أمة اقرأ لا تقرأ

[أحمد كووول]

أولا السلام عليكم ورحمة الله وبركاته
ثانياً أنا مش عارف أبدأ إزاي بس فعلاً المشكلة كبيرة وخطيرة
أمة اقرأ لا تقرأ
هيه القراءة حاجة صعبة
طبعاً أقصد إنك تقرا كتاب من الجلدة للجلدة
ولا الحكاية ايه بالظبط
يمكن التعود علي القراءة من الصغر بيساعد علي حب القراءة
طيب والعمل لازم يكون فيه حافز يخلي الواحد يستمر في قراءة الكتب واحد ورا واحد
فيعرف معلومة ورا معلومة ويوسع مداركه
أنا سمعت مرة في التليفزيون إن المدارس الأجنبية بتعلم تلاميذها القراءة الحرة علي الأقل نص ساعة يومياً
وده شئ مفيش فيه نقاش يعني ممكن حصة تتلغي بس القراءة نص ساعة لا يمكن تتلغي اهتمام بالقراءة ما بعده اهتمام
ممكن واحد يرد ويقول ربنا يصلح الحال
وواحد يرد ويقول قراءة ايه بس محنا بنقرا كل يوم مواضيع ف المنتديات كفاية كده
بس أنا نفسي نشجع بعض
ونعمل برنامج للقراءة مع بعض
ممكن مثلا نتفق كل واحد منا اسبوعيا يقرا كتاب ومتكونش قراية عادية لأ بالقلم الرصاص يكتب كل اللي استفاده من قرايتة للكتاب و نخلي مثلا يوم الجمعة ميعاد لنشر ما استفادة كل واحد منا من الكتاب اللي قراه علي موضوع هيا نقرأ في بوابة المحافظات محافظة شمال سيناء القطعة الغالية من مصرنا الحبيبة القطعة التي تصلها بركة المسجد الأقصي
اللي موافق علي الفكرة دي ياريت يقوي عزيمتي ويلا نشجع بعض علي القراءة يا أمة اقرأ
اتمني الفكرة تلاقي استحسان من الجميع
ومشاركة فعالة يا خير أجناد الأرض
قراءة ساعة يوميا = علم وخيال وابداع ينمو وينمو وينمو
ونخلي شعارنا

تعلم فليس المرء يولد عالماً وليس أخو علم كمن هو جاهل
كبير القوم لا علم عنده صغيرٌ إذا التفت عليه المحافي


والله الموفق