بجد انا زعلانة ومش عارفة ليا غلاوة عند حد فى البوابة ولا

[التائبة الى ربها]

انا فعلا والله العظيم مش هدخل البوابة تانى
لو محدش رد عليا
لو محدش نصفنى
لو محدش حب ليا موضوع فى البوابة








لو دمى تقيل على قلب اعضاء زىbanzer ووجدان
انا فعلا زعلانة جدا انى مش هخش البوابة تانى
وانا مش بقلد اى عضو لكن انا باعيط بجد وانا بكتب دلوقتى حاسة ان مرة واحدة مفيش حد بيحبنى فى البوابة وعلى العموم شكرا للاعضاء اللى حبونى واهتموا بمواضيعى
وممكن يا banzer انك تمسح الموضوع خالص لو مش عاجبك
انا فعلا مش هاخش البوابة تانى لو محدش رد ليا اعتبارى لو عايزين تعرفوا ليه كل ده ممكن تشوفه الموضوع اللى فى الراابط ده وتشوفه قد ايه انا كنت متنرفزة و banzer ووجدان كان ردهم ايه

http://www.thanwya.com/vb/showthread...63282&posted=1
وشكرا لكل اللى هيرد

[بلالل]

ليه بس بتقولى كده اختى الفاضله والله الاعضاء كلهم وانا على راسهم تحت امرك فاى شىء ووجدان وبانزر كانوا بيهزروا معاكى وده دليل على مكانك عندهم لانهم مابهزروش الا مع اللى يعرفوهم

[كاريمان]

ياحبيبه قلبى انا ميش شايفه انهم قالوا حاجه
شكلك فى ثانويه عامه وكلنا بنبقى كدة ميش مستحملين كلمه
عامه انا هاريحك
بصى ياستى اتصلى بمدرستك واسالى الدراسه امتى
لو متعرفيش نمرة مدرستك زينا كلنا
اتصلى بالدليل وهما يقولولك النمرة اعتقد ان الدليل 140
وعادى صدقينى كلنا بيحصلنا كدة وبنتلغبط وبحتار ومنعرفش اى حاجه فى اى حاجه متقلقيش نفسك بس
ولو احتجتى اى حجه كلمينى
ماشى

[yara attia]

لا يا عسل والله انتي ليكي غلاوة كبيييييييييييييييييييييرة في قلبنا كلنا

وهما كانو بيهزروا معاكي فعلا مش قصدهم حاجة


وبعدين بنزر مشرف القسم العام يعني من حقه ينقل اي موضوع هو شايفه مش مكانه مش تزعلي مني بس ده الحق والله

ومش عوزينك تسيبي المنتدي وخليكي معانا عشان المنتدي يفضل منور بيكي يا قمر

[التائبة الى ربها]

المشاركة الأصلية كتبت بواسطة بلالل

ليه بس بتقولى كده اختى الفاضله والله الاعضاء كلهم وانا على راسهم تحت امرك فاى شىء ووجدان وبانزر كانوا بيهزروا معاكى وده دليل على مكانك عندهم لانهم مابهزروش الا مع اللى يعرفوهم

فى الاول جزاكم الله كل خير على الاهتمام وشكرا جزيلا
بس انا معرفهمش قبل كده خالص من خلال اى موضوع فى البوابة
مش قصى انى معرفش مشرف او وجدان قصدى انى مش متعودة من حد منهم على هزار زى كده وعلى فكرة والله انا لسة زعلانة منهم جدا

[كاريمان]

شفتى الناس كلها بتعزك ازاى
يلا روقى كدة واستعذى بالله من الشيطان الرجيم
وشوفى انتى عايزة واحنا تحت الخدمه والطلب ماشى

[مجنونة الكيمياء]

اولا ده كله هزار ثم احنا منقدرش على زعل أى حد من المنتدى
احنا عشان شايفين ان احنا اخوات بنتكام بدون فواصل ونضحك ونهزر
ثانيا ولا تزعلى خالص الدراسة يا قمر يوم الاحد ان شاء الله
يالا امسحى دموعك لو لسه بتعيطى احسن اصدق انك مجنونة وهبلة زى ما قالوا
بس برده ده هـــــــــــــــــــــــــــزار
وفى حد يبقى اسمه زى اسمك كده ويعيط
اتشرفت بمعرفتك جدا جدا

[التائبة الى ربها]

مش ملاحظين ان هم الاتنين معبونيش مع انهم على كلامكو بيهزور معايا

[وجدان حنفي]

المشاركة الأصلية كتبت بواسطة التائبة الى ربها

انا فعلا والله العظيم مش هدخل البوابة تانى
لو محدش رد عليا
لو محدش نصفنى
لو محدش حب ليا موضوع فى البوابة








لو دمى تقيل على قلب اعضاء زىbanzer ووجدان
انا فعلا زعلانة جدا انى مش هخش البوابة تانى
وانا مش بقلد اى عضو لكن انا باعيط بجد وانا بكتب دلوقتى حاسة ان مرة واحدة مفيش حد بيحبنى فى البوابة وعلى العموم شكرا للاعضاء اللى حبونى واهتموا بمواضيعى
وممكن يا banzer انك تمسح الموضوع خالص لو مش عاجبك
انا فعلا مش هاخش البوابة تانى لو محدش رد ليا اعتبارى لو عايزين تعرفوا ليه كل ده ممكن تشوفه الموضوع اللى فى الراابط ده وتشوفه قد ايه انا كنت متنرفزة و banzer ووجدان كان ردهم ايه

http://www.thanwya.com/vb/showthread...63282&posted=1
وشكرا لكل اللى هيرد

ايه دة انا مش مصدق عينيا والله


يا بنتي هو انا جيت جنبك

انا مجرد بقوللك نصيحة

عادي يعني لو فاتك يوم مش قضية

والله ما كنت اقصد اي حاجة


ومش عارف ليه فهمتيني غلط



انا بقوللك كدة لاني قعدت في الثانوية 5 سنين وبديكي خبرتي مش اكتر


عموما انا متأسف عن اي خطأ خرج مني سهوا


ارجو التقبل

[التائبة الى ربها]

[quote=التائبة الى ربها;2663593]مش ملاحظين ان هم الاتنين مردوش مع انهم على كلامكو بيهزور معايا
ومفروض ان هما الاتنين قعدين دلوقتى

[بلالل]

بانزر مش مو=جود فالقسم اما وجدان فاكيد هايرد ده شخصيه جدعه جدا ومابيحبش زعل حد

[التائبة الى ربها]

المشاركة الأصلية كتبت بواسطة وجدان حنفي

ايه دة انا مش مصدق عينيا والله


يا بنتي هو انا جيت جنبك

انا مجرد بقوللك نصيحة

عادي يعني لو فاتك يوم مش قضية

والله ما كنت اقصد اي حاجة


ومش عارف ليه فهمتيني غلط



انا بقوللك كدة لاني قعدت في الثانوية 5 سنين وبديكي خبرتي مش اكتر


عموما انا متأسف عن اي خطأ خرج مني سهوا


ارجو التقبل

متشكرة حدا يا وجدان
بس انا لو لحظت فى الموضوع قصدى ان ام الدنيا مفيهاش نظام مش بالظبط السبت والاحد
وانا كررت ده اكتر من مرة فى الموضوع
واللى غظنى ان انت وهو بتتريقو عليا

[وجدان حنفي]

والله ما كنت بتتريق نهائي انا فعلا بقوللك


والناس هنا عارفة اني عشري في الثانوية العامة


انا اكتر واحد قعد فيها

ومع ذلك مكنتش برووح اصلا


عموما حقك عليا

وانا بأكدلك ان بانزر لسة مشافش الموضوع

[Mr. Ali 1]

قرأت الموضوع اللي سبب لك مشكلة وكمان قرأت كل الردود , وأكيد هما اخدوا الموضوع علي انه أمر فكاهي منك , لأنك بصراحة لو كنتي بتتكلمي بجد , يبقي انتي عملتي لنفسك أزمة من غير لازمة. تقدري وبمنتهي البساطة انك تتصلي بمدرستك وتعرفي السبت أم الأحد , أو تتصلي بزميلة وتسأليها. كمان في حاجة في موضوعك تجعل من يقرأه يأخذه علي شكل فكاهي وهو كثرة تكرار " عبيطة وهبلة " فأكيد اللي يقرأ الموضوع , يقول انك بتهزري.
انتي أكيد متوترة جداً , يا ريت تهدي وسيبيها علي الله , وبلاش توتري نفسك من بداية العام عشان لو كنتي في ثانوية عامة تقدري تركزي كويس وتجيبي مجموع يدخلك الكلية اللي انتي نفسك تدخليها. ربنا يوفقك لما فيه الخير لك. وبلاش حكاية " مش حدخل البوابة تاني " , دا انتي معاكي مفتاح من مفاتيح البوابة.

[التائبة الى ربها]

المشاركة الأصلية كتبت بواسطة وجدان حنفي

والله ما كنت بتتريق نهائي انا فعلا بقوللك


والناس هنا عارفة اني عشري في الثانوية العامة


انا اكتر واحد قعد فيها

ومع ذلك مكنتش برووح اصلا


عموما حقك عليا

وانا بأكدلك ان بانزر لسة مشافش الموضوع

انا اللى اسفة انى ظنى كان وحش فى حد زيك
وانا دلوقتى لو بعيط فعلشان انت بتقوللى حقك عليا انا متشكرة يا وجدان
وارجو ان وجهة نظرى تكون وصلتلك
وعموما انا فعلا زعلانة من بانزر لانى كنت بتكلم جد ومرة واحدة دخل فيا هو شمال