اولا ذاكرى التذوق الفنى حلو اوى وبعدين فى كل موضوع ترسميه حاولى تمشى على الاساسيات يعنى مثلا الاشخاص فى الموضوع التعبيرى ماتكنش مقطوعة ولازم تقطعى الخلفية بالاشخاص حاولى تنوعى الحركات وفى الامتحان اختارى الحاجة اللى تقدرى تعمليها كويس بسرعة عشان الوقت ودربى نفسك على الرسم الكتير اكيد حتعرفى تبقى احسن و حاولى تختارى الوان متناسقة انا على فكرة بحب الرسم اوى ورغم كده الا انى مش بحب ارسم فى المدرسة او الامتحانات لانى بحس ان الرسم وسيلة للتعبير عن المشاعر زى الشعر كده وليه اوقات هى فعلا اللى بيكون فيها من قلبنا بس برسم ومضطرة فى الامتحان هعمل ايه اه وفى حاجة كمان بس انا مش باعملها لانها بتطلع معايا كده علطول ومرة جربتها وحسيت انها ممله النسب يعنى الشخص مثلا ينقسم لتلت اجزاء متساوية من الراس للوسط ومن الوسط للركبة ومن الركبة حتى القدمين ولو حاولتى تعملى كده اكيد رسمك حيبقى احن بكتير وربنا يوفقك انا عارفة هما ليه حطوه فى المجموع دى هواية هما على فكرة كده ظالمين الناس اللى عندهم هوايات تانية
|
22-12-2009, 11:05 AM
العرض العادي
