اشتباكات بالأيدى والحجارة داخل وزارة التربية والتعليم

[AMAR ELLYALY]

وقعت اشتباكات عصر اليوم الثلاثاء، فى ديوان وزارة التربية والتعليم، حيث قام الإداريون أمام الوزارة باقتحام إحدى بوابات الديوان ومحاولة الدخول لمقابلة الوزير الدكتور أحمد جمال الدين موسى أثناء اجتماعه لبحث تطوير التعليم.

وتطورت الأحداث داخل الوزارة إلى وقوع اشتباكات بين الإداريين وموظفى الديوان، الذين استخدموا طفايات الحرائق لفض الاشتباك، فيما لجأ الإداريون إلى إلقاء الحجارة عليهم، وأصيب موظف من أمن الوزارة وعدد آخر من الموظفين الإداريين بجروح سطحية جراء هذه الاعتداءات التى شاهدها الدكتور مصطفى الفقى أثناء دخوله الوزارة للالتقاء بالوزير، وعلق عليها بقوله "لازم تعرفوا مطالب الناس دى وتريحوهم".

وقال اثنان من إدارى محافظة السويس إنما تعرضا للضرب بالأقدام والجر على الأرض من جانب موظفى الوزارة حتى تمزقت ملابسهما.


http://www.youm7.com/News.asp?NewsID...65&IssueID=158

[إلهام صلاح لاشين]

الإداريين عايزين إيه 100%حوافز وشهر فى شهر مكافأة ولا تاخد منهم شغل ولا راحة بال حرام المدرس بقى حالته النفسية

سيئة ارحمونا بقى المدرس هو اللى فى المواجهة ومطحون فى العمل

[justnoname]

thanxxxxxxxxxxxxxxxxxxxxxxxxxxxxxxx

[teacher_2]

المشاركة الأصلية كتبت بواسطة إلهام صلاح لاشين

الإداريين عايزين إيه 100%حوافز وشهر فى شهر مكافأة ولا تاخد منهم شغل ولا راحة بال حرام المدرس بقى حالته النفسية

سيئة ارحمونا بقى المدرس هو اللى فى المواجهة ومطحون فى العمل

اى اصلاح فى الدولة يبدأ بالتعليم
ورغم كده محدش معبر اساس التعليم
اللى هو المعلم

التعليم لا هو كتاب ولا تختة
التعليم يعتمد كليا على المعلم من الدرجة الأولى
حد يبلغهم لو مش سامعين
ان المعلم هو الأصل فى التقدم
قدماء المصريين تقدمو بالعلم
محمد على ارتقى بمصر بالعلم
اوربا ارتقت بالعلم
النظام الوطنى اهتم بالرقاصيين ولاعبى كرة القدم والممثلين
وبقينا نشوف البرامج كلها عن حياة الممثلين والممثلثات ولا كأنهم قدوة لنا


وبعدين محدش يقول وزارة التربية والتعليم ليست منتجه
المعلم ينتج عقول
بس ياريت العجول يتنورور شوية
ويلغو الروتيين اللى شغال

[احمد حمد 22]

فعلا والله التعليم مش تختة جديدة والا فصول كتيرة التعليم عايز مدرسين متفرغين للعملية التعليمة فقط ودا بقا مش موجود كل مدرس لو شغل اخر او بيدي دروس بعد المدرسة لازم يهتمو بالمدرس

[MOSTAFA093]

للأسف الإداريين مظلومين أشد الظلم ، المدرسين أخدوا كادر وبيزيد كل سنة والإداريين الغلابة بيطالبوا بس ب 50% من سنة 2009 ولحد الأن ولا واحد معبرهم وهما اللى ماسكين الشغل كله فى المدارس ، لكن المدرس على الأقل مرتب المدرسة ده مش بيهمه عشان بيدخله الألاف كل شهر من الدروس الخصوصية لكن الإدارى راتبه مش بيتعدى ال 900 جنية ولا كادر ولا دروس خصوصية ومطحون فى الشغل
كفاية بقى !!!!!!!!!!!

[انجل اسماعيل]

فى مدرسين كثير لا يعطوا دروس خصوصية و ما لهومش غير مرتبهم الضئيل و بيصححوا الامتحانات كل شهر دا غير التعامل المباشر مع الطلبة و كم الحصص كل يوم و التحضير اليومى الذى قد يصل الى خمس مناهج مختلفة لصفوف مختلفة
اما الاداريين مريحين على المكاتب للفطار و الرغى فى سيرة الناس و الزوغان باستمرار من المدارس و كمان بياخذوا مكافاة الامتحانات دون بذل اى جهد فى المراقبة او التصحيح المرهق الى وقت متاخر فى المدارس

[MOSTAFA093]

من جهة ان فيه مدرسين كتير مش بيدوا دروس ده مستحيل دا اللى فى أولى ابتدائى بياخد درس لغاية الثانوى وأنا أعرف مدرسين شخصياً بتغيب من المدرسة عشان الدروس
ثانياً : حضرتك تعرفى إيه عن شغل الإداريين عشان تقولى بيفطروا وبيرغوا وخلاص
من توريد لبنوك لصرف لكشوف وكل الأعمال الإدارية فى المدرسة ، مين اللى بيصرف فلوس المدرسة كل شهر مش الإدارى وبيروح يقعد بالساعات فى البنوك لغاية ما يصرف بعد تعب من عمل الكشوف وغيره وغيره من القرف وفى الآخر مرتبه لا يساوى شىء من اللى بيدخل للمدرس كل شهر

[khory]

اتفضلوا ادى الكلام عن المدرسين الى بيخدوا الاف من الدروس حسبى الله من كل ظالم يفترى على المعلمين
الاستاذ زعلان انه مرتبه لا يكمل 900 جنيه طيب انا مدرس بعد الكادر مرتبر لا يكمل 800 جنيه وايضا لا يكمل المرتب نصف الشهر
ارحموا المدرسين بقى

[khory]

ليه احقاد الاداريين على المدرسين المدرس بتتطلع روحه فى الفصل
ده حتى الغياب احنا بنكتبه فى ورقة وننزله للادارية علشان مش قادرة تلف على الفصول
الفكة الى فوق المرتب يتم اخذها بالقوة وشغل الملفات والقوائم المدرسين هما الى بيجهزوه فى الصيف و..............و...............
و................... ولا بلاش كفاية كده

[السعدونى]

مششششششششششششششششككككككككككككككككككووووووووووررررر رررررررررر

[Bilal Mansour]

والله انا خايف من كل حاجة السنة دى ربنا يعديها على خير