اجمل هديه تهديها لحبيبك

[hapy dream]

بسم الله الرحمن الرحيم

السلام عليكم ورحمه الله وبركاته



اكيد طبعا كلكم فهمتونى غلط

من العنوان بس بصراحه انا قاصده اكتبه كده

بالنسبالى وبالنسبه ليكوا ملناش غير حبيب واحد واعظم حبيب

(الله عز وجل )

اللى دايما بيدينا وميلقيش كلمه شكر الا قليل خالص

ويبتلينى علشان يرحمنه ونقولله ليه كده يا ربى ونبقى متدايقييييين

كرمنا عن باقى خلقه بالعقل وخلانا لينا الخيار فى عبادته

نغلط ويسامحنه نعصاه ويسامحنه

بنغلط كتير اوى فى حقه ونبعد عنه ولما نرجعله ونستغفره وبردو بيسامحنه

عمركم شوفتوا حد احن علينا من كده لا طبعا

*
*
ايه رايكم لو كل عضو يقدم هديه لربنا

واللى بعيد عن ربنا ومش عارف يقرب يقوللنا ممكن نساعده

يعنى نتناقش ونشجع بعضنا ونبعد عننا الشيطان

و يا رب الموضوع يعجبك

كفايه اللى يدخل الموضوع يسيب كلمه شكر وحمد لربنا

او حتى دعاء جميل يكون فى ميزان حسناتنا

رفع الله مكانتكم فى الجنه جميعا ويكرمكم بلقاء وجه كريم امين