|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
31-12-2006, 11:27 AM
|
|||
|
|||
سهير : بحبك يا أحمد
أحمد : وأنا كمان بحبك أكتر سهير :طيب وآخرة حبنا أحمد : حبنا لازم يعيش سهير : يعني هنعمل إيه يا أحمد؟؟ أحمد : حتقدم لك .. وأخطبك سهير : و أنت لسه في سنة تانية ومحلتكش حاجة ؟؟ أحمد : مش مهم عشانك أتحدى الدنيا .. أنت واثقة فيّ ؟ سهير : طبعا ياأحمد أحمد : يبقى خلاص ..أنا حتصرف .................................................. ....................................... <_< ليس هذا جزء من مشهد في فيلم هندي .. لكن الحكاية دي أو شبه دي بتحصل في جامعتنا كتير - طبعا مع تغيير الأسماء والأشخاص - و أنا مش هكلم عن شرعية علاقة زي دي لأننا عارفين طبعا إنها حرام .. لكننا فعلا عايزين نتكلم عن الخطوبات اللي بالهبل اللي بنشوفها في الجامعة في يوم عادي جدا وأنا رايح محاضرة برضه عادي جدا .. ألاقي الشلة بيبصوا على ولد وبنت قاعدين على جنب لوحديهم والإتنين هاتك يا سهتنة .. ولقيتهم بيقولولي : مش فلان خطب فلانة!!.. أقولهم : بجد ؟؟ ..طيب الخطوبة كانت إمتى؟ - لأ.. ما هو محصلش خطوبة - طيب فين الدبل ؟؟ -لأ.. ماهو مفيش دبل - يبقى أكيد قرأوا فاتحة ؟؟ - لأ.. ولا حتى قل هو الله أحد!! -الله ..أمال اتخطبوا إزاي يعني ؟؟ كده بالنية يعني ولا إيه ؟؟ -أنت مش فاهم .. أصل أهلهم عارفين الموضوع وموافقين - مش تقولوا كده م الأول!! يا سلام هما دول أهل ؟؟ لا يا جماعة مش معقول وهو في أب يرضى لبنته كده ؟؟ - آه طبعا في !! - اضرب كف بكف .. وأصرخ : عليه العوض ومنه العوض بصراحة أن سمعت من مصادر غير موثوق فيها .. إن في أمهات بيوصوا بناتهم يوقعوا عريس .. وطبعا يكون محترم وده عشان أزمة الجواز اليومين دول وقلة العرسان فالأم بتخاف على بنتها من العنوسة .. بس اللي أنا فاهمه إنها توقع عريس .. مش تتخطب كل شوية لعريس المهم .. تلاقي الواد جارر البنت وراه في كل حتة ومقضين اليوم في الكلية سرمحه ..يا إما قاعدين في كافيتيريا الكلية وشهم في وش بعض وهيمانين ومسهتنين ومتنيلين.. واللي يسأله مين دي يرد : دي خطيبتي .. وهي ترد :ده خطيبي... وفي يوم تاني عادي برضه ..رايح محاضرة .. ألاقي فلان إياه واقف لوحده في حتة وفلانة إياها في حتة تانية .. وطبعا نفس الشلة بيبصوا عليهم ويقولوا : مش فلان و فلانة انفصلوا !! .. يا حلاوة .. لما بسمع الكلام ده بجد ببقى خلاص حتشل .. هما اتخطبوا بجد عشان ينفصلوا ؟؟ .. ناقص تقولوا ده طلقها !! وطبعا ممكن الشلة تتدخل قي حل الموقف .. والتنسيق بين الطرفين ..وعمل مباحثات مشتركة لحل الأزمة ..ويرجعوا لبعض تاني ..أو كل واحد يشوفله حد تاني يعيش معاه الفيلم من جديد ..وطبعا أوعى حد يجي في دماغه حاجة كده ولا كده كلها خطوبة مش صحوبية وخلاص .. لأ طبعا..ده أحلى م الشرف مفيش !!! المهم إن كل اللي قابلتهم أو عرفتهم من العالم دول .. أقعد أقنع الواد إن اللي بيعمله ده غلط ..وأقوله : أنت لسه مخلصتش ومحلتكش اللضى ولسه الجيش والشغل .. والجواز زي ما لازم يكون فيه عاطفة لازم يكون فيه عقل برضه .. ولما تعقد تمشي معاها من دلوقتي .. فيقاطعني : أنا مش ماشي معاها .. دي خطبتي فأرد : ماشي ياعم الكتكوت .. وعلى فرض إنها خطيبتك معايير اختيارك لشريكة حياتك حتتغير بعد الـ 4 أو 5 سنين اللي فاضلنلك - أنا بحبها ومقدرش أعيش من غيرها.. ولو حصلها حاجة أنا ممكن أموّت نفسي ..ده هيّ النور اللي في حياتي اللي بيصحيني من عز النوم وأقولهم ياجماعة طفوّا النور - يا بني اللي عايز يتجوز يبني بيته م الأول على رضه ربه عشان يوفقه مش يبتديها بمعصية - فيقاطعني مرة آخرى : أنا مصمم .. خلاص - فأنهي الحوار وأنا في قمة القرف : خلاص أنت حر بس افتكر إني في يوم نصحتك والقصص من ده كتير ..وكل واحد أقابله يحلفلي مية يمين أنه خلاص لقي اللي بيدور عليها .. وأنه مش حيسبها لأي سبب من الأسباب .. وأقعد أحاور وأقنع وأتخانق .. والنتيجة واحدة .. والرد واحد " خلاص يا بني دي بقت خطيبتي " والمشكلة فعلا إن أنا مقتنع جدا جدا جدا إن ده شغل مراهقين والعالم الخطّيبة دول بيخنوقوني من الدور اللي عايشينه .. المهم تمر الأيام وأقابل صاحبنا ..فأسأله بعد إذيك وبقالي سنة ماشفتكش والكلام ده : إيه أخبار الخطوبة ؟؟ فيحمر وجهه ويبقى عامل زي الطمطماية: أصل حصل بينا.... فأقاطعه والنشوى تملأصدري - اللهم لا شماتة- :أنا يا بني مش قولتلك يا جماعة.. فعلا أنا قابلت قصص من دي كتيييييييييييييييييير وكلها وهم كبير ..و أنا متأكد إنكم برضه قابلتم قصص خطوبة وهمية والمهم إن الرابط بينها واحد إنها عاطفة مراهقة مندفعة .. وعلى رأي واحد صاحبي إتلدع مرة ففهم الموضوع ..قالي: لو جبت أي واحد وقولتله البنت الجميلة اللي واقفة هناك دي بتحبك - والبنت أصلا واقفة بظهرها وهو مش شايف وشها - حيولقك أنا حبتها وعايز أخطبها
__________________
تم حذف الصور المخالفة بواسطة الإدارة رجاءاً التزام القوانين ممنوع وضع صور الممثلين والمغنين شكراً لتعاونكم <div align="center">عاشقة منى زكى</div> |
|
#2
31-12-2006, 05:00 PM
|
|||
|
|||
|
والله من احلى مواضيع المنتدى وانا بايدك فى كل اللى قلته
|
|
#3
31-12-2006, 10:21 PM
|
|||
|
|||
|
هههههههههههههههههههههههه
عندنا منه كتير و الله الصنف ده ممكن نصدر منه للجامعات التانية و انا اعرف قصة حب من النوع ده و ربنا يستر عليها و ربنا يستر عليه هو كمان و يعدوا السنة دي
__________________
 |
|
#4
01-01-2007, 04:03 PM
|
|||
|
|||
|
ههههههههههههههههههه
موضوع بجد غايه فى الجمال بس هما مشكلتهم انهم اساسا ميعرفوش ايه معنى الحب الحقيقى اه انا ممكن احب واحده من الكليه او الجامعه بس مش معنا كده بقى ان انا وهيا نسيب المحاضرات ونقعد نلف ونعيش الدور لا مش هوه ده الحب وانا كمان مش هرضى ان اى حد يبصلها بصه مش كويسه وهيا ماشيه معايا لان انا مارضاش لاختى كده صح ولا ايه وشكرا ليك ع الموضوع سلام
__________________
</div><div align="center">أعلم يا بُني ان الفرق بين درب الجنون ودرب العباقرة هو شعرة فأحذر ان تسقط في درب الجنون</div><div align="center"></div><div align="center"> </span></span></span> </div> |
|
#5
01-01-2007, 07:01 PM
|
|||
|
|||
|
ليه بتخليك شويه شكررررا ليكم على الرد
__________________
تم حذف الصور المخالفة بواسطة الإدارة رجاءاً التزام القوانين ممنوع وضع صور الممثلين والمغنين شكراً لتعاونكم <div align="center">عاشقة منى زكى</div> |
|
#6
02-01-2007, 12:01 AM
|
|||
|
|||
|
هههههههههههههههههههههههههههههههههه
بجد موضوع لذيذ جدا جدا جدا فعلا الجامعات مليانة بالحجات دى بس الحمد لله انا مستقرة ومن زمان ومش ناوية اغير ههههههه ميرسى جدا يا نانسى ع الموضوع اللطيف ده
__________________
[روع مافى حبنا انه ليس له عقل ولا منطق اجمل ما فى حبنا انه يمشى على الماء ولا يغرق |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:08 AM.
