انا بجد عندى مشكله ممكن اى مدرس يفهمنى

[titoelfoly]

انا كنت فى سنه اولى ثانوى كنت لغه المانيه ونجحت فيها
تمام كده
بعد كده بقيت دلوقتى فى سنه 2 ثانوى ولاقيت اللغه الفرنسيه احسن بكتير من الللغه الألمانيه
بكتير فقررتلا انى احول فرنساوى فحولت وحقيقى لاقتها اسهل بكثير من الالمانيه
فأنا قبل ما احول فرنساوى سألت استاذ الفرنساوى قالى ينفع
فحولت فرنساوى واندمجت فيه وبقيت كويس جيت انهارده أسأل استاذ اللغه العربيه
قالى ما ينفعش عشان انا كنت فى سنه اولى المانى ونجحت فيها
بس انا أرجو من حضارتكم المساعده هل ينفع افضل فرنساوى ولا لا

[أسورة]

احنا عندنا فى المدرسه مينفعش تبقى المانى وتحول اى حاجه تانيه خلاص انت اتخصصت
ولكن لو كنت مكانك مكنتش حولت ......... لان الالمانى او الفرنساوى بمعنى اخر اللغات متصله ومينفعش تنقطع
لو ينفع تحول تانى المانى حول .......... منتظرين رأى الاخوه الاعضاء
وربنا يقدملك الخير فى اللى هتبقى فيه
انشاء الله خير ............

[captive]

على ما اسمع ان امتحانات الفرنش بتيجى صعبة هى ممكن كلغة تكون لذيذة بس امتحانتها طويلة وبعدين حتى لو فرضنا انها اسهل من االالمانى انت خدت المانى سنة كاملة اتاسست فيها لكن الفرنساوى كدة انت دخلت من غير تاسيس وبعدين ما دام جبت فيه درجة حلوة خلاص احنا هدفنا الدرجات لان فى النهاية لو عايزين نتعلم لغة مش حنكتفى بالمنهج فبالنسبالنا اللغة حاليا مجرد تجميع درجات قيسها مع نفسك حتلاقى تجميع الدرجات فى المادة اللى بتاخدها من سنتين اسهل من مادة دخلت على نصها
اسفة انى طولت وانى رديت مع ان الكلام للمدرسين

[titoelfoly]

ولا يهمك الف الف شكر على ردكم بس انا مش عارف أقول لكم ايه انتم بجد اخوه اما بالنسبه للتحويل الاستاذ بتاع الفرنش قالى انت امتحنت المانى صح وانت دلوقتى عايز تحول فرنش قلتلو اه قالى خلاص انت لما تيجى تمضى الاستمارات بدل ما تختار اللغه المالنى اخترها فرنساوى بس كده وبالتالى هاتجيلك ورقه فرنش

انا بقالى حوالى شهرين بدرس فرنش حقيقى انا اتعلمت حاجات كتير ممكن تكون اكتر من الألمانى الى اخذته سنه كامله ومع انى كنت داخل امتحان الالمانى مش عارف اى حاجه وحبت فى الاخر 23.5 من 30 بس انا ما كنتش رادى على نفسى

[MAN UTD]

روح لوزارة التربية والتعليم وخد منها ورقة انك تفضل فرنساوى