استودعكم الله(محمد مدكور)..

..Just Stop · #1 23-06-2009, 01:13 AM

اقتباس:

السلام عليكم

بجد أنا مش عارف أبدا ازاى
بس طالما عملت الموضوع يبقى لازم ابدا

انا قعدت معاكم سنتين
فية الى كان يعرفنى
وفية الى ميعرفنيش
بس انا أعرف كل واحد فى المنتدى هنا
ومن أول متولد كمان

فيكم الحلو وفيكم الوحش
بس أغلبكم الحمد لله ناس أعتز أنهم يكونوا أخواتى بجد قبل أصدقائى
أنا لما كنت بدخل المنتدى الأول كنت بدخل
بعضوية الدعم الفنى بتاعة أخويا فية ناس تعرف الكلام دة وفية ناس متعرفش

اما بعضويتى أنا كان أكتر أهتماماتى فى المنتدى على الأقسام التعليمية يعنى مكنتش زيكم بتختلطوا ببعض يعنى تعملوا مواضيع فى القسم العام وتردوا على دة وعلى دة
الصراحة انا مكنتش مهتم خالص ومازلت
يعنى كانت بتبقى حالة كسل أو بيبقى فية مواضيع مينفعش الرد عليها
علشان أنا كدة
لو رديت على موضوع فية ناس ياتزعل منى يا تحبنى
فكنت بقول ولية أرد ولية اعمل مواضيع خلينى فى الامان

المهم سيبكم من الموضوع دة هو انا هحكيلكم قصة حياتى من الاول

مش مشكلة مهو أخر كلام معاكم

المهم بجد السنتين الى قعدتهم هنا
شوفت فيهم

أفضل المدرسين الى ربنا يكرمهم يارب فى حياتهم بالمجهود الى عملوه والى مازالوا بيعملوه

وأسف ليكم لو مكنتش فعال فى الغرف الصوتية بس أنا كدة بحب أسجل الحصة وأسمعها بعد كدة علشان أعرف استفاد منها

وبالنسبة للأعضاء والمشرفين والاداريين متزعلوش منى لو انا زعلتكم فى يوم من الايام

وأنا عارف ان فية ناس هتفرح أنى همشى وفية ناس مش هقول تزعل علشان محدش بيزعل على غيرة
هقول فية ناس محترمة جدآ بعزها وبتعزنى
بس أنا بحبكم كلكم بجد الحلو فيكم والوحش ربنا يهدية

بس بجد لو أنا مش هوحشكم أنتم هتوحشونى

لانى كنت بقضى اغلب حياتى هنا فى المنتدى

لو هتسألونى انت هتمشى لية هقولكم
أسباب شخصية

بس بجد أنا همشى علشان بملك منتديات تانية وخسرت كتيير بسببى علشان الفترة الكبيرة الى بقضيها فى منتدى الثانوية بس مش خسارة فيكم

سبب تانى أنى خلاص فترتى الدراسية فى المنتدى تعتبر أنتهت

السبب الثالث دة بقى سبب مش هقدر أقولهولكم فية ناس تعرفة وفي ناس لا

بس فى الأخر بقولكم
للى يعرفنى
والى ميعرفنيش

أتمنى أنى كنت ضيف خفيف عليكم

واخر كلام ليا معاكم
السلام عليكم

MohameD MadkouR