ارجو الاهتمام

[ehabelsapa]

اتمنى من المصحيين اللى فى المنتدى انهم يقترحوا هذا الاقتراح عشان ميظلموش حد

ليه متكونش كلمة الثمرة مفعول به منصوب بالفتحة
لاننا هنقرأها فى هذه الحالة حتي تكوِّن ... الواو عليها شد
تكون العبارة:
لهذا يحاول الباحثون ان يلاحقوا الحركة العلمية فيما وصلت إليه حتى تُكَوِّنَ الثمرةَ التى نرجوها
بمعنى --- فالفاعل ضمير مستتر يعود على الحركة العلمية ولا إيه كلامي
ارجو النظر لهذه الإجابة والتعليق عليها

وليه متكونش نائب فاعل مرفوع بالضمة لأننا لو ضمينا الحرف الأول من الفعل تكون ونفتح حرف والواو ونشده فتقرأ ( لهذا يحاول الباحثون ان يلاحقوا الحركة العلمية فيما وصلت إليه حتى تُكَوَّنَ الثمرةُ التى نرجوها )وهتصلح لتعطيك معنى صحيح لو قرأتها كدا وهتكون جملة صحيحة متفقة مع ما قبلها وما بعدها..

ياريت تشوفو الحلين دول عشان لا تظلمونى ولا تظلموا الطلاب ولا تظلموا انفسكم وسيبكم من نموذج الإجابة وكل مدرس يعلم بعيدا عن نموذج الإجابة العبيط ومعلش فى كلمة العبيط لان بعض المدرسين بيكتفوا بنموذج الاجابة ومش عندهم خبرة
ياريت تقترحوا الاقتراحين بتوعي دول والله ينفعوا الاتنين
لان الفعل تكون غير مشكل فمحدش يحاسبنا على عدم تشكيلة وكل واحد بقى يقراها حسب ما فهم وليس على حسب اللى واضع القطعة ومن قرأ القطعة وحط لها نموذج إجابة


فى نموذج فى المنتدي دا بيقول ان الثمرة فاعل مرفوع بالضمة فانا مش شايف انها فاعل خااااااااالص وياريت يركز وهو بيقرأ --- فهي لإما مفعول به لإيما نائب فاعل


لإيما خبر تكون لأننا لو قرأنا (لهذا يحاول الباحثون ان يلاحقوا الحركة العلمية فيما وصلت إليه حتى تَكُونَ الثمرةَ التى نرجوها) فهى ممكن تكون أصلها : حتى تَكُونَ الحركةُ العلميةُ الثمرةَ التى نرجوها ويكون المعنى صحيح برضو
وبالتالى كلمة الثمرة خبر تكون


فتصلح أن تكون مفعول به ونائب فاعل وخبر تكون والله أعلم

[Lyonenyo]

يا للهول
الكلمة دي ليا كام اعراب

[alysabry]

انا شايف انها خبر ولكن المدرسين فى بيقول فاعل وفى بيقول خبر
ف الواحد شكلو كدة مش هيعرف حاجة غير من الدرجة لما تجيلو
بصراحة امتحان يفرح اللى مبيفرحش ربنااا يستر باقى الامتحانات

[Mans10]

انا عملتهاآ خبر والله اعلم بقى بس اغلب المدرسين بيقولوا فاعل
ربنااااااا يسترهاااا معانا

[reem123456]

فاعل لأن كلمة تكون تامة وغير ناقصة -- وهي كلمة مقررة في منهج أولى ثانوي --ما بعدها يكون اسم وخبر إذا كانت ناقصة أو يعرب فاعل إذا كانت تامة وهي هنا تامة

[ehabelsapa]

المشاركة الأصلية كتبت بواسطة reem123456

فاعل لأن كلمة تكون تامة وغير ناقصة -- وهي كلمة مقررة في منهج أولى ثانوي --ما بعدها يكون اسم وخبر إذا كانت ناقصة أو يعرب فاعل إذا كانت تامة وهي هنا تامة

فاعل مين حضرتك -- أقرأ الجملة كويس


هى ليها تلاتة حلول وانا كتبتهم

ومهاش فاعل عمرها وانا مُصر على رأيى وعلى فكرة انا تلميذ وعربتها مفعول به
بس انا شايف ان كلمة ( تكون ) ممكن تقرأ بتلاتة قراءات وتعطى جملة مفيدة زي مانا وضحت فى الموضوع

[ehabelsapa]

يا جماعة أرجوا حد يوري الموضوع بتاعى دا لوزير التربية والتعليم نفسه عشان ميظلمنيش ولا يظلم حد