الطائف*** شعر نبطى

[وحيدة شكلى]

اليوم أقدم لكم قصيدة من الشعر النبطى
بمناسبة هطول الأمطار الغزيرة
والسيول على المملكة العربية السعوديه
للشاعر والكاتب الصحفى ( عبد الله عبيان )
بعنوان ( الطائف )
************************************************** ****

تعن القصايد ( للهدا ) والحمـام اسـراب

تعداه شـرق يجـاذب الريـح مسحوبـه

سألته عن الطايف وشاور كـذا وارتـاب تردد وجاوب تحـت الاضـلاع مكتوبـه

تسولف عن اسرار الهوى والمطر بإعجاب على العشب يا هـي فتنـةٍ مالهـا توبـه

وانا في ( الشفا ) راقبتها بعد طول غياب

وتو .. الندى ينفض نعاس الفجـر دوبـه

صحت مثل طفله تفتن الـورد والعنـاب

عشقها الربيع المبتسـم وسرقـت ثوبـه

تهادت لباب المدرسـة والسحـاب كتـاب

تفلـه وتقـرا فيـه والشمـس محجوبـه

خطبها القصيد ورددت له بصوت عتـاب

انا مـن قديـم الوقـت للغيـم مخطوبـه

ديارٍ كتبها المجد فـي عالـي المرقـاب

لها النجم والقرنـاس والبـرق مجذوبـه

اهلها عصابة راسها ما تحسـب حسـاب

ليا ثار عـج الخيـل والخيـل مرعوبـه

عليها من انفاس الهبايـب سـلام احبـاب

تجيها بلهفة شـوق وتـروح مغصوبـه

يقولون يالطايف يجي الحب دون اسبـاب

وانا اقول فيـه اسبـاب خلتـك محبوبـه

مع أرق تحياتى:::: وحيدة