يلجأ للشباب ويستغنى عن حسن مصطفى

حسين المغربى · #1 25-06-2009, 04:26 PM

قدم الأهلى اليوم الشكر
للاعب حسن مصطفى على الفتره التى قضاها فى خدمة النادى
و ترك له حرية الإنتقال لأى نادى يرغب فيه
ليحصل على المقابل المادى وحده كاملا تقديرا لجهوده

على الجانب الأخر

تم تصعيد كلا من
رضا شحاته و هشام محمد و أحمد نبيل مانجه للفريق الأول
بالإضافه للعائدين عبد الله فاروق
و مصطفى شبيطه
ستدب الحيويه فى الفريق بإذن الله

الاسطورة · #2 25-06-2009, 06:27 PM

اكيد الغبى اللى اخد القرار ده هو حسام البدرى
مافيش حد يفرط ف لاعب زى حسن مصطفى
استغفر الله العظيم يارب

star 1 · #3 25-06-2009, 07:28 PM

والله انا كان نفسى يفضل فى الاهلى بس يلا بقى معلش واللى مضايقنى ان استغنى عنه كدة
وفى مصادر بتقول انه هيروح الزمالك

Not Allowed · #4 25-06-2009, 08:13 PM

أزاى الاهلى يستغنى عن لاعب زى حسن مصطفى ؟

من رأيى دة قرار خاطىء 100%

بس برضوا نرجع ونقول هما بيفهموا أحسن مننا
بكرة نشوف أخرتها أية !!!!!!!!!

أحمد فكري صالح · #5 26-06-2009, 12:27 AM

حسن مصطفى لم يظهر مع الشرطة واضح إن التعب الي عنده فيه حاجة مخفية في الموضوع ولجنة الكرة مخبية

حسين المغربى · #6 26-06-2009, 02:10 AM

حسن مصطفى لاعب جيد ربنا يوفقه فى ناديه الجديد
حتى لو كان الزمالك لكن المركز اللى بيلعب فيه بيحتاج هدؤ و تركيز و تفكير
لأنه بيعتبر بانى للهجمات و هوه دايما متسرع
وبالتالى بيطلع الكوره غلط أو بيضطر يعمل فاولات وياخد كروت كتير
و هى دى نقطة ضعفه
مع إحترامى لكل الأراء السابقه

حسين المغربى · #7 26-06-2009, 02:15 AM

اقتباس:

المشاركة الأصلية كتبت بواسطة الاسطورة

اكيد الغبى اللى اخد القرار ده هو حسام البدرى
مافيش حد يفرط ف لاعب زى حسن مصطفى
استغفر الله العظيم يارب

كويس إنك إستغفرت فى الأخر
الراجل لسه ماسك الفريق لازم نساعده و نقف جمبه عشان ينجح
و لا هوه لازم يكون أجنبى ؟؟؟!!!!!!
لو تتذكر إن فى أخر موسمين حسن مصطفى كان خارج حسابات جوزيه تماما
و لم يكن جوزيه غبيا
صدقنى البدرى كويس إدعيله
شكرا لسعة صدرك