شعب طيب ........ للأسف

[حمادة الدماطي]

المواطن المصري واحد من أذكى ثلاثة مواطنين على مستوى سطح الكو كب. الأول هو إنسان الكهف الذى اختبأ بمحض ارادتة ـ طبعا ـ من الدنياصورات، والثانى هو إنسان الغاب طويل الناب الذي خرج من الكهف بعد انقراض الديناصورات، والثالث هو إنسان مصر الذي يخرج من كهفه نهارا ليصطدم بادنياصورات؛ بحثا عن لقمة لعيش... وفي المساء يختبئ في الكهف لمشاهدة مباريات المنتخب الرائع!!.
هناك من شك في ذكاء انسان مصر . وسيظهر هذا الذكاء الآن......

ـ لية القانون لايحمى المغفلين ؟
علشان يوفر فرص عمل للبلطجية
لية بيسموها بلاد بارة ؟
علشان بارة باولادها
87% من ابناء الشعب المصرى ساخطون على الحكومة المصرية .. ما تعليقك ؟
الـ 13% الباقين في بورتو مارينا
إية المشكلة في كتابة التاريخ عندنا ؟
المشكلة اننا بنكت التاريخ بنفس الطريقة اللى بنربي بيها اولادنا ...ما بنقولهمش الحقيقة
45% من الشعب المصري مصابون بالسكر .. ما تعليقك ؟
ادى اللى خدناة من ( الحلوانى ) اللى بنى مصر
ما رأيك في ظهور مذيعة محجبة على الفضائيات تتحدث في الجنس ؟
عادى جدًا هو أمر لايختلف عن كون سوق بدل الرقص موجودة على بعد خطوات من مسجد سيدنا الحسين . أو أن سعد الصغير بنى جامع
ما أهم مظاهر الفهلوة عند المصريين ؟
أنهم يشكون في الشحات ولا يشكون في النصاب

لماذا يطلق الرجال المصريون ( الحكومة ) على زوجاتهم ؟
لصعوبة تغيرها مهما تسببت في كوارث
ما اهم قاعدة موجودة في مصر ؟
ان مفيش قواعد لاى حاجة

من الفئة التى تستحق اعلى مرتب في مصر ؟
فئة عمال النظافة طبعا لانهم يعملون في بلد عايزة الكنس

ما الدليل على ان مصر بلد الامان ؟
الدليل ان الواحد بيتردد كثير قبل ما يدخل قسم الشرطة
ما رايك في خط خدمة تفسيرالاحلام ؟
حيكون احسن لو في خط خدمة تفسير الواقع


لية بيقدموا الساعة ساعة عندنا في الصيف ؟
علشان البلد تتقدم بينا
اية اكبر حاجة بتجمعنا كمصريين ؟
اكبر حاجة بتجمعنا هيا حبنا للكابتن ابوتريكة
حبنا لابو تريكة خلا معظمنا يمشى فى الشارع لابس تيشرتات عليها رقم 22 ...حد فيكم بيفكر يعلق علم مصر في البلكونة عندة ؟
مع خالص إحترامي لكل الأذكياء.......