|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
24-08-2008, 11:39 AM
|
||||
|
||||
المتحرشون في الأرض
المتحرشون.. في الأرض!
منزل أسرة مصرية- الرابعة عصرا تدخل "فاتن" إلى المنزل في عصبية شديدة. تغلق الباب وراءها في عنف تجعل أخاها "أحمد" الذي يقرأ الجريدة ينتفض من مقعده قبل أن يقول لها في انفعال:إيه ياست.. خضتيني.. أنا تخيلت إن العمارة بتقع؟! فاتن في انفعال أشد: ماتقع ولا ييجي لها زلزال ينسفها.. على الأقل هارتاح من اللي بأشوفه كل يوم.. حرام يا ناس والله حرام.. طب أعمل إيه بس؟ تظهر الأم قادمة من المطبخ وهي تحمل في يدها "المغرفة" الشهيرة لتقول: هدي نفسك بس يابنتي.. معاكسات تاني؟ فاتن: مش ممكن يا ماما.. دي بقت في كل حتة.. في الشارع والمواصلات وحتى الشغل.. تصوري.. طول ما أنا ماشية اللي يرمي كلمة واللي يبص بصة كده ولا كده واللي يحاول يخبط في الواحدة وفي الآخر "آه سوري ماخدتش بالي".. طب اشمعنى عدم أخدان البال ده ما بيحصلش إلا مع البنات بس.. عمركم شوفتوا راجل بيخبط في راجل؟ يضحك الاخ بصوت مكتوم قبل ان يجيب ماهو يبقاش عنده نظر لو خبط في راجل ]ترمقه "فاتن" بنظرة نارية وقبل أن تهم بالانطلاق كالمدفع الرشاش يبادر هو بالقول: بس شوفي مكتوب إيه في الجورنال عشان تعرفي إنك مش لوحدك أهو تسأل في اهتمام: مكتوب إيه؟ "أحمد": شوفي ياستي العنوان مثير جدا :"المحجبات الأكثر تعرضا للتحرش في الشارع المصري.. ندخل بقى في التفاصيل.. همممممم.. آه .. وأوضحت الدراسة التي أجراها "المركز المصري لحقوق المرأة" أن 83% من النساء المصريات الذين تم تطبيق الدراسة عليهن تعرضن للتحرش فيما ارتفعت النسبة للأجانب إلى 98%! وأن أعلى نسبة تحرش تكون من نصيب السيدات المحجبات ثم المنتقبات وأخيرا غير المحجبات! وهو ما يعني أن الربط بين التحرش الجنسي وما ترتديه النساء من ملابس غير محتمشة- على حد قول البعض- هو أمر خاطئ". تعود الأم إلى المطبخ وهي تهتف: لا حول ولا قوة إلا بالله.. طب نعمل إيه يعني أكتر من الحجاب واللبس المحترم؟! تتجه إلى غرفتها تقول "فاتن": عن نفسي بأفكر أحلق شعري "زلبطة" وأركب دقن مستعارة زي بتاعة محمد نجم في "عش المجانين".. وأمشي في الشارع وعاوزة راجل يطلع لي بقى! أحمد وهو يلتقط سماعة التليفون ليتصل برقم ما: غريبة قوي أختي دي.. نستني إن أنا والواد زيزو متفقين إننا النهارده نقعد مع بعض عشان نظبط طرق جديدة لمعاكسة البنات في المولات.. أيوه يا مان قولي بقى هنظبط إزاي! الإحصاءات اللي فوق دي صحيحة مائة بالمائة خد بالك والعهدة فيها على المركز المصري لحقوق المرأة وهو مركز محترم جدا ودقيق لدرجة كبيرة جدا في إحصاءاته وتترأسه سيدة مجتهدة ومجدة جدا في عملها هي السيدة "نهاد أبو القمصان" والمركز ده تم اختياره كواحد من أفضل عشر برامج تنموية على مستوى العالم عام 2002.. لكن دراسة التحرش دي جديدة طازة ونتائجها زي ما أنت شايف صادمة جدا أولا لأنها بتهدم أسطورة إن الملابس هي السبب الرئيسي اللي بيخلي الشباب يعاكسوا أو يتحرشوا بالبنات.. والدليل أهو أكثر فئات البنات تعرضا للتحرش هن.. المحجبات! وثانيا لأنها تكشف أرقاما مفزعة جدا.. صحيح العينة التي تم الاستعانة بها في الدراسة هم أكثر من ألف سيدة بقليل لكن النتائج التي تم استخلاصها من إجاباتهم يمكن أن تعمم بنسبة ضئيلة من الخطأ.. وهذا يعني أن 82% من بنات وسيدات مصر تعرضن للتحرش من أول النظرة والكلمة الـ"عيب" لغاية التحرش بملامسة الجسد.. عندك برضه إن أكتر مكان بيحصل فيه تحرش هو.. الشارع! أيوه والناس رايحة جاية فيه بعدين تيجي المواصلات العامة وأخيرا في المولات والأسواق "ده فريق أخو فاتن"! طبعا الدراسة كتبت عن الآثار السلبية لظاهرة التحرش المفزعة دي.. سواء على المصريات اللي كتير منهم بتيجي لهم تداعيات نفسية خطيرة تبدأ من الشعور بالغضب وتنتهي بالصداع وقلق النوم والكوابيس وأحيانا الاكتئاب.. وكمان فإن التحرش له آثار اقتصادية سلبية.. لأنه على سبيل المثال 66% من السائحات اللائي تعرضن للتحرش كونوا انطباعا سيئا عن مصر، وقال 7.4% منهم إنهم لن يعودوا إلى مصر نهائيا.. عشان إيه؟ التحرش اللي شافوه حضرتك! وده اللي أكده تقرير دولي صدر مؤخرا ووضع مصر في المركز الثاني عالميا بعد أفغانستان في التحرش بالسيدات! حاجة تفرح طبعا! عموما مش هندخل في حوارات وأسئلة من نوعية "بتستفيد إيه يا حضرة المتحرش لما تتحرش" لكن خلينا نركز في نتائج الدراسة دي ونسأل.. إذا كانت الملابس –بحسب الدراسة- غير مسئولة عن التحرش بالبنات والسيدات.. فما الأسباب الحقيقية وراء ارتفاع نسبة التحرش في مصر لهذه الدرجة المفزعة؟
__________________
 |
|
#2
28-08-2008, 02:19 AM
|
||||
|
||||
الله ينور عليكى يا مروج ..بالرفم ان اسم الموضوع خانقنى ...بس الموضوع بجد واقعى وكويس
نيجى بقى شويه للجد ...احلى حاجه قلتيها ان اللبس ملوش دعوه ..يعنى لا حجاب ولا نقاب .... فى حمله تقريبا انا كنت جبت سيرتها ع Facebook اسمها احترم نفسك الحمله دى عن سبب المعاكسات وما الى ذلك واحد من اللى بيعاكسو بيقلك وانا لما الاقى واحده حلوه معكسهاش ..ان الله جميل يحب الجمال..انا كده بكرر كلام قلته قبل كده بس مش مشكله ده ليه علاقه وواحد يقول مفيش راجل فى مصر مش بيعاكس...والمصيبه ان مفيش سبب ايه اللذه فى كده ده انت بيبقى منظرك زباله مش هتكلم ع البنات لان فيهم شويه عوزين الحرق وفى بنات غلابه غلطتها انها اتربت فى بلد فيها وحوش مش بنى ادمين واكيد كلنا فاكرين حاثه التحرش الجماعى واللى كانت فضيحه بكل المقاييس فى اخر الكلام بدعى ليا و للجميع للهدايه |
|
#3
28-08-2008, 02:33 AM
|
||||
|
||||
|
ايه ياجماعة فيه ايه هو كل الشباب بقوا وحشين ...... اللى بيعاكسوا دول شباب غير سوى ومايستحقوش لقب رجالة .........أنا ولد والله العظيم عمرى ماعاكست حد ولا عمرى مهاعاكس وبعدين المركز المصرى لحقوق المرأة مابيقولش قرأن والدراسات دى بتبقى معظمها مش صحيح لأنها بعيدة عن الواقع
|
|
#4
28-08-2008, 02:40 AM
|
|||
|
|||
|
اقتباس:
حلو الموضوع يا ايه بس تعرفى التحرش فى مص ليه اسباب كتير ويمكن لو اتكلمنا عنها هنحتاج ساعات وساعات بس ملخص كلامى ان ده بيرجع لعدة اسباب غياب الرقابة على البنت (من حيث طريقة لبسها مشيها) صعوبة الزواج وارتفاع تكليفه فالشاب هيعمل ايه يعنى فبيلجاء للمسكنات اللى هى المعاكسات البعد الدينى ده ملخص مختصر كده وسريع شكرا ليكى على الموضوع |
|
#5
28-08-2008, 02:51 AM
|
|||
|
|||
|
اقتباس:
اسباب كتير انا شايفة ان اهمها ارتفاع سن الزواج و البطالة و الفراغ و امراض تانية كتير فى المجتمع و بعدين هما مالهم بنت لايسة كويس ولا مش لابسة كويس ..هى حرة هى و اهلها..توجه ليها اى كلام ليه اصلا يااا رب اهدى ثانكس مروج ع التوبيك
__________________
استودعكم الله شهرين...تلاتة...اربعة...
 |
|
#6
28-08-2008, 03:03 AM
|
||||
|
||||
|
اقتباس:
فدا اصلا مغرى جدا سواء من شكل اللبس ووسعه او الالوان او الاشكال الغريبة او كل الفتن اللى فيه فدا شكل فاتن جدا ودى متحسبش محجبة ولا تحسب من ضمن المحترمات ،، بس هل انا مع اللى بيقول ان اللى مش محترمة هى اللى بتتعاكس ؟؟ لا طبعا لان بردو العكس اللى بيحصل بنات محترمات بمعنى الكلمة - من حيث اللبس - وبردو بيتعاكسوا بل هم الاكثر عرضة للمعاكسات اقتباس:
قال واخيرا الغير محجبات والمنتقبات ثانيا المنتقبة التى لا يظهر منها شىء ،، بتتعاكس قبل الغير محجبة !! --------------------------- طب بيعاكسوا ع اساس ايه او ليه ؟؟؟ دى تسألى فيها الشباب هتلاقى اللى بيقولك اللى لبسها مش محترم وهو الشخص دا بيمثل كل الشباب ؟ وهل بيمثل الشباب اللى بيعاكس ؟ اسأل شاب بيعاكس او له خبرة فى المعاكسة بمعنى اصح وهو هيكلمك عن افكار الشباب اللى اعرفه يعنى وباعترافات شباب بتعاكس هما ايه وجهة نظره او بعضهم عشان نكون دقيقين بيقولك : انا اعاكس اللى محترمة ،، اللى مش محترمة دى مش محترمة فممكن تودينى فى داهية او لسانها يطول تفرج عليا العالم او اى حاجة لكن المحترمة دى غلبانة دى اللى هقدر عليها واعاكسها دا ع حد قول البعض بيخافوا من الاخر من الغير محترمة فى وجهة نظرهم فيه بقى واحد اتسأل واتقال له : افرض ان البنت دى ادتك بالقلم رد وقال : مين ! ايه ! دى متقدرش ولو عملت كدة هعمل واعمل واعمل ..... يعنى فيه شباب بردو لو البنت تطاولت او خدت موقف منه هيتطاول عليها اكتر واكتر ويعمل لها فضيحة وخلاص ------------- تعالوا لنقطة تانية بقى ،،، زى ما صوابع ايديك مش زى بعضها بردو البنات مش زى بعضها ليه يا شاب تعاكس ؟؟ مهما عملت البنت _ انا كدة بخاطب اللى بيعاكس المتبرجة _ وكل اللى شايف ان البنت لما بتحتشم او بتتبرج بيبقى عشان المعاكسة حتى كان واحد رادد فى الجروب اللى بنوتة اهلاوية قالت عليها بيقول ان فيه اصحاب ليه معتقدين ان اى بنت بتحب ونفسها انها تتعاكس !!!! -- ما علينا اللى بيعاكس المتبرجة او عنده الاعتقادات دى او اللى هيقول البنت هى اللى بتستفزنى طب ما تخليك فى حالك ولو هى اصلا كان غرضها كدة هتبطل اللى بتعمله لما مش هتلاقى حد يعبرها !! وكمان نيجى للنقطة الاهم فيه جزء نسيناه وهو غض البصر فين اللى ربنا امرنا بيه ايها الشاب المسلم ؟؟ نسيت دينك؟؟ المعاكسة دى بتساوى حاجات كتير = مضيعة للوقت بتسبب مشاكل اجتماعية و قضايا خطيرة بتسبب عدم الشعور بالامان وكفاية اوى انها معصية لله تعالى انت كدة اختك - مامتك - خطيبتك- زوجتك - قريبتك معرضة للتحرش بردو ومتقوليش : انا اختى محترمة !! اولا قلنا فيه اللى بياكس المحترمات فقط لا غير ثانيا اللى بتعمله فى بنات الناس بيترد فى حد من اهلك (( كما تدين تدان)) ======= اقتباس:
هى بتتكلم عن الفئة اللى بتعاكس ومش معنى دا اتهام ثانيا : لا صدق الكلام دا ،، شباب فعلا كانوا بيعاكسوا وربنا هداهم دلوقتى هما اللى اعترفوا بنفسهم بدا والفئة من الشباب اللى هى الفئة اللى بتعاكس كل واحد فيهم كمان له وجهة نظره واسلوبه وفكره فى المعاكسة يعنى هتلاقى كل واحد بيعاكس ع اساس غير اساس التانى خالص بردو ====== _ESLAM_ اقتباس:
هو هنا بقى البعد الدينى لو البنات عملوا اييييييييييييييييه بس كل شاب من اللى بيعاكسوا التزم باللى امرنا بيه وغض بصره مش هيحصل دا كله ======= وكمان لو القضية قضية لبس مش محترم مكناش سمعنا عن حكاوى وقضايا التحرش بالاطفال الاطفال يا عالم !!! عالم البراءة ،، طب دول تم التحرش بيهم ليييييييييه بقى !!؟ دول ايه ذنبهم بس ؟ !!!! ======= طب سؤال بقى كمان نوجهه للشباب اللى مش بيعاكس : انت لو شفت بنت بتتعاكس او بيُتحرش بها ايه هو هيكون رد فعلك او هتعمل ايه ؟؟؟ ======= بصوا انا هجيب اقتباسات لكلام بعض الشباب ع الجروب اللى بنوتة اهلاوية قالت عليها ودا كلام شباب ،، مش من عندى وادينا بنشوف الاراء واختلافها ادى رقم 1 ~~~~~~~~~~~~~~ فعلا انت عندك حق ان في ولاد كتير فعلا مابيعاكسش غير اللي شكلهم محترم و انا بقول شكلهم لأن في كتير لبسهم محترم لكن هم لأ لكن عايز اقول ان ده مش معناه ان البنت تلبس اللي هي عايزاه لأن زي ما الولد لازم ماينساش امر ربنا ويعاكس البنت كمان لازم تعمل اللي عليها و اللي امر ربنا بيه و هي انها تلبس محترم يعني ماتلبسش الشفاف و الضيق و كده و طبعا برده الشباب فعلا محتاج انه يحترم نفسه اكتر من كده و يفكر في اخته او امه او بنته لما ربنا يهديه و يتجوز يا تري لو شافها بتتعاكس هيعمل ايه لو الشاب من دول فكر في حاجه واحده زي ديه اكيد مش هيفكر يعاكس تاني و انا كان ليا واحد صاحبي حكالي علي حكايه ان في واحد كان برده بيعاكس كتير و كده و كان سبب انه بطل انه في مره كان بيعاكس و بالصدفه في نفس اللحظه اخته كانت بتتعاكس طبعا نفض و راح مع اصحابه عشان يشوف اخته المهم يعني ان في اللحظه ديه و قف و فكر الله طب منا كنت لسه بعاكس و كمان تدين تدان و من ساعتها و لا فكر يعاكس عموما ربنا يهدي الشباب كلهم و احنا كمان كلنا يا رب ~~~~~~~~~~~~~~ نشوف كمان رد 2 ~~~~~~~~~~~~~~~~~ السلام عليكم ورحمة الله وبركاته. قبل ما أبدا كلام عارف ان فيه ناس كتير مش هيعجبها كلامي. بس ده الواقع اللي احنا عايشينوا. 1- بالنسبة للبنات اللي بتلبس ضيق أو قصير أو شفاف . فالنوع ده من البنات مش هيتغير علشان هما شايفين ان ده حقهم, وان ده عادي. 2-البنت اللي لبسها محترم وواسع برضه كده كده بتتعاكس (في رجاله بتعاكس لمجرد ان اللي معدية تحمل لقب انثى). 3- سبب المشكله الرئيسي الدش والنت والأفلام العربي والاجنبي اللي دلوقتي بتعلم الجيل كله اساليب المعاكسة والتحرش وال******. 4- مغالاه الاهالي في طلبات الجواز وارتفاع مستوى المعيشة وارتفاع اسعار كل حاجة سبب في تأخر سن الجواز وفي سن معين الشباب والشابات بيبقالهم متطلبات نفسية وفسيولوجية غصب عنهم, والدش والنت واللبس القصير والشفاف بينشط الغرائز دي عند الرجاله والبنات وبتخليهم بيفكروا فيها كتير. 5- البعد عن الله سبب في ان الشباب بيعمل الكبائر ويتفاخر بيها مع اصحابة ويوصف اللي عمله بالتفصيل الممل وطبعا كلهم عايزين يجربوا زي صاحبهم 6- ان نسبة البنات اللي مش كويسه بدأت تكتر وده خلى 80% من الشباب يقول ان البنات كلهم مش كويسين (او على كلام واحد أعرفه بيقول .... كلهن عاهرات وحتى الشريفات منهن لم يجدن الفرصة بعد)يعني عندهم اعتقاد ان اي بنت عندها استعداد للانحراف لو ضغطنا عليها في المعاكسة شوية. 7- طبعا مش لازم انسى اني اقول ان في فعلا بنات كتير قمة في الأحترام وشباب محترم مالوش في المعاكسة بس اغلبهم مش بيظهروا في الشوارع كتير إلا حاجات بسيطة. بس لازم الكل يبقى عارف ان الشاب الكويس موجود والبنت المحترمة موجوده وعلى فكرة دول كتير بس احنا مش بنشوف إلا الوحش للأسف. ~~~~~~~~~~~~~~~~~~~~~~~~ =================== بعتذر عن الرد الطويل ،، واحتمال يبقى لى عودة ان شاء الله لانى فصلت ،،شكرا يا مروج لعرضك الموضوع ،، |
|
#8
28-08-2008, 03:33 AM
|
||||||
|
||||||
|
اقتباس:
اقتباس:
جزاك الله خيرا علي تشرفيك اقتباس:
اقتباس:
اقتباس:
اقتباس:
__________________
|
|
#9
28-08-2008, 04:13 AM
|
||||
|
||||
|
مين اللي قال بتكلم عن كل الشباب ان بتكلم عن فئه معينه وحته لو كلام المركزالمصري لحقوق المرأه غلط والله انزل الشارعه وشوف بنفسك>>>>>>>k أنا لو نزلت الشارع ولقيت كل بنت بتتعاكس مايبقاش مجتمع سوى .... أكيد طبعا فى معاكسات لكن مش كل واحد يقتل هانقول النا س كلها بتقتل ز......... يعنى الموضوع ده حالات فردية وراجع لنقص الوازع الدينى ووقت الفراغ والبطالة وتأخر سن الجواز .. أنا مش بأدى مببرات لكن الحل أن لو كل واحد ليه اخت او ام اوخالة او عمىة او قريبة وفكر لو شافهم فى الموقف ده اكيد هايقتل اللى بيعاكسهم يعنى المفروض اللى مايرضهوش على نفسه مايرضوش على غيره
|
|
#10
28-08-2008, 04:22 AM
|
||||||
|
||||||
اقتباس:
وبردو مش حالات فردية لان المعاكسة موجودة وكتيرة مش قليلة بردو اقتباس:
!! اقتباس:
وفيه دوافع نفسية بردو اقتباس:
بس احنا قلنا منهم غير اسوياء وفيهم اللى مش هامه وفيهم اللى بياع كلام وبس ممكن يقولك كلمتين مبادىء وقيم حلوين بس انزل الشارع تلاقيه غير كدة واحب افكرك باقتباس من رد سابق فى الموضوع هنا اقتباس:
وايه بردو السبب اننا نبقى المركز التانى فى التحرش بعد افغانستان وهو صحيح مش مفروض ان افغانستان دول مسلمين باين !!!!؟؟ فيييين البُعد الدينى يا عالم !! ============================ اقتباس:
|
|
#11
07-12-2009, 09:35 PM
|
||||
|
||||
|
على فكرة اعتقد ان الاحصاءات دى مش حقيقية بل موجهه كمان لصرف الانتباه عن المنتقبات والمحجبات وتاكيد ان اللبس لا دخل له باتحرش ودا كلام غير صحيح وغير منطقى كمان لانه ببساطه بيتعارض مع كلام رب العباد "
|
|
#12
08-12-2009, 04:23 AM
|
|||
|
|||
|
قد نفهم ونستوعب أن أسباب تحرش الرجل بالمرأة قد تكون أحد الأسباب التاليه أو إجتماع أكثر من سبب منها 22 بالمائة من النساء يتحرشن بالرجال (1) 1 - ملابس المرأة حتي لو كانت منتقبه فمن المنتقبات والمتحجبات من تكون ملابسهم وما يضعون من مساحيق وزينه أكثر إثارة من المتبرجات أنفسهم ومن طبيعة الرجل أنه يحب كشف المستور لإعتقاده أنه سيكون أكثر إثارة فمهما كانت المرأة متبرجه فقد يرغب الرجل بكشف ما قد يكون مستوراً فيري في ملابس تلك المرأة سواء كانت منتقبة ومتزينه أو نقاب وتحته عبائة مخصره أو أشياء من هذا القبيل أو كانت علي غير ذلك دعوة صريحة للتحرش ولكم هذه الروابط بعض ما جاء في فتنة النساء فتنة النساء الشباب ... و فتنة النساء 2 - إستخدام المرأة اللغات العالمية لإستمالة وإمالة الرجل سواء عن قصد أو دون قصد وأقصد باللغات العالمية هنا إسلوبها في الكلام وإختيار الكلمات سواء في حوار مباشر أو أثناء حديثها مع زميلة لها في مكان عام كما أن هناك لغات أخري عالمية قد تستخدما المرأة سواء بقصد أو دون قصد ومنها لغة العيون و النظرات ولغة الجسد و طريقة المشي والصوت العالي والمشي في منتصف الطرقات والضحكات و ما تتعمد المرأة فعله للفت الإنتباه ولا داعي للدخول في التفاصيل. 3 - الإختلاط في كافة الأماكن وكافة المجالات حتي أن الأمر قد يصل لدورات مياه مختلطه ولضبط هذا الأمر عليكم بالرابط التالي \ كلام الرسول عن الإختلاط (  1 2) العلاقات العاطفيه قبل الزواج ( 1 2) 4 - كون الرجل من الذين فتنهم الله بفتنة البعد عن الدين والنظر وتتبع عورات النساء فلا يفرق حينها بين طفلة وعجوز ولا بين مذكر أو مؤنث ولا بين محترمة و غير محترمه ولا متبرجة ومنتقبه فالمهم لديه قضاء الشهوة والتنفيس عن الغرائز وكلما فعل ذلك زاد إقباله علي تلك المعاصي وإن تمكن من قضاء تلك الشهوة أو نفس عن غرائزة إلا أن هذا يُزيد من الكبت ويوسع مخيلته من المعاصي والآثام أما السؤال الذي يطرح نفسه لماذا تتحرش المرأة بالرجل وقد أصبحت هذه ظاهرة منتشرة الأن في كافة الشعوب؟؟؟؟؟؟ ولكم حرية البحث عن المواضيع المتعلقة بذلك !!!!
|
|
#13
08-12-2009, 06:21 AM
|
||||
|
||||
|
على فكرة اعتقد ان الاحصاءات دى مش حقيقية
بل موجهه كمان لصرف الانتباه عن المنتقبات والمحجبات وتاكيد ان اللبس لا دخل له باتحرش ودا كلام غير صحيح وغير منطقى
__________________
|
|
#14
08-12-2009, 03:30 PM
|
||||
|
||||
|
اولا ... السلام عليكم
ثانيا ... موضوع التحرش فى مصر اصبح ظاهرة خطيرة جدااااااا والمعاكسة ايضا ولكن انتو بتقولو ان الملابس ليست سبب فى المعاكسة والتحرش هى سبب بس سبب بسيط يعنى اما من الاسباب الرئيسية هو التربية ودور الاب والام والسبب الثانى هو التلفزيون والبنات فى نفس الوقت تخيلو انى شوفت برنامج على قناة otv بيتكلم على المعاكسة وبيقولو اية رايكم فى المعاكسة والمعاكسة حلوة و جميلة والبنات تتصل وتقول ان المعاكسة حلوة وجميلة ويسال عمك مقدم البرنامج بتحبى انة نوع من المعاكسة وتتصل عمتك البنت وتقول بحب المعاكسة دى ومبحبش دى ووو................ الخ يعنى مش الملابس ولا الولاد بس لكن البنات والتلفزيون والاب والام والبيئة .....الخ حاجات كتير هى السبب الرئيسى للمعاكسة وعلى الملابس بيقولك ان المتنقبات والمحجبات اكثرمن يتعرضو للمعاكسة لا اعتقد ام ملابس مغرية هى من تتعرض للمعاكسة والتحرش وللاسف المتنقبة ا هى ايضابتتعرض للمعاكسة لكن قليلة اما المحجبة والمحترمة فى ملابسها هى اقل من تتعرض للمعاكسة بـــــــــس كدة خلص الكلااااااااام ارجو ان ينال اعجابكم...........................!!!!!!
__________________
MAHMOOOODHOUDA*********** "محمود حودة" |
|
#15
10-12-2009, 04:47 PM
|
|||
|
|||
|
حسبنا الله ونعم الوكيل
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:31 PM.
