نداء الى سيادة الوزير الأب الدكتور يسرى الجمل

[adel hasan]

أناشد سيادتكم بالأصالة عن نفسى ونيابه عن العديد من الطلبة والطالبات للمرحلة الثانوية الأولى والثانية بالموافقة على سرعة إعلان النتيجة إذا كانت عمليات المراجعة والرصد قد إنتهت ولم يعد هناك مايستدعى التأخير فى إعلان النتيجة حتى لايكون هناك فرصة لذوى النفوذ وأصحاب المناصب من الحصول على النتائج لأبنائهم من الكنترولات المركزية حتى نشعر بالمساواه فى إنتظار النتيجة ولايكون هنالك فروق أو تمييز بيننا إلا بالمجموع ومايوجهنا إليه مكتب التنسيق، ولايخفى عن سيادتكم القلق والتوتر الذى تعيشه كل أسره لدبها طالب أو طالبه فى إنتظار النتيجة. راجين الله سبحانه وتعالى أن يمن عليكم بموفور الصحة والعافية وأن يسدد خطاكم لما فيه مصلحة أبنائكم الطلاب ومصرنا العزيزة.

[adel hasan]

عايزين مشاركات ياجماعة !!!!!!!!!!

[allah_islam]

ههههههههههههههههههههههههههههههههههههههههههههههه

[allah_islam]

شكلك غلبان ومش من مصر

انتظر النتيجه ....................

يمكن تطلع قبل ما نموووووووووووووووت

[ba7eb alahly awi]

يا بني هو الوزير حيدخل منتدي الثانويه يعني علشان يشوف النداء اللي عامله سيادتك
ابقا اتصل بأي برنامج من برامج التوك شو وابعت النداء بتاعك ده

[احمد السقا]

أستـنى أكلم الوزير على الاميل وهـشوفه كدة يمكن يكون اون لاين ونعرف منه أخبار النتيجه عشان أنت شكلك على أعصابك

يعنى الوزير هسيب الدنيا كلها عشان يـشوف كلام حضرتك

خليها على ربنا وسبها ماشيه زاى ماهى كدة واللى بقول الاتين ماكش دعوه بيه ولا يقول الاربعاء فكك منه واللى يقولك الخميس اعمل نفـسك مش من هنا

الاتنين من الاربعاء من الخميس من بعيد . بكرة جاى واكيد هيكون فى كلام تانى

[adel hasan]

والله ما إنت فاهم حاجة !!!!!!!!! الوزير ليه ناس ومستشارين فى كل حاجة، خللى نظرك بعيد وأفقك واسع ياحبيبى.

[احمد السقا]

المشاركة الأصلية كتبت بواسطة adel hasan

والله ما إنت فاهم حاجة !!!!!!!!! الوزير ليه ناس ومستشارين فى كل حاجة، خللى نظرك بعيد وأفقك واسع ياحبيبى.

مـش مهم انى فاهم ولا لأ المهم أنك تكون عارف ان الناس اللى انت بتقول عليهم دول حاسين بيك يا هندسه ولا بكلامك ولا بكلام غيرك

هـو انت مش من مصـر ولا ايه

[allah_islam]

كلامك صح يا عادل انه ليه مستشارين

بس انت يعنى شايف ان سياده الدكتور الوزير

هيسمع كلام حضرتك مهما كانت الطريقة اللى هيوصلوا بيها الكلام

كان سمع دعاء اولياء الامور السنه اللى فاتت

وسهل الامتحانات

[allah_islam]

كلام صح يا سقا والله

[nazerkom]

يا ابنى اصحاب النفوذ وأصحاب المناصب حصلوا على نتائج ابنائهم فور تصحيح المواد مادة تلو الاخرى

[M.E.M.s]

هههههههههههههههههههههههه
يا ابنى ما تتعبش نفسك حتى و لو الكلام وصل برضه ما فيش حاجة حتحصل

[احمد السقا]

أحنـا اللى عاملـين كدة نفسنا والله نفضل نتكلم على الفاضـى . اصحاب النفوذ وأصحاب المناصب حصلوا على نتائج ودة كلام الراجل الطيب وانا معاك يا كبير فى كلامك انما أحنا اللى طيبين هنفضل نستنى كده لحد ما القطـار يفـوت

[النمس 2009]

والله انك غلبااااااان

وبتاكل لباااااااااااان


اضم صوتي لصوتك

[adel hasan]

سيادة الوزير مش مطالب إنه يسمع كلامى ولا كلامك ......... سيادة الوزير مطالب إنه يعمل مافيه مصلحة أبنائه وبلده ومايراه مناسبا للوضع الحالى ولا أظنه يألوا جهدا ولا يدخر وسعا فى ذلك.......... وعلى فكرة لسة بلدنا بخير والله والحمد لله.