|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
08-09-2006, 05:48 AM
|
|||
|
|||
بسم الله الرحمن الرحيم ..
- القواعد السليمة للإرتباط السليم .. مناقشة موضوع زى ده هتكون معقدة وهيتطور المجال فيها لأن الشباب عصبى فى موضوع الحب ده زيادة عن اللزوم لو محبش ميقدرش يعيش .. مش هأرجع لورا وأقولكم حرام وإلا حلال خلونا نتناقش فى إطار إجتماعى لتققيم الموقف بأمر سليم .. - أولاً الإرتباط شئ جميل جداً وأسمى عاطفة خلقها الله تعالى هيا عاطفة الحب لكن للأسف الإنسان مسابش حاجة إلا لما بوظها ولوثها وخلى شكلها وحش حتى الحب بقا فيه غش وخداع وخيانة ومصلحة وحاجات كتير أوى .. كل يومين فلان حب فلانة وإرتبطوا وكمان شوية ده طلع ندل ودى طلعت مش عارف إيه وهو يرتبط بعديها بيومين ببنت تانية صاحبتها عشان يغيظها تقوم هيا متغاظة ومرتبطة بالود أنتيمه وهلم جره وكل شغل مياعة وضحك ع الدقون وتلاعب بإسم الحب وخلاص .. لازم نعترف إن 99% من حالات الإرتباط فاشلة وده بسبب الطرفين سواء الولد أو البنت ..وخلونا نقول الولد طالب فى جامعة والبنت زيه هيتخرج مش لاقى يآكل هيروح لأهلها ويرجع أفاه يأمر عيش وهى فى الوقت ده هتكون بنت بابا وماما المطيعة اللى بتسمع الكلام وتقوله خد الدبدوب بتاعك وهات حاجتى بلا وش وتتجوز وهو بعديها بسنتين وإلا اكتر يتجوز وممكن يقابلوا بعض وميعرفوش بعض .. ومن ده كتير وممكن نقول 100 قصة ورواية .. أول شئ يا شباب الخير لازم تعرفوا إن الشئ اللى بيتولد فى الضلمة عمره ما هيخرج للنور أبداً والشئ اللى بيبنى على أساس ضعيف بيفشل فى أغلب الأحيان لأنه مع الزمن بيضعف أكتر ومبيقدرش بعد كده يقف على رجليه .. يعنى لو هنبدأ مسألة الحب لازم يكون فيه شرطين : 1- أن الحب ده يكون فى النور .. مش فى سينما وإلا كافيه من إياهم .. 2- أن يكون بمعلومية أهل الطرفين . -خلينا نناقش المبدأ الأول : البنت لازم تكون فاهمة كويس إن الولد اللى بيحبها وما إحترمهاش زى اخته يبقى مبيبحهاش حب صفى نقى وطاهر .. يعنى لو هيمسك إيديها ويحط إيديه على كتفها وناقص يشيلها ويمشى بيها فى الشارع (ما الواحد بيشوف كتير ) الولد ده لسا بيعيش سن مراهقة وبيحكمه الشهوة وليس الحب .. ونحسبها كويس إسأل كل الشباب المرتبطين عن إخواتهم البنات وقوللهم ترضى أختك ترتبط أو زى ما بتمسك إيد فلانة ترضى فلان يمسك إيد أختك .. طبعاً الجواب محفوظ وكل واحد فيهم هيعمل شمشمون وهيهد المعبد على اللى فيه لو حد مس شرف أخته بكلمة .. طاب البنت اللى إنتا بتحبها دى مالهاش كرامة وإحترام وقلب لازم تحافظ عليهم .. وإلا الحب بقا كلام فى التليفونات وخروجات ووقت المسؤلية .. كل واحد يجرى يشوف سكته إحنا مننفعش لبعض .. يبقى متجيش بنت تقوللى لو ممسكش إيدى هيبقى مش بيحبنى .. والولد كمان يقوللى كد عشان ده ذنب ممكن يؤدى والعياذ بالله لجرم .. يعنى من سماحة القرن ال 21 سايب كل الشباب يحب وينبسط بس على الأقل الشباب دول يحترموا آدميتهم ودينهم ونفسهم عشان مشوارهم ينتهى على خير ده إذا كانوا فعلاً بيحبوا بعض ما هياش شوية مراهقة إشباع عاطفى والسلام .. 2- المبدأ الثانى : البنت اللى مبتحترمش أهلها ومبتقدرش ثقتهم فيها تبقى مش هتحترمك ولا هتقدر ثقتها فيك .. إحنا عايزين نحط للإرتباط إطار إجتماعى موثوق يبقى ماشى فيه .. عن طريق الأهل عشان ميبقاش شئ تافه زى ما كله بيقول .. يبقى إنتى تقولى لوالدك ووالدتك ( شايف حد هيكتبلى فى الرد أهلى صعايدة مش هيوافقوا ) أظن إحنا دلوقتى فى زمن مفيش ولد أو بنت بيتجوزوا غصب عنهم إلا ما يندر حدوثه .. يعنى بمعنى أصح إذا كان شاب كويس ومتدين وبتحبيه وماله لو تقولى لبابا أو ماما الأقرب ليكم وتعملوا حاجة قدامهم أحسن ما يكون من وراهم وأكيد هما هيحترموا رأيكم ومشاعركم وإحترامكم ليهم قبل كل شئ .. نيجى للناحية التانية خايفة تقول لباباها دلوقتى لأحسن هو عصبى وممكن يقعدها فى البيت . . طاب يا حلو البنت اللى مالهاش شخصية وخايفة تقول لباباها وإحنا لسا على البر أومال جوا هتعمل إيه ؟؟ برضه لازم يكون فى إحتياطات يبقى والدها عارف ظروفك وإمكانياتك عشان متآخدش بمبمبة فى الآخر وتقول يا ريت اللى جرى ما كان .. طاب هو مش عايز يقول لمامته لأحسن مامته عايزاه لبنت خالته .. يبقى ولد معندوش شخصية والمفروض يآخد الرضعة من مامته قبل ما ينزل وبعد كده يبقى يقول أنا عايز أرتبط وأحب حب بجد .. الموضوع له ملابسات كتير أكيد هتبان من الردود وبينا كده نتناقش لحد ما نوصل حل نقفل بيه مشروع الإرتباط الودى ونبدأ مشروع تانى ناجح وبنسبة أكبر إسمه مشروع الإربتاط الموثوق .. بإنتظار أرائكم
__________________
<div align="center">ودود يا ودود ، ياذا العرش المجيد، يا مبدئ يا معيد ، يا فعالا لما يريد ، أسألك بنور وجهك الذي ملأ أركان عرشك ، وأسألك بقدرتك التي قدرت بها على جميع خلقك ، وأسألك برحمتك التي وسعت كل شيء ، لا إله إلا أنت ، يا مغيث أغثنى...</div> |
|
#3
08-09-2006, 11:56 PM
|
|||
|
|||
|
مقدرش اقول غير انة موضوع رائع بجد والكلام منطقى جدا
__________________
<div align="center">لما شوفت الحياه فى لوحة ***وردة حمرة فى وسط دوحة نهر وربيـع حمام بيطـــــــير***حضن كبيـــر وقلوب مفتوحة مكنتش اعرف مكنتش اعرف ان النهر ******كان دموع آهات وهم وان الوردة لما اترسمت****** كان اللـــون هو الدم والربيع ريح وعواصف - سيول- والمطر طيور مدبوحة مكنتش اعرف مكنتش اعرف بس فوقت*****والحقيقة كانت كابوس انى كنت الورقة البيضة****والقلم عليها كان بيدوس والسن كان سكينة الم علشان اكون علطول مجروجة</div> 
|
|
#4
09-09-2006, 12:32 PM
|
||||
|
||||
|
<div align="center">بسم الله الرحمن الرحيم
موضوع جميل جداً <div class=\'quotetop\'>إقتباس</div><div class=\'quotemain\'>- المبدأ الثانى : البنت اللى مبتحترمش أهلها ومبتقدرش ثقتهم فيها تبقى مش هتحترمك ولا هتقدر ثقتها فيك .. إحنا عايزين نحط للإرتباط إطار إجتماعى موثوق يبقى ماشى فيه .. عن طريق الأهل عشان ميبقاش شئ تافه زى ما كله بيقول .. يبقى إنتى تقولى لوالدك ووالدتك ( شايف حد هيكتبلى فى الرد أهلى صعايدة مش هيوافقوا ) أظن إحنا دلوقتى فى زمن مفيش ولد أو بنت بيتجوزوا غصب عنهم إلا ما يندر حدوثه .. يعنى بمعنى أصح إذا كان شاب كويس ومتدين وبتحبيه وماله لو تقولى لبابا أو ماما الأقرب ليكم وتعملوا حاجة قدامهم أحسن ما يكون من وراهم وأكيد هما هيحترموا رأيكم ومشاعركم وإحترامكم ليهم قبل كل شئ .. نيجى للناحية التانية خايفة تقول لباباها دلوقتى لأحسن هو عصبى وممكن يقعدها فى البيت . . طاب يا حلو البنت اللى مالهاش شخصية وخايفة تقول لباباها وإحنا لسا على البر أومال جوا هتعمل إيه ؟؟ برضه لازم يكون فى إحتياطات يبقى والدها عارف ظروفك وإمكانياتك عشان متآخدش بمبمبة فى الآخر وتقول يا ريت اللى جرى ما كان .. طاب هو مش عايز يقول لمامته لأحسن مامته عايزاه لبنت خالته .. يبقى ولد معندوش شخصية والمفروض يآخد الرضعة من مامته قبل ما ينزل وبعد كده يبقى يقول أنا عايز أرتبط وأحب حب بجد .. [/quote] فيه ناس -زي حالاتي- بيكونوا قايلين للأسره كلها (الإخوات و الأم) لكن الوالد بيخلوه في الآخر .. الوالده يا إما تفهمه بطريقتها يا إما البنت في الوقت المناسب تيجي تقوله .. و عموماً الوالد مش بيتضايق من الحكايه دي .. معظم الناس بقت تعمل كده .. ماعدش خلاص فيه مبدأ " سي السيد" ده ميرسي كتير عالموضوع</div>[/b]
__________________
الأماكن زي البشر .. بعضهم بيبقى عايزك و مش عايزك تمشي وبيحببك فيه عشان تفضل.. والباقي بيكون مش عايزك و بينفرك منه عشان تسيبه
|
|
#5
19-09-2006, 04:19 PM
|
|||
|
|||
|
موضوع رائع وجميل ولكن صعب ان الاب يعرف ان بنتو بتحب شخص ويسكت غيرة الاب وخوفه علي بنته فطرة مستحيل هتتغير
ومستحيل رجل شرقي هيسمح ان بنتو تحب حد ولا صعيدي ولا مش صعيدي ولو سمح هيفضل قلقان عليها باستمرار ومراقب تصرفاتها وهيقرفها بمعني اصح وهي مبتعملش حاجة وحشة انا عن نفسي لو روحت قولت لبابا انا بحب فلان ممكن حاجة من الاتنين 1-اما ايامي سودة بعد كده ومش هتهني ابدا علي حاجة وممكن يتبري مني 2-او هو يجراله حاجة فيها لانة مهما كان هيفكر في حاجات وحشة لسمح الله وبكده هبقي شيلت زنبة احنا نحب وكل حاجة بس يا ريت تبقي الام عارفه خطوة بخطوة علشان ولا نغلط ولا نندم ويبقي في النور برده وممكن الاخ ده لو مكنش زي الاب بس هو لو كان بيحب هيقدر وشكرا علي الموضوع فعال ومؤثر فعلا يا محمد وموجود كتير
__________________
عالصدق عشنا ..والوفا شيمتنا ..ومهما ابتعدنا غالية عشرتنا..واللي يعزنا نعزوه..واللي يودنا بكل الوفاء نوده ..وما عمرك يوم تندم علي عشرتنا |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:34 AM.
