فين الإدارة ؟؟؟؟ الجزء الثاني

[7med@]

السلام عليكم


انا كنت مسجل الموضوع علشان عارف ان ده اللي هيحصل

ردي :

انا عملت موضوع من حوالي اسبوعين عنوانه "ملتقى طلاب طب المنصورة" وبقالي كام يوم ما دختلش المنتدى وأفاجأ النهاردة ان الموضوع محذوف !!!!!!!!!!!!!
قعدت افكر هل كان فيه كلمات بذيئة ؟؟ لأ
فيه كلام على الحكومة ؟؟؟؟ لأ
مفيهوش اي حاجة مخالفة للقانون
ممكن يكون المشرف بيكره طلبة طب المنصورة بس مش عارف ليه
بصراحة المنتدى ده اغرب منتدى شفته في حياتي
مليان ملل وسلبية كل واحد يقرأ موضوع يطلع من غير ما يرد تلاقي 300 قراءة وردين
ولو المشرف حذف موضوع ميقولش ايه السبب المفروض لما تحذف الموضوع تبعت وتقول للعضو موضوعك القلاني اتحذف بسبب كذا كذا حتى علشان اتجنبه بعد كده

رد ELL0RD

اولا انا لم ارى موضوع حضرتك

ولكن من العنوان توصلت الى المضمون

والمضمون يتوصل الى التعارف على طلبة طب المنصورة

والتعارف ممنوع من القوانين العامة للمنتدى

دى اول نقطة وسبب حذف الموضوع ان لم يكن هناك اسباب اخرى


تانى نقطة ان المشرف مبعتش لحضرتك

حضرتك كان فية هاك بيبعت للاعضاء عن حذف اى موضوع

او نقل اى موضوع

على الرسائل الخاصة

ولكن الهاك حاليا لا يعمل

فبالتالى المشرفين مش هيبعتو لان دى مش وظيفتهم

اخر حاجة محدش يقدر يكرة طلبة المنصورة ولا اهل المنصورة

انا بردة من المنصورة ياريس

وكل سنة وانت طيب

ورمضان كريم

فى رعاية الله

ردي

وانت طيب يا لورد

انت بتحسب تعارف ازاي يعني عندك كام سنة ورقم تليفونك ايه والايميل وكده ؟؟؟؟

لو حضرتك تعرف تشوف الموضوع المحذوف اقراه ولو لقيت فيه كلمة وحشة قوللي

بالكتير كل عضو بيدخل يقول انا معاكم في طب المنصورة او انا في طب بنها مش معاكم وبس ولو عايز تشوف مثال
على المواضيع دي دور في المنتدى هتلاقي مليون موضوع كده ودي الامثلة :

ياعم مش فارقة معايا الموضوع اتحذف ولا متحذفش هنتعرف ان شاء الله في الكلية بس انا عايز اعرف السبب
ملتقى طلبة صيدلة طنطــــــــــا ‏: http://thanwya.com/vb/showthread.php?t=140987
صيدله المنصوره ‏: http://thanwya.com/vb/showthread.php?t=140998
طب اسنان المنصوره ‏: http://thanwya.com/vb/showthread.php?t=142099

كفاية كده شوف انت الباقي

بصراحة المنتدى منفر
انا اتحذف لي موضوع قبل كده عن نظام المصريين الجديد في الثانوية السعودية كأن احنا مش مصريين

تشرفنا بمعرفة حضرتك انا عارف ان مفيش حد يقدر يكره المنصورة ولا اهلها دول احسن ناس بس المنتدى ده بيحصل فيه حاجات غريبة




ايه سبب الحذف بقى علشان اتجنبه بعد كده ؟؟؟
بس برده مش هنسى اهنيكم بشهر رمضان
كل عام وانتم بخير

ده اللي انتوا شاطرين فيه
تحذف وخلاص انما رد مفيش
يا اخوانا احذفوا العضوية وريحوني
هو مفيش غير المنتدى ده
في مليون منتدى تاني
كان يوم اسود اللي هو يوم 11-10-2008لما اشتركت في المنتدى