مذكرات أستاذ جامعى

[الاميرة المصرية]

<div align="center">
أنا الدكتور غباشى العقدة أستاذ جامعى مشهور هنا فى وسط الاساتذة بأننى صديق الطلبة
هذا لاننى دائما امتحاناتى سهلة وبسيطة ومع ذلك فان نتائج الطلاب منطقية وواضحة وصريحة وذلك للأسلوب الذى أعتمده فى الاسئلة والتصحيح


فى بداية هذا العام الدراسى وعندما دخلت لطلاب الفرقة الثالثة والتى كنت أدرس لها العام الماضى كان استقبالى حافلا فقد قال الطلاب ما أن دخلت هييييييييييييية وعند اذ صار صفيرا فى أذنى أعانى منه حتى الان حتى أننى سمعتهم يقولون يييييييييييييييييييييييييييييييه ولكن أنا أعرف حب طلبتى لى مستحيل أن يقولوها فأيقنت أنا أذنى بحاجة للعلاج
ان طلبتى يحبوننى جدا حتى أن طلبة الفرقة الثالثة جميعهم تقريبا رسبوا فى مادتى والسبب واضح طبعا هو أنهم شعروا بأنهم لم يكتفوا من علمى الغزير

كانت محاضرتى من أحب المحاضرات اليهم حيث أننى لم أكن أتكلم فقط عن المنهج العقيم الذى أدرسه لهم بل أعطيهم دروسا فى حياتهم وأحكى اليهم قصص العلماء أمثالى الذين سطروا لمصر تاريخا علميا عظيما وفى النهاية تكون أسئلتى من المحاضرات مع تحويرات بسيطة جدا
غير أننى مؤمن بأن المتابعة شىء هام وضرورى لذلك فأطبق امتحانات دورية

هذا العام مثلا وضعت لهم امتحانا مفاجئا لأرى مدى استعدادهم وكان امتحانا بسيطا جدا ومع ذلك كانت نتيجته لم ينجح أحد هذا لأثبت لهم أن الاستعداد شيىء ضرورى طبعا سنتغاضى عن أن الامتحان كان للفرقة الرابعة ولكننى نسيت وأعطيته لهم وعموما فان الفرقة الرابعة لم تنجح فى حل امتحان الفرقة الثالثة لأنهم أصلا كانوا منقولين بنفس المادة ....... فين طلاب زمان

ثم جاء امتحان نصف العام وجاء بسيطا أيضا وللفرقة الثالثة ولم يحدث نفس الخطأ بتبديل الامتحانات وأعتقد أنهم أبلوا فيه خير البلاء ثم جاء وقت امتحان الشفوى مباشرة بعد امتحان النظرى كى تكون المذاكرة مرة واحدة حرصا على وقت الطالب وكان الطلبة يتصببون عرقا من الامتحان مع أننى لا أظن أنه طويل لقد كان 15 سؤالا تنقسم كل منها الى أربعة أقسام وكل قسم عبارة عن 10 أجزاء بسيطة ....... فأين الطول اذن ..... ما علينا

دخل الى الطلبة وكما قلت كان الطلبة يتصببون عرقا من الامتحان ولكن على الرغم من علمى الغزير فانها أول مرة أن هناك عرقا يخرج من العين ..... اما هذا واما هى دموع الفرح

سألت أول طالب - قللى يا ابنى ما هى آلية امتصاص النبات لسيكو بنوناتات المعضوض الصوديومى الفلزى اللافلزى عن طريق الفتحات الهالوجينية للثغور ؟
كان سؤال جميل شفته على قناة الجزيرة الوثائقية
- يا دكتور احنا مالنا احنا ومال النبات والبنات
- انت بترد عليا يا قليل الأدب هات كارنيهك والله ما هتشوف نجاح طول ما أنا فى الكلية
- يعنى قلت حاجة جديدة طول ما انت فى الكلية محدش هيتخرج أصلا خد سلاموعليكو
- قلة أدب اللى بعده
ودخل ميدو ابن الدكتورة بامية ...... قصدى سامية يا سلام ست زى العسل وحبيبة الطلبة برضه
وميدو ده زى ابنى ..... ممتاز
- اهلا ازيك يا ميدو
- الحمد لله ازيك انت يا عمو
- عملت ايه فى الامتحان
- كتبت الاجابات اللى انت قلتهالى امبارح بالضبط
- برافو عليك شاطر ... خد سؤال سهل أهه المنهج فيه كام فصل؟
- والله مش فاكر يا عمو بس هو بين 1 ل20 فصل
- برافو عليك يا ميدو شد حيلك عشان نشغلك معيد زى بنتى سالى وأخوك حمادة
- ان شاء الله يا عمو

وبعد هذا رحت الكنترول عشان أجيب ورق الامتحانات وقالولى قال ايه أنا أخدته يا سلام منتهى الاهمال خلاص بقى أمرى لله كل الطلبة هتشيل المادة الا ميدو عشان خاطر امه وقفت جنب بنتى كتير لحد ما بقت معيدة
لحظة واحدة جالى تليفون هرد عليه وأرجع

















وشكم حلو عليا يا جماعة عميد الكلية طلع معاش واختارونى عميد بس مش هسيب ولادى الطلبة هفضل أشرحلهم برضه .... سلام بقى
أ.د/ غباشى العقدة
كلية الاداب قسم اجتماع
__________________</div>

منقــــــــــــــــــــــــــــــــــول

[Sad Eyes]

انا اعرف الدكتورة ساميه :D

بس معرفش غباشى ده

مغسى يا مغيم :P

[محمود رفعت]

<div align="center">ايه الموضوع الغريب ده وعموما
ربنا يوفق الدكتور غباشي وميدو</div>

[ZerOo_CodE]

هههههههههههههههههه

ربنا يوفقة يارب

حلو الموضوع الجميل ده

[ReceptiveGuy]

ما هى آلية امتصاص النبات لسيكو بنوناتات المعضوض الصوديومى الفلزى اللافلزى عن طريق الفتحات الهالوجينية للثغور ؟

كلية الاداب قسم اجتماع
هههههههههههههههههه
موضوع جميل
فعلاً
شكراً عالنقل