|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
|
|
#1
29-08-2009, 02:06 PM
|
||||
|
||||
يامحنى إيدنا بالدم شعر/ سمير الامير
يامحنى إيدنا بالدم يا محنى إيدنا بالدم يا مكربسنا ف نفق الليل مين يقدر ع الغوله يا عم والشطار رابطين الخيل احسب فرق الكيف والكم واضرب فوق الراس والديل واوعى تكون أهبل تتخم ديل القهر مركب ديل كل ماتيجى الناس تتلم بعد ماتزهق حط وشيل بعد ماتشبع غلب وغم يطلع واحد دمه تقيل يعمل أب ويعمل عم شرع شيطانى بالتأويل جوز الخاله وجوز الأم بلع الدلتا وشفط النيل . *********** يامحنى إيدنا بالتار سلحنا بالنور والنار واطلقنا من سجن الخوف وادى الفُقرا خيول وسيوف واوعى تعد، الفقرا كتار. حسرة قلبك يوم ماتشوف كل الكدب صبح مكشوف بالمقلوب على ضهر حمار تطلع صورتك فى الأخبار ترجع خالتى وامى اخوات مصر تعيش فى تبات ونبات وتفتح تانى الأزهار يامحنى ايدنا بالحنه ابنيلنا وعلى ف الجنه وادى الغوله بيت ف النار جنب العسكر والتجار. 
|
|
#2
29-08-2009, 02:21 PM
|
|||
|
|||
|
بسم الله الرحمن الرحيم
السلام عليكم و رحمة الله و بركاته يشرفني ان اكون اول من يعلق علي شعر حضرتك... الانسان فعلا يأسف علي حال بلده ... بجد فعلا جميل جدا جدا و عجبني فعلا... استشعر فيه ( الثورة) و التهكم نوعا ما .. سياسي ساخر يعني و حسيت انه بيلمح لاحداث وجدت في مصر في الفترة الاخيرة باسلوب غير مباشر... بس بجد بجد رائع جدا و اسلوب حضرتك كمان اجمل و اروع ... و الطريقة ( قريبة من لغتنا اليومية) ....و ده اللي بيميزه ..فعلا بحيي حضرتك جدا جدا و الي الامام دائما!!!!! و بانتظار اعمال حضرتك.... و السلام مسك الختام و السلام عليكم و رحمة الله و بركاته
__________________
|
|
#3
29-08-2009, 04:08 PM
|
||||
|
||||
|
|
|
#4
29-08-2009, 11:03 PM
|
||||
|
||||
|
سمير يا أمير يا مستر يا كبير... منور المنتدى . و الله وما ليك عليا حلفان إنت واحشنى..يا راجل من يوم الأمسية لا حس و لا خبر و لا تليفون..و بعدين يعنى تيجى تفضح الكدب على حمار بالمقلوب.. بالنسبة ليا إنت كدا عظمت الكدب و إنت عارف ليه.. و منه لله يا سيدىللى محنى إيدنا بالدم شعر...و التعلب فات فات و ف ديله سبع لفات...يا محنى ديل العصفورة .. يعنى لازم تقلب علينا المواجع... يالله منك للشعر روح.. عايز أشوفك قريب.. السعيد حافظ
|
|
#5
30-08-2009, 01:01 AM
|
|||
|
|||
|
يا محنى إيدنا بالدم
تعبير جميل شبه الدم كأنه حناء تخضب يده ولا يقول ماهية وحقيقة اللون الأحمر أنه مش حنه ولكنه دم وهو كناية عن رمز القتل كلمة (إيدنا): جاءت مفرد علشان توضح أننا يد واحدة يا مكربسنا ف نفق الليل - كربس: كلمة عامية معناها كبير جدا تبين عظيم أثر الشخص اللى كربسنا وأوقعنا غوق بعضنا وبهدلنا مين يقدر ع الغوله يا عم والشطار رابطين الخيل الشطار مش عاوزين ينزلوا من على الخيل أصلا رابطينه وواقفين أو قاعدين يتفرجوا احسب فرق الكيف والكم واضرب فوق الراس والديل كلمات: احسب- فرق- اضرب شوف تناسق كلمات الحساب والمحاسبة كلمات: كيف - كم راس - ديل شوف تناسق الكلمات ومساهمتها فى رسم الصور التناقضية واوعى تكون أهبل تتخم ديل القهر مركب ديل ديل ومركب ديل - ياله من طول قهر وظلم كل ماتيجى الناس تتلم بعد ماتزهق حط وشيل بعد ماتشبع غلب وغم يطلع واحد دمه تقيل يعمل أب ويعمل عم شرع شيطانى بالتأويل جوز الخاله وجوز الأم بلع الدلتا وشفط النيل . *********** آه يا أخى يا شاعر أوجعتنى فلم أستطع استكمال الغوص كلمات جميلة فعلا وشاعر جميل زى ما قاللى أخى واستاذى السعيد حافظ أشكرك وانتظر جديدك العاطفى
|
|
#6
31-07-2010, 10:56 AM
|
||||
|
||||
|
أشكر من كل قلبى على اهتمامك وأشكر أخى وصديقى الشاعر سعيد حافظ الذى أكرمنى بتقديمى إليك
|
|
#7
31-07-2010, 12:22 PM
|
||||
|
||||
|
انا حقول ايه بعد الاساتذه السعيد حافظ ومحمد علي
ديما رائع ومبدع قصيده رائعه كعادتك تقبل تحياتي
|
|
#8
31-07-2010, 12:54 PM
|
||||
|
||||
|
إيه الجمال دا
وكلمات وما أروع منها بس تصدق مش محنى إيدينا بس دا كل شىء مليان هم وغم تقبل مرورى
__________________
عندما تنتحر الحريات تعجز الديمقراطية عن عمل عزاء للشرف .
|
|
#9
31-07-2010, 10:47 PM
|
|||
|
|||
|
اقتباس:
يا أستاذى نحن نتعلم من علمكم بلغ أستاذنا السعيد اننا هانكون سعداء لو اتقابلنا
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 10:29 AM.
