أسأل عن التنسيق

[thedentistmod]

بسم الله الرحمن الرحيم
انا قريت مشاركات كتير ليكم هنا على المنتدى و اسئلة عن التنسيق و احواله و ازاى بيحصل و كده
انا مريت بالتجربة دى قبل كده و هحاول اكتب شوية نقط كده عن المسألة دى
( بالمناسبة انا طالب طب اسنان فاضلى سنتين على التخرج ان شاء الله )
1/ التنسيق بيكون من على الموقع على النت و بيكون على شكل رغبات انت بتدخلها طبقا للشعبة بتاعتك و بيكون فى رقم سرى انت خدته من المدرسة و ده اللى بيخليك تقدر تدخل على الصفحة الخاصة برغباتك
2/عدد الرغبات بيكون حوالى 46 على ما اذكر لازم تدخلهم كلهم
3/ لو انت هتعمل التنيق فى البيت او السيبر يبقى ممكن تدخل فى اى وقت طول اليوم و كل الايام لغاية يوم ما تنتهى المرحلة الاولى
غالبا هتنتهى الجمعة او السبت
اما لو انت هتروح الجامعة فلازم تلتزم بالتحديدات اللى هما بيكتبوها يعنى كل يوم و بيخد مجاميع معينة
4/ ممكن بعد ما تدخل الرغبات تعدلها عادى جدا فى اى وقت مفيش مشكلة
5/ عادة بتبقى الحكاية باينة كويس من اولها بمعنى ان نتيجة التنسيق بتبقى متوقعة و عادة بتحقق على نص الاسبةع ده
لان ببساطة كليات المجموعة الطبية بشرى و اسنان و صيدلة هتخد السنة دى 15000 طالب و بالتالى المجمع التكرارى بعد اضافة درجات المستوى الرفيع هيقول مين هما اعلى 15 الف طالب و على الاساس ده هيتحط التنسيقو اللى اتكتب فى الاهرام النهاردة لسه مش اكيد و لا يزال اجتهاد صحفى
و مهم جدا تعرف ان الترتيب اللى مكتوب على المواقع بيكون من غير اضافة المستوى اما الترتيب اللى بينزل على اساسه التنسيق فده بعد اضافة المستوى و ده اللى بيعمله مكتب التنسيق و ده اللى حيتكتب عنه فى الجرايد خلال كام يوم بس
6/ اللى متحير بين طب الاسنان و الصيدلة احب اقوله بصفتى طالب طب اسنان ان الكليتين كويسين و زى بعض بس الاسنان محتاجة شوية مهارة يدوية عكس الصيدلة اما المناهج فاكيد مختلفة لكن نفس درجة الصعوبة بس لاحظوا ان اسنان مش بتمتحن ترم خالص لكن صيدلة بتمتحن ترم و كامن اسنان اللى يشيل مادة يخدها دور تانى لو شالها يعيد عليها السنة اما صيدلة فممكن يطلع بيها السنة اللى بعدها
اسنان فى مواد بتمتحن فى منهجها اللى هو عبارة عن 3 سنين اما صيدلة لا
مدة الدراسة عندنا فى اسنان 5 سنين + سنة امتياز اجبارى اما صيدلة 5 سنين من غير سنة امتياز
اسنان مثيرة اكتر من صيدلة انما صيدلة ممكن شغلها اسهل و فلوسها اكتر شوية
7/ الكلام بتاع ان الكلية دى يبقى خلاص بقى مذاكرة اى كلام و كده ده كلام غلط و الكليات الطبية و الهندسية كلها محتاجة مذاكرة مستمرة والا هتتخرج طبيب او مهندس فاشل
8/ بالنسبة للهندسة فهما بيخدوا حوالى 20000 طالب و جرت العادة ان اى حد بيدخل مرحلة اولى بيلحق كده كده و المرلحة التانية فبتخد لغاية حوالى من نص الى واحد فى المية تحت المرحلة الاولى