الغاء قرار الانترنت المحدود والاستخدام العادل

[طبيب عالمى قادم]

والله وعملوها الرجاله

ونكسوا شركات النت

صباحك سكر يا تى اي داتا

تحيه من منتديات فونيكات لكل من شارك فى الضغط على الشركات

النهارده الشركات اتراجعت عن قراراتها أو مبدئيا تى ايه داتا شالت النظام اللى كانوا هيطبقوه

ورجعو نظام من 100 لـ 150 جيجا

يا اخوانا فى السايت فى كلمه اسمها سياسه الاستخدام تضغط عليها هتديك تحميل ملف بى دى اف فيه التفاصيل اللى هى

ان السيايه دى شغاله بس فى حدود من 100 لـ 150 جيجا
انا مش عارف هتبقى التقسيمه ازاى بس أكيد اقل حاجه هتبقى 100 جيجا
أظن ان كده وضحت بما فيه الكفايه وأى رد خارج عن النص ياريت تحتفظ بيه لنفسك

أعتقد أن ده بأمر من القيادى جمال مبارك ربنا يخليه لينا ويحفظهولنا والضغط من المستخدمين

برضو احنا على موقفنا زي ما قلنا أول امبارح ان القانون هيتلغى او هيحاولو يضربونا على قفانا وهى دى ضربة القفا

بس برضو مبروك عليكم وعلينا والليله عيد يا ثوار

ده لينك من سايت تى ايه داتا دور على الليمت الـ 25 جيجا والـ 4 جيجا أختفى

Te DaTa

__________________

ياريت لو حد يعرف حد فى جريدة الدستور او المصرى اليوم يراسلنى من هنا
منقووووووووووووووووووووووول للامانة

[السندباد المصري]

يعني تفتكر انهم ها يسكتوا علي كده
يا خوفي من اللي جاي

[طبيب عالمى قادم]

الكلام اكيد القرار اتلغى

[Mr.Hani]

يا اخى الكريم
ده مسكن لكى يهدأ الراى العام
ثم يقوموا يتطبيق ذلك تدريجياً دون علم من المشترك
كم هو الحال دائماً
والأيام بيننا

[Its My Life]

انا عيزه اسأل سؤال بس خيفه
مين الي في الصوره ده

[طبيب عالمى قادم]

المشاركة الأصلية كتبت بواسطة eng_bosy 3

انا عيزه اسأل سؤال بس خيفه
مين الي في الصوره ده

اللى فى الصورة دى المصرى الاصيل جمال مبارك بن الرئيس مبارك

[طبيب عالمى قادم]

اظن كلنا نعرفه

[seeen]

معقولة بقى اللى فى الصورة ديت ابن حسنى مبارك
طب لا مؤاخذ يعنى هو مين اصلا حسنى مبارك؟ بيشتغل ايه يعنى؟ وانت حاطط صورة ابنه ليه؟ طب ما كنت تحط صورة حسنى مبارك نفسه؟ ليه ابنه؟ مش معنى يعنى؟ هو فيه حاجة؟

[طبيب عالمى قادم]

المشاركة الأصلية كتبت بواسطة seeen

معقولة بقى اللى فى الصورة ديت ابن حسنى مبارك
طب لا مؤاخذ يعنى هو مين اصلا حسنى مبارك؟ بيشتغل ايه يعنى؟ وانت حاطط صورة ابنه ليه؟ طب ما كنت تحط صورة حسنى مبارك نفسه؟ ليه ابنه؟ مش معنى يعنى؟ هو فيه حاجة؟

على فكرة المنتدى مليان عصافير احزر

[NOUFALL]

المشاركة الأصلية كتبت بواسطة mr.hani

يا اخى الكريم
ده مسكن لكى يهدأ الراى العام
ثم يقوموا يتطبيق ذلك تدريجياً دون علم من المشترك
كم هو الحال دائماً
والأيام بيننا

كلام مظبوط اتفق معاك

[Not Allowed]

ولا لغوها ولا حاجة دول طبقوها على المشتركين الجداد فقط

بس عمومآ كويس

ناس مش بتيجى الا بالعين الحمراا

[masternew]

هام (لكل شخض عجبه القرار الجديد)

بسم الله الرحمن الرحيم

السلام عليكم ورحمة الله وبركاته


القرار الجديييييييييييييييد مجرد تثبيييييييييييييييييييييت يا جماعه وكلها كام شهر وطبعا منهم رمضان وطبعا في رمضان الضغط والاستخدام بيقل بشكل ملحوظ والوزير هيقول : بعد دراسة الموقف لقينا ان اغلب المشتركين لم يتعدوا السعة التحميله (يعني القرار الاول سليم ) ويوجد قله قليله جداااااااااا هما اللي تجاوزوا السعة التحميليه وطبعا هيقول دول اللي عاملين وصلات غير شرعيه وبغض النظر عن اي شئ وحرصا مننا علي مستقبل اولادنا قررنا الاتي زيادة سعة التحميل بنسبة 100% ده بالكتير وتنفيذه علي القديم والجديد (لان مينفعش الشركات تتطبق سياسه ظالمه علي المشترك الجديد (محدش طبعا هيشترك) بالعكس دول بيعملوا عروض عشان الناس تشترك والارباح تزيد



(ياريت كل اللي عجبه القرار الجديد يفكر في كلامي )



وياريت كلنا نفكر في الناس اللي فعلا كنسلت اللي من غيرهم مكنش في قرار هيتعدل ولا كان هيحصل حاجه



والمطلوب نفضل علي موقفنا لحد الاخر نكنسل لحد لما علي الاقل يتم الغاء القرار نهائيا علي الجديد والقديم


(الموضوع مش هياخد اكتر من كام شهر بالكتير )






والحل بالنسبه للشغل (ال usp - او نكون كذا مشترك في خط 512 - او ناخد وصلات من سيبرات )