|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
15-07-2009, 08:09 AM
|
|||
|
|||
.. عشان نحط النقط فوق الحروف .. ادخل وحاول تستفيد ..
اولا قبل مابدأ ..
الموضوع ده منقول من مدونة ( البتاعة ) لـ ( سمو الامير ) ودلوقتى اسيبكم مع الموضوع .. حسنة قليلة تمنع بلاوي كتيرة ، إلهي ما يرميك في ضيقة يابني ، ربنا يكفيك شر ذلة النفس ، دنا غلبانة ومعايا خمس أيتام باجري عليهم ، إلهي ما يحوجك لحد أبدا قادر يا كريم وغيرها وغيرها من الدعوات والاستنجدات اللى بتقطع قلوبنا وتخلينا نطلع الفلوس ونديهالهم واحنا عارفين كويس انهم بيعملوا كده كل يوم معايا ومعاك ومع أي حد بيقابلوه ويجمعوا من هنا وهنا مش عشان يسدوا حاجتهم ويبعدوا نفسهم عن ذلة النفس زي ما بيقولوا لأ ، دي عشان بقت مهنة فعلا وبتكسب كتير وإحنا طيبين وبيصعبوا علينا وبنديلهم عشان اللى عند ربنا ما بيضيعش واهو كله بثوابه أنا مقولتش حاجة ، كله بثوابه فعالا ، وإن شاء الله ربنا هايجازيك كل خير ويجعله في ميزان حسناتك بس أنا جاي اتكلم عن فئة معينة مش كتير مننا شافوها ، هاحكيلكم عنهم وبعدين قرروا من فعلا يستحق مساعدتكم اسمحولي ابتدي من الاول واقول ان جمعية رسالة وهي جمعية خيرية بتنزل قوافل في رمضان كل سنة ، القوافل دي بتكون فيها مساعدات للناس الفقيرة والمحتاجة والمريضة والناس اللى تستحق مساعدة فعلا بس عشان المساعدات دي توصل للي يستحقوها فعلا لازم يحصل قبلها مسح كلي لكل المناطق دي ويتعرف فيها كل واحد يستحق المساعدة ولا لأ ولو يستحق ايه نوع المساعدة اللى يستحقها عمليات المسح دي أو الاستكشافات زي ما بنسميها احنا - بالنسبة للسنادي - بدأت من فترة كده وكان ليا الشرف إني انزل في عمليتين منهم وربنا يقدرني واعرف انزل الفترة الجاية يعني اللى هاحكيهلكم هنا مواقف شفتها بنفسي أو حصلت لحد من اللى نزلوا معايا الاستكشافات ، مش من تأليفي يعني 1- ست كبيرة قاعدة لوحدها في البيت ، أولادها كلهم اتجوزا وسابوها ، الست دي محدش بيسأل عنها خالص ، لا ولادها ولا حد بيعبرها اصلا ست فقيرة جدا ورغم كده قالت لنا انها مش محتاجة أي مساعدة من أي حد أي نعم هي معندهاش ميه في البيت ويوم ما بتطلع تملي ميه من أقرب مكان ليها بتطلع ع الفجر تقريبا ، توصل للمكان اللى فيه الميه مش قبل الضهر ، بتملي جردل أو اتنين وترجع بيهم ، على ما توصل بيتها يكون العصر أذن ، شوية الميه دول ممكن يكفوها يومين لغاية دلوقتي معرفش الست دي مصدر دخلها ايه وعايشة ازاي لكن اللى قالتهولنا إن كل أمنيتها في الحياة إن حد يخبط عليها ويسألها ازيك عامله ايه ؟؟؟ حد يزعل عليها لما تموت ويقول الله يرحمها !!! 2- واحدة تانية عندها 80 سنة تقريبا ، قاعدة في عشة صغيرة ، ممكن متاخدش بالك من العشة دي وانت ماشي لكن لو ركزت شوية هتلاقي إن العشة دي فيها واحدة عجوزة مبتقومش من ع السرير من كتر الأمراض اللى عندها ، ولاد الحلال حبوا يساعدوها راحوا عاملين لها (قعدة حمام أفرنجي ) جنب السرير بتاعها اللى مفيش عليه بطانية حتي 3- الحاجة نعيمة ، ودي من أغرب الحلات اللى شوفتها ، لأننا مش عارفين إزاي نوصلها ميه وهي معندهاش حمام أصلا ده غير إن بيتها تحت الأرض !!! ده لو صح التعبير وقولنا عليه بيت الحاجة نعيمة مصدر دخلها إنها بتطلع تشتري خضار وتبيعه والمكسب اللى بيطلع لها هو ده اللى بتجيب بيه أكلها 4- الحاجة راوية ، ودي قاعدة لوحدها بردو في بيت بناه ليها أهل الخير وجابولها أكياس شيبسي وتوفي ولبان عشان تبيعهم وتصرف على نفسها ، هي مش عايزه غير سماعة أذن عشان سمعها ضعيف جدا وعايزه راديو تسمع عليه قرآن !!! 5- وهو مش موقف واحد ، لأ ده تقريبا حصل مع معظم الحلات اللى شوفتها وهو إنهم مش عارفين سنهم كام سنة بل وصلت ببعضهم إنهم مش حافظين أساميهم !!! بجد كان نفسي احكي كمان وكمان بس مش عاوز اكتر عليكوا واعتقد إن الحالات للى حكيت عليها تكفي عن الكلام اللى عاوز اقوله اللى بيطلع صدقته للناس اللى قولت عليهم في الاول اكيد له ثوابه واللى بيطلع للناس التانيين بردو اكيد له ثوابه ان شاء الله بس عاوزكوا تفكروا مين اللى فعلا يستحق مساعدتكم كلمة أخيرة حابب اقولها ، وهي بخصوص معظم الشباب اللى زهق من الاجازة : انت عندك حق تزهق منها لأنك مش بتنوع فيها ، مقضيها شات وفيس بووك وأفلام ولعب وخروج ونوم صدقني كده كده الاجازة هاتعدي ، وهاتيجي الدراسة وهاتعدي بردو وهكذا هتلاقي نفسك يوم عن يوم بتكبر وانت مش لاقي حاجة تعملها ونفسك تغير حياتك للأحسن اعمل حاجة تنفعك او تنفع غيرك سواء في الدنيا أو في الآخرة اتعلم برنامج جديد ومن خلاله طور قدراتك وانفع غيرك انك تعلمه ليهم اقرأ كتاب وشوف تجارب غيرك واستفيد منها في حياتك انزل الجمعيات الخيرية وساعد غيرك واستغل الطاقة اللى جواك في حاجة مفيدة زور قرايبك وقوي صلة الرحم بينك وبينهم خد بإيد صحابك والناس اللى حواليك لحياة أفضل اغتنم صحتك قبل مرضك غناك قبل فقرك شبابك قبل هرمك فراغك قبل شغلك حياتك قبل موتك آخر تعديل بواسطة Rien ، 15-07-2009 الساعة 08:14 AM |
|
#2
15-07-2009, 08:33 AM
|
||||
|
||||
|
ربنا يبارك فى حضرتك على التذكرة العطرة
ويلا ياشباب نعمل حاجة تنفعنا او تنفع غيرنا سواء في الدنيا أو في الآخرة نتعلم برنامج جديد ومن خلاله نطور قدراتنا وننفع غيرنا نقرأ كتاب ونشاهد تجارب غيرنا ونستفيد منها في حياتنا ننزل الجمعيات الخيرية ونساعد غيرنا ونستغل الطاقة التى بداخلنا في حاجة مفيدة نزور اقارب لنا ونقوي صلة الرحم بيننا وبينهم نخد بإيد اصحابنا والناس من حولنا لحياة أفضل
__________________
محمد على (أبو زياد) ..... معلم رياضيات ثانوى
محافظة قنــــــــــــــــا ..... ادارة قنــــــا التعليمية آخر تعديل بواسطة محمد على ابوزياد ، 15-07-2009 الساعة 08:36 AM |
|
#3
15-07-2009, 08:36 AM
|
||||
|
||||
|
فعلاً كلام واقعى و ما خفى كان أعظم
و بجد بجد مش وجهة نظرى بس لأ ده وجهة نظر كل أصحابى الناس اللى بتقول كلام يقطع القلب معروفين ده ناس محترفة بس ممكن نديلهم أو لأ حسب التساهيل أما لما بنشوف واحد غلبان و ساكت بنحاول نعمل اللى ربنا يقدرنا عليه لأنن لسة بيتصرف علينا و لسة صغيرين (على أساس لما نكبر هنشتغل أنت بتحلم يا حلمى) بجد الواحد مش عارف يقول ايه الأغنياء ربنا يزيدهم غنى ماشاء الله مش بنحسد بس يا ريت لو يفتكروا الغلابة و يدوروا عليهم أو حتى يدوها للجمعيات الخيرية يتصرفوا هم للأسف تفكير البلد ده رجعى جدًا و عنصرى و ناس بجد بيغرها المناظر فيه ناس بفقرهم عاشوا فقراء و ناس بجشعهم سرقوا و نهبوا و ماتوا فقراء ماتوا معهومش حسنات كفاية ، ماتوا عليهم حمل زائد !!! و أحب أقول الناس المحترفة يستحقوا و الناس الغلبانة يستحقوا أضعاف مضاعفة عمومًا دنيا و تزول و ندخل الآخرة و يا أما ندخل الجنة ، يا أما هندخل الجنة و فى الحالتين برحمة ربنا ربنا يرحمنا قادر يا كريم حاسس إنى كلامى مش مترابط خالص معلش بقى النتيجة النهارده و الواحد منامش كويس مش خوف ولا حاجة مجرد استهبال و ربنا يوفقك يا Souhaits و تجيبى مجموع يرضيك و تدخلى لكلية اللى تحبيها
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم  |
|
#4
15-07-2009, 10:03 AM
|
||||
|
||||
|
كلام جميل بجد يا منى
وكويس انك كتبتيه هنا وعجبنى بجد اخر جزء من الموضوع لانى كان نفسى اقول الكلام دا من زمان ان الحياه مش منتدى او فيس بوك وبس فيه حاجات تانيه احسن بكتير ومفيده للواحد وشكرا ليكى تانى مره يا منى ومنوره بموضوعك الجميل دا  :
__________________
 تعبان بجد لو فيه حد لسه بيحبنى ياريت يدعيلى ان ربنا يهدينى |
|
#5
15-07-2009, 10:20 AM
|
|||
|
|||
|
بجد موضوع تحفه ياموني ......
بس بجد الناس دي صعبت عليه اووي لما يكونوا كدا ..... اكبر دليل اننا عايشين في نعمة مفروض نقول عليها الحمدلله شكرا يا موني
__________________
والحب له قوانين آخري..!
|
|
#6
15-07-2009, 12:37 PM
|
||||
|
||||
|
السلام عليكم إخوتي الأعزاء
قال تعالى في سورة التوبة )خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا وَصَلِّ عَلَيْهِمْ إِنَّ صَلاتَكَ سَكَنٌ لَهُمْ وَاللَّهُ سَمِيعٌ( و قال عز وجل)لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ( و قالr)داووا مرضاكم بالصدقات ( وقال r)ألا أدلك على أبواب الخير ؟ الصوم جنة . والصدقة تطفئ الخطيئة كما يطفئ النار الماء . وصلاة الرجل في جوف الليل( و يروى أن احد صحابة رسول الله صلى الله عليه وسلمعلى فراش الموت فنطق بثلاثكلمات ليته كان جديداويذهب في غفوة ويفيق وهويقول ليته كان بعيداويذهب فيغفوة ويفيق وهو يقولليته كان كاملاو بعدها فاضتروحه ، فذهب الصحابة رضوان الله عليهم إلى رسول الله صلى الله عليه وسلمليسألوه عن هذه الكلمات ..فقال لهم رسول الله صلى الله عليه و سلمإن هذا الرجل في يوم من الأيام كان يمشيو كان معه ثوبقديم فوجد مسكينا يشتكي من شدة البرد فأعطاه الثوبفلما حضرته الوفاة و رأىقصرا من قصور الجنة فقالت له ملائكة الموت : هذا قصركفقال : لأيعمل عملته ؟؟فقالوا له : لأنك تصدّقت ذات ليلة على مسكين بثوب فقال الرجل : انه كان باليا فما بالنا لو كان جديدا ليته كان جديداو كان فييوم ذاهبا للمسجد فرأى مقعدايريد أن يذهب للمسجد فحمله إلى المسجد فلما حضرته الوفاة و رأى قصرا من قصور الجنة فقالت له ملائكة الموت : هذاقصركفقال : لأي عمل عملته؟؟فقالوا له : لأنك حملت مقعدا ليصلي فيالمسجد: فقال الرجلإن المسجد كان قريبا فما بالنا لو كانبعيدليته كان بعيداإن هذا الرجل في يوم من الأيام كانيمشيو كان معه بعض رغيففوجد مسكينا جائعا فأعطاه جزءمنهفلما حضرته الوفاة و رأى قصرا من قصور الجنة فقالت له ملائكة الموت : هذا قصركفقال لأي عمل عملته؟؟فقالوا لهلأنك تصدّقت ببعضرغيف لمسكينفقال الرجلانه كان بعض رغيف فما بالنا لو كانكاملاليته كان كاملا و يروى أيضاً أن احد أهل المدينة عندما سمع آية )لَنْ تَنَالُوا الْبِرَّ حَتَّى تُنْفِقُوا مِمَّا تُحِبُّونَ( كان له جنتين فتصدق بأكبرهما و أكثرهما ثمراً |
|
#7
17-07-2009, 09:26 PM
|
||||
|
||||
اقتباس:
الموضوع بيتكلم عن حاجتين
الأولى : الشحاتين اللى بنشوفهم و بيثبت إن فى ناس فعلاً بتستحق أكتر منهم زى الأمثلة اللى موجودة دى و أنا فعلاً بفضل أدى اللى بيبيع مناديل على الرصيف ولا إنى أدى لواحد عمال طول النهار يذل فى نفسه .. دا لو كان جاب كام منديل حطهم ادامه هيحفظ كرامته و هيبقى قرشه حلال و من عرق جبينه .. الشحاتين برا متطورين عننا بمراحل .. تلاقيهم بيرسموا أو بيعزفوا موسيقى أو بيرشوا نفسهم ألوان أو يلبسوا لبس شخصيات مضحكة .. شحاتة بإحترام مش المناظر اللى عندنا التانية : كيفية إستغلال وقت الأجازة و ده شىء جميل فعلاً و ياريت كلنا ننفذه على أكمل وجه و نستغل وقتنا عامةً بشكل مفيد متابعة الموضوع بإذن الله موضوع ممتاز يا منى .. جزاكِ الله كل خير
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#8
22-07-2009, 09:26 PM
|
||||
|
||||
|
على فكرة المحتاج دا بيبقى عنده انوا يموت مليون مرة وميقولش لحد انوا محتاج
ولا يمد ايده لحد الناس البجحة ال بنشوفها اليوم دول وكل يوم يخبطوا عليكوا ومبيزهقوش دول دى شغلتهم عايشين تمام مش ناقصهم حاجة دول بيكسبوا اكتر من الناس ال بتيتعبوا فى شغلهم والمصيبة انهم حتى مش باين عليهم انهم محتاجين شكلهم كويس لابسين كويس صحتهم كويسة بجد انا من النوع ال بيستحقر الناس دى بس الواحد بيطلع لله مش عشان خاطر سواد عيونهم النية لطاعة ربنا مش عشان حاجة والله يلا ربنا هيحاسب كل واحد على قد نيته
__________________
الحمد لله على كل شئ |
|
#9
23-07-2009, 12:52 AM
|
||||
|
||||
|
اقتباس:
كلام كويس يا حنان و عندك حق فيه
بس صدقينى بالرغم من إن الناس المحتاجة بيكون عندها عفة و خجل و كرامة إلا إن فى ناس من شدة الفقر و الجوع و البهدلة و بيقولوا إحنا محتاجين و ممكن توصل لدرجة البجاحة اللى قلتى عليها .. و إسمهم فعلاً محتاجين .. بس مش شحاتين .. لإن الشحاتين دول أبجح خلق الله خصوصاً اللى بيقفوا ادام باب الجامعة عندنا  عايزة أوضح إن البجاحة نوعين : نوع بجح علشان محتاج و نوع تانى بجح علشان طماع
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#10
29-07-2009, 03:50 AM
|
|||
|
|||
|
اقتباس:
شكرا يافندم على مرور حضرتك بجد
|
|
#11
29-07-2009, 04:41 AM
|
||||
|
||||
|
هو الموضوع جميل جداً لا شك ياأخت مني
ربنا يجازيكي عليه خير يارب انتي والكاتب لكن الكاتب استخدم إسلوب في إلقاء النصائح والجري انا وانتي واحنا كلنا سمعنا الكلام وصقفنا مفيش شك ان كلنا عايزين نبقي احسن وخصوصا في جانب مساعدة الناس بس للأسف هو مش ممنهج الطريق اللي نمشي عليه ونتخذه ودي المشكلة ان كل واحد بيرمي نصيحة ويطلع يجري وكأن النصيحة عشان يحسس نفسه انه عمل اللي عليه وخلاص احنا عايزين حد له خبرة في المجال ده - وبشرط يكون لا ينتمي لحزب وكائنات تعبانه بعينها - يوجهنا ويدييلنا اختيارات مناسبة ومنطقية وممنهجه في وقت معين  عشان منبقاش بنتكلم ف الهواء الطلق جزاكِ الله كل خير
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  |
|
#12
29-07-2009, 09:06 AM
|
||||
|
||||
|
معلش يا أحمد
ممكن توضيح لكلامك؟؟ هو كتب و قال .. إيه المطلوب منه تانى؟؟ يقول يلا روحوا الجمعيات الخيرية و سيبوكم من الشحاتين؟؟
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#13
31-07-2009, 04:34 AM
|
||||||
|
||||||
|
اقتباس:
الحمد لله على كل شئ بالنسبة للناس المحترفة .. باحس ان صعب حد يحط نفسه ف موقف انه يطلب مساعدة الا لو كان فعلا محتاجها والرسول صلى الله عليه وسلم قال : (( اعط السائل ولو جاءك على فرس )) وقال : (( لا ترد السائل ولو بشق تمرة )) يعنى حتى لو حاجة بسيطة هاتكون اكبر من انك ترفض تساعده بس اكيد اللى مش بيطلبوا احق من التانيين شكرا كتير عبد الرحمن على مرورك اقتباس:
هى المسألة ان عندنا فراغ جامد ومش عارفين نطلعه ازاى او ف ايه ف دايما بيطلع ف الحاجات اللى مالهاش لازمة ربنا يهدينا جميعا شكرا كتير محمد على المرور اقتباس:
اكيد الحمد لله ولما نبص لغيرنا هانعرف اننا احسن كتير شكرا كتير يا جميل على مرورك اقتباس:
شكرا كتير يافندم على اضافة حضرتك جزاك الله خيرا اقتباس:
مبسوطة جدا بردك يا مها واهتمامك بالموضوع جزاك الله كل خير على المرور الجامد ده اقتباس:
بس ماحدش هايطلب غير لو بجد محتاج
او فيه ظروف مخلياه مضطر لكدة  انتى عندك حق ربنا هايحاسب كل حد على قد نيته شكرا كتير حنان على مرورك |
|
#14
31-07-2009, 05:04 AM
|
|||
|
|||
|
اقتباس:
انا معاك ومش معاك ف الكلام ده
معاك ف ان الكلام اتقال والناس قالت كلام جميل .. جزاكِ الله خيرا وبس يعنى اه فكرنا ان ده الصح بس مفيش حاجة فعلية مش معاك لان دى مش مهمتى ولا مهمة صاحب التوبيك مش لازم اخد كل حد من ايده واقوله يلا روح هنا واعمل كذا عشان تبقى كويس وبتعمل خير اللى عايز يعمل حاجة بيعملها ممكن حد شايف انها مش سهلة او مش قدامه الطريق اللى يساعده ف انه يعمل كدة وهو عايز يعمل حاجة كويسة يبقى هنا المفروض انه يدور على حد عنده خبرة ف المجال زى ما حضرتك بتقول عشان يفيده ويوجهه وانا ماعنديش الخبرة دى .. ف عشان كدة قدمت النصيحة وطلعت اجرى زى ما حضرتك بتقول برضو عموما هو مجرد احساس لما بتقرا حاجة تعجبك وتأثر فيك شوية بتكون عايز توصلها لباقى الناس احتمال تكون سبب ف ان حد يتجه للخير باى طريقة حتى لو الاحتمال واحد ف المليون حضرتك شايف ان ده مالوش فايدة واننا بنتكلم ف الهواء الطلق .. دى مش مشكلة شكرا على مرورك فى رعاية الله يافندم آخر تعديل بواسطة Rien ، 31-07-2009 الساعة 05:12 AM |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:24 PM.
