك باسلوب وحش او يستخدم معك لفظ مش ظريف .. لكن هو ممكن يكون الغلط من عندنا ..صح!! احنا اللي ادينالهم الفرصة لكده .. ده قد يكون رد فعل طبيعي لإستفزازنا ليهم وان كان عن غير قصد .. لكن لما يشوفوا حد قدامهم تافه ..الى اي حد كان .. وان كان الحد ده من وجهه نظرهم تافه بزياده ,فلازم يكون ليهم رد فعل .. وأنا بشوف الناس دي مر عليا شريط لتصرفات كتير كانت تبدو عادية سواء مني او من غيري لكن فعلا كانت لمجرد اننا ما نهتمش بوجودهم ونتصرف التصرفات دي قدامهم يجعلها اساليب استفزازية . الناس دي مالقتش حد يكلمها ويوعيها – عشان اللي هايقولولي هما اللي ساكتين ع اللي هما فيه ,هما اللي ما اخدوش خطوة ايجابية- هما مالقوش حد يقولهم يعني ايه خطوة ايجابية ..بيباتو يفكرو بكرة هانخلص م اليوم ده ازاي ..هانجيب فلوس الفطار منين .. ماحدش فهمهم يعني ايه تحدد هدفك ..يعني ايه تتمنى على الاقل مستقبل افضل ..مجرد الامنية دي ماوصلوش ليها. وان كنا طبعا مش هانعرف نوصلهم او نكلمهم او نساعدهم بطريقة او باخرى .. فيكفينا بس: ((تبسمك في وجه اخيك صدقة )) وكمان نقارن بيننا وبينهم عد النعم اللي انت فيها ويمكن مش حاسس بيها .. وشوف انت حمدت ربك على كام حاجة النهرده ..او حمدته عامة كام مرة .. ياترى ع البيت اللي انت فيه وفيه ميه ونور ,واللي انت نايم فيه ومش خايف ليقع بيك ,ولا ع المصروف اللي واثق انك هاتصحى الصبح وانت رايح كليتك تلاقيه قدامك ولا الاب والام ولا الصحة ولا........... خلينا نبطل بقى التفاهة الزياااااااااده اللي عمالين ندخل فيها ونبطل كمان الكلمة اللي اعتقد ان مجرد اننا نوجهها لهم يعد تخلف ((تخلف)) ... ونفتكر نحمد ربنا اعتذر طولت عليكم استغفر الله لي ولكم والسلام عليكم ورحمة الله وبركاته
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
 |
|
#6
19-04-2009, 02:34 PM
|
||||
|
||||
|
موضوع رائع جدا
زمن افضل ما قراته جزاكى الله كل خير
__________________
الثورة مستمرة |
|
#7
19-04-2009, 02:41 PM
|
||||
|
||||
|
قال رسول الله صلى الله عليه وسلم : "اخشوشنوا فإن النعمة لا تدوم" والمقصود بكلمة (اخشوشنوا) أي تعودوا خشونة الحياة ،ويقول صلى الله عليه وسلم " لا فضل لعربي على أعجمي ولا لأبيض على أسود إلا بالتقوى والعمل الصالح" ويقول الله عز وجل "إن أكرمكم عند الله أتقاكم" ..
من هذا المنطلق السابق من أحاديث وآيات كريمة ومن خلال عرضك المتميز لهذا الموضوع الذي لا أجد له عنواناً إلا (إن أكرمكم عند الله أتقاكم) ، من هذا وذاك .. أرى أننا بالفعل نعيش في أنعم وافرة لا ندري قيمتها لأننا لم نجرب فواتها .. ولو جربنا فوات النعمة لحمدنا بقاءها .. ولو شعرنا بغصة الرحمان لأدركنا حلاوة العطية .. جزاك الله خير الجزاء على هذا الموضوع الهام المتميز وجعله الله في ميزان حسناتك |
|
#8
19-04-2009, 04:25 PM
|
||||
|
||||
|
اقتباس:
بس فى الاول وفى الاخر هو دا حال الدنيا ناس فوق وناس تحت محدش فى النص الا القليل الحمد لله بحمد ربنا على الخير على الابتلاء على اى حاجة بجد لما نشوف نوعية الناس دى نقول الحمد لله اللىيشوف هموم الناس يهون عليه همه رنا معانا كلنا يارب عدينا منها على خير موضوعك جميل فعلا ربنا يكرمك يا هنا دمتى فى رعاية الله
__________________
 ......استودعكم الله الذى لاتضيع ودائعه.... ....closed 4 ever
|
|
#11
25-04-2009, 12:40 AM
|
|||||
|
|||||
|
اقتباس:
اقتباس:
اقتباس:
اقتباس:
اقتباس:
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
|
|
#12
25-04-2009, 12:50 AM
|
||||
|
||||
|
اقتباس:
حضرتك فعلا اضفت موضوع تاني جميل جدا على الموضوع بانك كتبتلنا الحديث ده اشكرك جدا على تكريمك لموضوعي وليا بمرورك
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
|
|
#13
25-04-2009, 06:40 PM
|
||||
|
||||
|
اقتباس:
ربنا يعدينا منها على خير ....اشكرك جدا جدا يا محمود وربنا يجزيك خير
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
|
|
#14
25-04-2009, 07:28 PM
|
||||
|
||||
|
اقتباس:
اقتباس:
اشكرك
__________________
لما تشوفو مشاركاتي ادعولي بالهداية والثبات ان كنت حية وبالمغفرة ان كنت ميتة أستودعكم الله الذي لا تضيع ودائعه
|
|
#15
25-04-2009, 08:06 PM
|
|||
|
|||
|
مش عارفة اقول ايه بس ؟؟
مقدرش اقول غير الحمد لله ع النعم اللي احنا عايشين فيها فعلا اللي يشوف غيره يعرف اد ايه هو في نعمه جزاك الله خيرا
__________________
والحب له قوانين آخري..!
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 04:03 PM.
