مستشار يضرب

[علاء سيف]

البشاير:رندا رشدي:

واقعة مؤسفه شهدة أحداثها جدران مدرسة أحمس بالهرم حيث أقتحم أحد أولياء الأمور المدرسة وقام بضرب مدرس نجله بالجزمة في فناء المدرسة والمؤسف أكثر هو أن مرتكب هذه الواقعة هو مشستشار بمجلس الدولة من المفترض أن يكون هو الحكم الذي يحصل للناس علي حقوقهم .

والواقعة روت تفاصيلها لبرنامج الحياة اليوم ليلي السيد مديرة المدرسة والتي أكدت أن المستشار لم تكن المرة الأولي التي جاء وقام بعمل مشكلة بالمدرسة ولكنه فعلها اكثر من مرة وفي أحدي المرات قال لي علي المدرس ده أن ممكن أحبسه وسمعتها وكما لم أسمع حتي أحتوي المشكلة وقد نبهت علي المدرسين عقب عودة نجله للمدرسة ويده في الجبس بعدم معاقبة الولد أو ضربه أو تعنيفه بسبب مشكلات والده ..

وبالفعل كان المدرسين يلتزموا وما حدث هو أن المدرس طالبه بالوقوف كعقاب له مجرد وقوف فقط ..

وأذا بوالده المستشار بمجلس الدولة يحضر ويقوم بضرب المدرس بالجزمة في وسط فناء المدرسة امام الجميع فقمت علي الفور بأدخاله لحجرة شئون الطلبة لتهدئته بحكم أنني أريد تحقيق الأمن بالمدرسة ولكنه دخل وظل يسب في كافة العاملين بالمدرسة وأتصل بمجموعه حضرت للمدرسة وأقتحموا المدرسة وأثاروا الذعر بين الطلاب والمدرسين والمدرسات ..

فتقدمنا ببلاغ للنيابة وأجرت التحقيق في الواقعة .

[ممدوح مصطفى الانصارى]

لا حول ولا قوة الا بالله
العلى العظيم .
هذا المستشار كان المفترض ان
يخرج من المدسة محمولا على نقالة
فليس لدينا كمعلمين ما يجعنا نفرط
فى حقوقنا او ننزعج من اى فرد فى المجتمع مهما كان .
ولى تجارب خاصة للتعامل مع بعض هؤلاء السفهه من
اصحاب الكارفتات الشيك .

[Mr. Medhat Salah]

ههههههههههههههه

لغه النعال في مدارس الجمال شوف يا جمل ايه اللي حصل ورينا هتعمل ايه

[علاء سيف]

استاذنا الفاضل ممدوح اتفق معك حرفيا في رأيك
والذي يحيرني اين كان باقي زملاء المدرس من مدرسين واداريين
وفي بعض المواقف مع الاسف لا ينفع القانون
ولا يفل الحديد الا الحديد
وكما كان يقول جدي الكف السابق سابق
كان عليهم اغلاق المدرسة عليه وياخد اللي فيه النصيب وبعدها نبقى نروح سوا القسم
مشكور للمرور الكريم

والغالي me5050
فعلا واجب الوزير ان يشعر انها اهانة لشخصه ولوزارته ويتصرف على هذا الاساس
لكني اعتقد انهم هيحيلو المدرس للتحقيق وهياخد خصم ليه؟؟؟
اكيد هو السبب ضربه لا
شتمه برضة لا؟؟
باص له بصه وحشة

[راعى القاعود]

أخوانى

الجزمة اصبحت تستخدم أكثر من المسدس

بصراحة من علامات الساعة

[Observer]

بصراحة المستشار ليه حق يعمل أكتر من كدة
أكيد لو كان شاف ناس تخوفه كان خاف ووقف عند حده
لكن هو بيقول دى مدرسة خاصة وبفلوسى اعمل اللى انا عايزه
مشوفتوش رد فعل المديرة كان ايه ؟

بتهديه ... يا سلاااااااااااااااااام
بس برضه هى غلطانة
كان المفروض تطلبله حاجة ساقعة أو كابتشينو
حسب مزاج الباشا !!

[alloy]

ومن يهن يسهل الهوان عليه ما لجرح بميت إيلام

[توفيق رفعت عجيز]

يا جماعة عماذا تنتظرون من مستشار قد يكون اصل تعينة في النيابة رشوة او محسوبية وانتم تعلمون ما يحدث في تعينات النيابة
ولكن هل الدكتور الجمل هيعمل حاجة لهخا الموقف اشك

[الأستاذة هدى]

اللى غايظنى .. انه لم يضرب 60 جزمة على دماغه !!!!

كان فين باقى المدرسين وزميلهم بيضرب؟؟؟

والمدرس المضروب كان فين وقت ما انضرب؟؟؟؟

حاجة تغيظ الصراحة ... والست المديرة خايفة على ولى الأمر الغير محترم وخايفة منه طبعاً !!!!!

المدارس الخاصة للأسف المادة هى التى تحكمها .. !!!!!!!!

[Mr.Hani]

ده عيب نظامفى المقام الأول اللى سمح لواحد زى ده متعين بالواسطة والمحسوبية او بالفلوس أن يفعل هذا
وعيب وزارة تعليم انها لم تأخذ حق المدرس فلابد أن تختصم مستشار الدولة الى ان يعتذر علانية للمدرس ويدفع تعويش كمان عن تلك الاهانة
وعيب امن مدرسة اللى سمح له بالدخول للطابور
وعيب للمديرة انها هدأته
وعيب للمعلمين زملاء المعلم المضار لأنهم لم يكيلوه ضربا حتى يبان له صاحب
شوفتوا العيوب اد ايه
هل كل تلك العيوب ستنصلح؟

[thechampion]

يا جماعة انتم مش مقدرين الموقف ولا ايه
انا طالب عارفين يعنى مدرسى قدوتى اللى بيربينى ويعرفنى الصح والغلط ينضرب
ولا ده منضربش يالايد لا ده انضرب بالجزمة
دى مصيبة ان المدرس حد يزعقله اساسا
مش ينضرب ولكن يا جماعة هو مكانش يقدر يضربه لسبب انه كان واخد معاه بلطجية
المستشار ده لازم يتعدم علشان يكون عبرة لازم يتعدم

[أ\سلوي]

بارك الله فيك

[كورتى البعبع]

لا حول ولا قوة الا بالله

انا حصل معايا نفس الموقف دة لما كن فى مدرسة خاصة السنة اللى فاتت

قومت ولد قمة قلة الادب بقولة افتح ايدك بيقولى انا محدش بيضربنى ولا حتى صاحب المدرسة

فطلعتة على السبورة فقعد يقول المستر معرف يضربنى

روحت ضربتة عصاية واحدة بس

لقيت المدرسة كلها اتقلبت عليا ونزلونى تحت للمدير وقعد يقولى انت عارف دا ابن مين

قولتلة لا معرفش

قالى دا ابن مستشار فى المحكمة اللى جنبنا دية اللى هى جنب مديرية امن القاهرة

فقولتله مستشار على اهلة هناك لمايربى ابن يبقى يقول انا مستشار

قالى دا هيقدم فيك تقرير

قولتلة يقدم انا معملتش اى حاجة غلط

واخر مازهق قالى طب اطلع جيب الولد واتاسفلة

قولتلة لا مش هاعمل كدة

قالى طب هات انا اتاسفلة

قولتلة ولا حضرتك تتاسفلة
وجة ابو الواد وكان عاوز يشوفنى باى طريقة ولا عمل اى حاجة

صوت وخلاص

ماهو خلاص الدنيا سابت

كل واحد فاكر نفسة ابن باشا وهو .............. لاداعى عشان مش نكون زيهم

[علاء سيف]

مشاركاتكم المتميزة تثري الموضوع
وفعلا كلنا عارفين لا الوزارة ولا النقابة بتجيب حق حد
وكا ن واجب المدرس وزملاؤه ان يأخذوا حقهم بايديهم ومع الاسف وهو اسلوب خاطئ طبعا لكن الفتنة اشد من القتل وكان ساعتها يبقى يروح يشتكي بقة
واللي متحمسين قوي لقضاة الاخوان فريق نها الزيني ومكي والخضيري يفسرولنا صمتهم في هذة الواقعة

[godfather2]

أنا معاكم ياجماعة لا يفل الحديد إلا الحديد ونحن لم يبقى لنا إلا كرامتنا والمفروض في المدرس وزملاؤه كانوا اتلموا عليه وعلموه الادب من جديد وبعدين نتصالح في القسم
أما السكوت وخلي القانون ياخد مجراه عمرها مانفعت