حاجة مفيدة في التنسيق ادخل و افهم قبل ما تفوتك الفرصة و تتغرب

[eng--zako]

للاسف ناس كتير مش فاهمة حاجات مهمة احب اوضحلك الاتي
1- يوم السبت المقبل حيفتح مرحلة متخصصة للتحويلات المرحلة الاولي و الثانوية و هناك تحويلين و هما تحويل كليات متناظرة بنسبة 10/100 من تعداد الكلية المحول منها و اليها و ده بيتيحلك تكتب لحد 3 رغبات و بما انك في اسكندرية مثلا يعني حتكتب اقرب تلاتة بالترتيب لمحافظتك سيبك من المجموع اهم حاجة تكون مناظرة بس تكون نفس الكلية طب او صيدلة او هندسة الخخخخ يعني فهمني و لقدر الله مجتلكش اول واحدة و الاقرب و جاتلك التانية و نفسك تيجي الاولانية بعد مراحل التنسيق الثلاثة متخلص حتروح مرطز التنسيق الرئيسي بالقاهرة و تحول تحويل كليات متناظرة للمرة الثانية و تيجي من الرغبة التانية للاولي و حتدفع مبلغ 100 رسوم التحويل الورقي
2- هناك تحويل اخر يسمي تحويل كليات غير متناظرة من حققك تعديل ترشيحك لكلية في نطاقك الجغرافي او اخري ليس لها نظير مثل هندسة الكترونية منوف او عالي تكنولوجيا بنها مع الاعتبار انا القبول بالمعهد العالي للطاقة بأسوان اقليمي طالمل تقبل مجموعك و سيكون ذلك يوم السبت المقبل علي موقع التنسيق الالكتروني
tansik.egypt.gov.eg

بالمناسبة انا جاتلي فنون جميلة عمارة المنيا و ان شاء الله ححول اسكندرية تحويلات مناظرة اي حد جاتلو الكلية دي يكلمني مدة الدراسة 5 سنوات و تمنح درجة البكالاريوس في العمارة و يكون معك عضوية في نقابة المهندسين و هي احسن من هندسة قسم عمارة

[eesraa]

بداية شكرا على التوضيح

من فضلك :- ياترى لو الكلية اللى انا عايزة احول لها أعلى كلية فى الصيدلة يعنى اللى فيها من اهل المنطقة الجغرافية ومش عايزين يحوله ومكتملة العدد

هل هذا الامر بيوضع فى الحسبان وبيتبقى أماكن شاغرة أم يرفض التحويل حتى لو كان الفرق نصف درجة فقط

ياترى الأولوية لمين ( درجات ) ولا ايه

الوزبر قال ان التحويل يوم الخميس حسب مانشر فى الجمهوريه وليس يوم السبت

شكرا وأرجو التوضيح

[كاندى33]

انا جاتلى فنون جميله المنيا وان شاء الله عايزة احول فنون جميله اسكندريه اكتب رغبه واحده ولا هيكون 3 رغبات

[اشرف ع]

هل يسرى ذلك على الدبلومات الفنية الصناعية 3سنوات مرحلة اولى ؟

[طالبة الغفران]

نانا جبت 402 ينفع اقبل طب الزقازيق 403.5


علما بأنها الاقرب لي ؟؟؟؟؟؟؟؟؟؟؟؟؟؟؟؟

[eng--zako]

المشاركة الأصلية كتبت بواسطة eesraa

بداية شكرا على التوضيح

من فضلك :- ياترى لو الكلية اللى انا عايزة احول لها أعلى كلية فى الصيدلة يعنى اللى فيها من اهل المنطقة الجغرافية ومش عايزين يحوله ومكتملة العدد

هل هذا الامر بيوضع فى الحسبان وبيتبقى أماكن شاغرة أم يرفض التحويل حتى لو كان الفرق نصف درجة فقط

ياترى الأولوية لمين ( درجات ) ولا ايه

الوزبر قال ان التحويل يوم الخميس حسب مانشر فى الجمهوريه وليس يوم السبت

شكرا وأرجو التوضيح

اولا انا قريت في الاهرام انه يوم السبت و بعدين ادينا متابعين و بعدين كل ما كان الفرق صغير كانت النسبة عالية مثلا لو فرق .5 درجة يبقي نسبة نجاح التحويل 100/100 و هكذا و لقدر الله معرفتيش تيجي الكلية و ده نادر جدا انا بنت خالتي جات السنة اللي فاتت من صيدلة المنيا لاسكندرية بتحويل ورقي من ادارة الجامعة و ده مضمون ان شاء الله الاولوية بتبقي درجات لغاية ما يوصل تعداد الكلية كحد اقصي عددها + 10/100 من عددها لكن في كليات حتبقي +10/100 -10/100 لأن في ناس حتحول منها

[eng--zako]

المشاركة الأصلية كتبت بواسطة كاندى33

انا جاتلى فنون جميله المنيا وان شاء الله عايزة احول فنون جميله اسكندريه اكتب رغبه واحده ولا هيكون 3 رغبات

لأ عادي براحتك اقصي حاجة 3 انا مثلا جايب 380.5 و جاتلي عمارة المنيا حاكتب 2 اسكندرية و بعدين حلوان و بعدين لقدر الله منفعش حنعمل تحويل في مركز التنسيق بعد مرور مراحله الثلاث
ممكن تضيفيني او تضيفيني عشان ان شاء الله نبقي مع بعض في الكلية انا ايميلي

[eng--zako]

المشاركة الأصلية كتبت بواسطة طالبة الغفران

نانا جبت 402 ينفع اقبل طب الزقازيق 403.5


علما بأنها الاقرب لي ؟؟؟؟؟؟؟؟؟؟؟؟؟؟؟؟

ايوة ان شاء الله و اكتبي 3 رغبات عشان تطني الاقرب ليك و اولهم الزقازيق و لقدر الله مجتش الزقازيق اعملي تحويل 10/100 في القاهرة بعد مراحل التنسيق الثلاث

[الشباسى]

يا جماعه انا جايب 399.5 علمى علوم بس حطيت الصيدله قبل الاسنان وجات صيدله اسكندريه ومجموعى يلحق اسنان الاسماعيليه والمنيا هاعرف احول ولا لأ مع العلم انى من كفر الشيخ

[eng--zako]

المشاركة الأصلية كتبت بواسطة اشرف ع

هل يسرى ذلك على الدبلومات الفنية الصناعية 3سنوات مرحلة اولى ؟

معرقش صدقني بس حسألك والدي

[eng--zako]

المشاركة الأصلية كتبت بواسطة الشباسى

يا جماعه انا جايب 399.5 علمى علوم بس حطيت الصيدله قبل الاسنان وجات صيدله اسكندريه ومجموعى يلحق اسنان الاسماعيليه والمنيا هاعرف احول ولا لأ مع العلم انى من كفر الشيخ

اولا حتعمل يوم فتح التحويلات تعديل ترشيح تحويل كليات غير مناظرة و تيجي طب اسنان اسماعيلية او المنيا و بعد ما تخلص مراحل التنسيق الثلاث حتعمل تحويل كليات متناظرة في ادارة الجامعة يدوي رسومه 100 جنية و ان شاء الله تيجي طب اسنان بلدك او الاقرب ليك بالتوفيق

[الشباسى]

المشاركة الأصلية كتبت بواسطة asd159

اولا حتعمل يوم فتح التحويلات تعديل ترشيح تحويل كليات غير مناظرة و تيجي طب اسنان اسماعيلية او المنيا و بعد ما تخلص مراحل التنسيق الثلاث حتعمل تحويل كليات متناظرة في ادارة الجامعة يدوي رسومه 100 جنية و ان شاء الله تيجي طب اسنان بلدك او الاقرب ليك بالتوفيق

الف شكر يا برنس يعنى انا الاول احول على النت الى الاسماغيليه وبعد كده يدوى الى اسكندريه

[eesraa]

المشاركة الأصلية كتبت بواسطة asd159

اولا انا قريت في الاهرام انه يوم السبت و بعدين ادينا متابعين و بعدين كل ما كان الفرق صغير كانت النسبة عالية مثلا لو فرق .5 درجة يبقي نسبة نجاح التحويل 100/100 و هكذا و لقدر الله معرفتيش تيجي الكلية و ده نادر جدا انا بنت خالتي جات السنة اللي فاتت من صيدلة المنيا لاسكندرية بتحويل ورقي من ادارة الجامعة و ده مضمون ان شاء الله الاولوية بتبقي درجات لغاية ما يوصل تعداد الكلية كحد اقصي عددها + 10/100 من عددها لكن في كليات حتبقي +10/100 -10/100 لأن في ناس حتحول منها

معنى كدة ان الكلية بتسيب مكان ل10% بفرض أن مفيش ولا طالب عايز يحول أو ينقل لأن الكلية مجموعها عالى واللى فيها 100% من أهل المنطقة الجغرافية وهى طنطا

[eng--zako]

بالظبط كدة يا شباسي
يا اسراء نسبة 10/100 من اللي خدته الكلية مش كل كلية بتسيب ولا حاجة يعني مثلا كلية خدت الف و قفلت التحويل يكون في حدود 100 طالب من و الي الكلية بس كدة

[eesraa]

طيب لما الكلية اللى انا عاوزة احول لها مفيهاش ولا طالب عايز يحول الى كلية اخرى

ياترى هتبقى فين ال 10%