مش عارفة العنوان ممكن يبقى ايه!

[whisper2000]

السلام عليكم ورحمة الله وبركاته

الموضوع فى سطور

أنا عايزة أساعد أهلى فى مصاريفنا
لإننا أسره كبيره _ماشاء الله_ فعايزة اشتغل
ومتهيألى جه الوقت اللى اريحهم فيه شويه؛
وفى نفس الوقت من غير ما اخرج من البيت ؛
لانى هشتغل بدون علم أهلى
لانهم هيحسوا انهم مقصرين لو عرفوا.

مع العلم بانى طالبه فى ثانوية عامة وان شاء الله ناوية على التفوق
لكن تعب اهلى وبهدلتهم بشكل غير عادى على الاطلاق عشان يوفروا لنا القرش بيزهقنى ويخليني مش عارفه اقعد على كتاب وجايبلى احباط ..

والوقت المتاح اللى ممكن اكون فيه بره البيت قبل المدرسه او بعدها او انى اغيب بعض الايام واشتغل بس يا تري ايه الشغل اللي يكون غير منتظم كده !!
وكمان اهلى مصممين انى اخد دروس فى كل المواد برغم سوء حالتنا ..
...........
....
.
فلو سمحتم تحاولوا تساعدونى بانكم تفكروا معايا فى فكرة أى مشروع حلال وبراس مال ان شا الله يكون كبير و أنا ساعتها هستلف من جدتي ان شاء الله ..

بالله عليكم حاولوا تساعدونى بقدر استطاعتكم
وبلاش تهملونى

ويجزيكم الله عنا خيرا..

[asmaa1191]

بس انا شايفه ان الموضوع هيكون صعب عليكي لان طالب الثانويه العامه مش بيبقي عنده وقت انا شايفه ان لما تذكري وتتفوقي ده هيسعدهم جدا وربنا يكرمك تبقي حاجه كويسه وساعتها تبقي تعملي كده

[Doctor S.E]

انا شايفه بصراحه بصراحه و انتي زي اختي بالضبط مش هكدب عليكي
انتي لازم تشيلي الموضوع ده من دماغك خاااالص
حبيبتي اي حاجه من ورا باباكي و مامتك عمر ما ربنا يباركلك فيها حتى لو كان ده في مصلحتهم و مصلحه الاسره
هما مطلبوش مساعدتك بالعكس دول على قد ما بيقدروا مش مخليينك محتاجه حاجه
و بعدين انتي في ثانويه عامه متهيألي لما تنجحي و توريهم نتيجه تعبهم و شقائهم معاكي هيفرحوا جدا و هينسوا كل التعب ده
لانه جه بفايده .... و كمان خدي بالك انتي لما هيبقى معاكي شهاده كويسه هتقدري تشتغلي بيها و تساعديهم بس و هم عارفين
و كمان هتقدري تساعدي اخواتك ..انما انتي كده بتضحكي على نفسك لو قلتي هقدر على الشغل و الثانويه العامه
متهيألي كمان نجاحك في دراستك و مستقبلك اهم عندهم كتيير من الفلوس و كمان هيحسوا بقيمه الي عملوه معاكي
و في الاول و في الاخر يا حبيبتي ...استخيري ربنا و ابعدي عن اييي حاجه ممكن تزعل باباكي و مامتك ..دول اغلى حاجه و رضاهم و دعاهم بالدنيا

اسفه ان كنت طولت عليكي ..بس يارب اكون قدرت اساعدك بطريقه متواضعه شويه
تقبلي مروري

[NeVeR CoMe BacK]

وانا مش هقول حاجة زيادة عن كلام الدكتورة ،،،،،،،،،،،،،،،،،،،،،،،،،،،،
هى فعلا عندها حق يمكن لما ان شاء الله تنجحى وتتفوقى فى الثانويه ده هيفرحهم اوى اوى وهينسيهم كل التعب اللى راح وبعدين بعد كده انتى ان شاء الله ممكن تشتغلى لما تدخلى الكلية ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،

[ضياء الدين سعيد]

وأنا من رآيى
صاحب بالين كذاب بمعنى
لازم تذاكرى وتتفوقى فى دراستك عسى الله عز وجل يجعل منك سبب عشان تكونى شىء كويس لأهلك
والثانوية العامة محتاجه جهد وتعب ومذاكرة وسهر عشان كدا مش هتقدرى توفقى بين العمل وبين المذاكرة . ونرجع نقول" قل لن يٌصيبنا إلا ما كتب الله لنا ".

ربنا يوفقك ويلهمك للخير

[مسلمة متفائلة]

أنا رايى من رأى الناس اللى ردت

ربنا يوفقك يا رب و يهديكى لمَ فيه صلاحك

[coody]

انا لو عايز اساعد لازم يكون عندي خبرة كبيرة في مجال علشان اقدر اشتغل بيه
لكن مش عارف والله هل ممكن اقدر اساعدك ولا لا لكن اولي اعرف الاول امكانياتك

[روووووز]

والله كل اللى قالوه الاعضاء كلام سليم

[بلالل]

طبعا مش هاقول حاجه لان الاعضاء ماسبوش حاجه اقولها

[BaNZeR]

معتقدش في الوقت الحالي في شغلانة حتستاهل تقصري في الثانوية على حسابها
وزي ما قالولك الثانوية اولى ... وبعدين في الكلية نعمل اللى عايزينه

فرحتهم بيكي بنجاحك حتغطي على كل تعبهم وكل فلوس راحت او حتيجي حتى

ينقل للقسم الاجتماعي

[التائبة الى ربها]

انا رأيي زى دكتورةs
وربنا يوفقك وبالله عليكى اسمعى كلامنا

[Free Canary]

السلام عليكم و رحمة الله و بركاته

بجد مش هتقدري توفقي بين العمل و المذاكرة
نجاحك و تفوقك في دراستك اكبر تعويض لتعب اهلك

انتي ان شاء الله لما تتفوقي و تجيبي مجموع عالي يدخلك كلية حلوة و تقدري تشتغلي بعدها
لكن بجد العمل دلوقتي مش هيكون مفيد

ارجو ان تتقبلي مروري و بالتوفيق ان شاء الله

[التائبة الى ربها]

انتى رحتى فين كلامنا مش عاجبك ولا ايه

[whisper2000]

شكرا ليكم بجد بجد
واسفه ع التاخير فى الرد بسبب المذاكره
وحاضر ان شاء الله هسمع كلام حضارتكم
وهشيل الفكره دي من دماغي
وبجد مش كنت اتوقع ان الاقى لى اخوات كتير بيفكروا معايا بصوت عالى كده
وفعلا كلامكم صح
وادعولى دايما بالله عليكم بالهدايه والمغفره

وربنا يهديكم ويغفرلكم كلكم

[semsemh_2001]

المشاركة الأصلية كتبت بواسطة doctor s.e

انا شايفه بصراحه بصراحه و انتي زي اختي بالضبط مش هكدب عليكي
انتي لازم تشيلي الموضوع ده من دماغك خاااالص
حبيبتي اي حاجه من ورا باباكي و مامتك عمر ما ربنا يباركلك فيها حتى لو كان ده في مصلحتهم و مصلحه الاسره
هما مطلبوش مساعدتك بالعكس دول على قد ما بيقدروا مش مخليينك محتاجه حاجه
و بعدين انتي في ثانويه عامه متهيألي لما تنجحي و توريهم نتيجه تعبهم و شقائهم معاكي هيفرحوا جدا و هينسوا كل التعب ده
لانه جه بفايده .... و كمان خدي بالك انتي لما هيبقى معاكي شهاده كويسه هتقدري تشتغلي بيها و تساعديهم بس و هم عارفين
و كمان هتقدري تساعدي اخواتك ..انما انتي كده بتضحكي على نفسك لو قلتي هقدر على الشغل و الثانويه العامه
متهيألي كمان نجاحك في دراستك و مستقبلك اهم عندهم كتيير من الفلوس و كمان هيحسوا بقيمه الي عملوه معاكي
و في الاول و في الاخر يا حبيبتي ...استخيري ربنا و ابعدي عن اييي حاجه ممكن تزعل باباكي و مامتك ..دول اغلى حاجه و رضاهم و دعاهم بالدنيا

اسفه ان كنت طولت عليكي ..بس يارب اكون قدرت اساعدك بطريقه متواضعه شويه
تقبلي مروري

ردك عليها ممتاز يادكتورة ويارب تبقى دكتوره
وبعدين انت بتقولى هستلف من جدتى مبلغ كبير ده معناه انا جدتك ميسورة الحال يعنى ممكن تساعدك او تساعد ماما وبابا
على فكره انا ام مش طالبه وبقولك نجاحك وتفوقك عند ماما وبابا اغلى من كل الفلوس اللى ممكن تجيبيها ليهم وانت مش متخيله الاذى اللى هتسببيه ليهم لو عرفو انتى بتفكرى فى ايه
ياريت تكونى اقتنعتى