تغيير منهج اللغة الانجليزية

alien2 · #1 20-09-2010, 07:37 PM

أخبرنى الان أحد اولياء الامور بانه سمع ان هناك تغييرات كبيرة ستتم فى منهج اللغة الانجليزية
او فى مواصفات الامتحان
هل هناك خبر يقين او معلومة دقيقة عن ذلك
برجاء الافادة

جواد عوض · #2 21-09-2010, 05:21 AM

لا جديد حتى الان

مستر محمد الشاذلي · #3 21-09-2010, 07:47 AM

دي كلها اشاعات
طلعت عن طريق احد الكتب الخارجيه اللي كانت لحد الاسبوع اللي فات لسه منزلتش كتابها في السوق
فطلعت اشاعه في جميع المحافظات عن طريق اتصالهم بالمدرسين الكبار اللي شغالين من كتابهم في الاعدادي ان منهج تالته ثانوي اتغير تمام و ان ده فصل من الوزير عشان اللي نزل الكتب الخارجيه بدون ترخيص
طبعا ده كلام فارغ لان الوزاره اشترت المنهج الجديد من Longman بــ 15 مليون جنيه و المنهج بتعمل من السنه اللي فاتت و حضراتكم عارفين ان فيه جزء كبير من المنهج تقريبا نصه معتمد علي المنهج الجديد يبقي هيغير المنهج في اسبوعين.
اما الاختلاف الحالي زاي مقولت قبل كده في موضوع سابق ان الوزير عاوز يشيل الريفيوهات reviews و لكن اللونج مان رافضة و فيه تشاورات بينهم حتي الان و ده في اخر كلام قالته سمعته من الاستاذه سعاد شاكر موج عام الماده علي مستوي الجمهورية و شكرا

جواد عوض · #4 21-09-2010, 10:37 AM

شكرا لحضرتك مستر محمد على الافادة العظيمة

Ayman M.Ebrahim · #5 21-09-2010, 01:00 PM

جزاك الله كل خير مستر محمد
و ربنا يسلمها السنه دى

samir Meabed · #6 23-09-2010, 05:13 AM

شكر مستر محمــــــــــــــــــــــد دى الكلام المقنع و الله نفسى الكتب الخارجية تمنع علشان كل مدرس يجتهــــــــــد و يتعب فى اعداد المنهج و يدخل الطلاب على المنتديات التعليمـــــــة و ينقب الطالب و المدرس لكن اخد المعلومة جاهرة بجنيهات قليلة انا عارف ان الكلام دة مش هيعجب اصحاب الكتب الخارجية لانها البيضة التى تبيض ذهب و مش عايز حد يقول ان هذا حقد لاننى ليس لى اى مصلحة و لا اعرف اى مؤلف للكتب الخارجية الا المرحوم محمود مهاود علية رحمة الله مؤسس كتاب Bit by Bit و كنت اجلس معة و انا مدرس مبتدئ احضر من الصعيد اذهب الية فى منزلة المتواضع فى حى السيدة زينيب و كانت التكنولوجيا غير متاحة و الاخوة اللى درسوا منهج excel عارفين مدى قوة الكتاب و المعلومة

alien2 · #7 23-09-2010, 10:11 AM

محمود مهاود و ألفى حبيب
افضل من الف كتب خارجية فى مصر