|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
07-02-2007, 06:59 PM
|
|||
|
|||
<div align="center">بسم الله الرحمن الرحيم
ازيكو يا ولاد عاملين ايه ... واحشنى والله ...اخش في الموضوع عدل بقى امبارح وانا قاعد علنت لقيت نفسي قاعد مخنوق و مش عارف انام ...قلت اما اتسلى شوية ....جت في دماغى فكرة انى ابعت call me back لنمرة عشوائية ...المهم بعت الرسالة وشوية جت المفاجئة ( مش عايز حد يعمل زكي ويقلى ان النمرة كلمتنى ) بس المفاجأة الحقيقية اني لقيت رسالة مبعوتة من نفس الرقم اللى انا باعتله وبتقولى ( احنا هنزر بقى ولا ايه انت فاكرني فاضي للى زيك ) المهم انا اتنرفزت اوي وقلت مين اللى بيرد كدة ...وازاي اساسا طالما انا معرفوش ...المهم كنت عايز اطلبه اهزأه بس قلت بلاش يا واد ده انت اللى بعت وانت اللى هتطلع غلطان في الاخر المهم كمان شوية قلت اما ابعت ماسج تانية ...المهم شوية لقيت الرقم ده بيتصل بيا في الاول كنسلت بعدين رن تانى قلت ..اما اشوف اخرة الحكاية كنت خايف اوي وانا بدر لحسن يطلع واحد او واحدة تهزقنى المهم رديت ...ردت واحدة عليا وقالتلى ثوانى خليك معايا وسمعت صوت ..تيت شوية رد عليا واحد صوته تخين كدة وباين عليه راجل كبارة بيني وبينكم انا اترعبت ....فسكت ومرد تش .... من كتر الذهول لقيته بيتكلم تانى ويقلى ما ترد يا احمد ...انذهلت تانى وكنت عامل المرة دي زي الايموشن ده  فقلتله حضرتك تعرفنى ...قالى طبعا هو في حد يتوه عنك قلتله طيب مين معايا قالى ...ايه ده معرفتنيش ...لالالالالالا ملكش حق خالص انا جدو حسنى يابنى .... قلتله مين ...انا جدودي ماتوا قبل اما اشوفهم ..مين معايا بقى قالى انا جدو حسنى يا ميدو...بتاع مصر يابنى ... قصر عابدين والحاجات دي -قتله اهلا حبيبي وحبيب الملايين ازيك عامل ايه ... وايه اخبار جيمي وام علاء ؟؟ معلش صوتك متغير شوية - معلش البرد شديد السنة دي - معاك حق البرد شديد ... صحتك بالدنيا ..اتكلفت كويس - جبت خروف العيد ؟؟؟ - خروف ليه ؟؟ - انت مش هتضحى ولا ايه ؟ - اه قصدك الخروف يعني ...يا سيدي اذا كان على الخرفان انا عندى منهم 75 مليون !!!! -مش عارف يا ميدو مش عاجبني حال البلد - ليه بس - الناس مش عاجبها حاجة يا بو حميد ...... كل اما اعمل حاجة عشان اصالحهم تيجي فوق دماغى -ازاي بس ده انا عمرى على ما اعترضت على حاجة حضرتك عملتها - هو انت تقدر تعترض اساسا - قلتله ( مستغربا ) حضرتك بتقول ايه ؟؟ - قصدي ...يعني انك مترفضليش طلب ولا ايه ؟؟ - طبعا ياباشا هو انا اقدر - المهم الناس محيراني اوي - ليه يا كبير ؟ - تخيل لما تامر خرج من السجن ..الناس قعدت تقول كوسة ومش كوسة ... دخلته تاني الناس قعدت تقول واشمعنى هو ما اولاد المسئولين بيعملوا اللى عايزينه ...يعني انت عايزيني اضيع مجهود الناس اللى علقت يافطة في مدينة نصر ( وحشتنا ) - معلش صوابعك مش زي بعضها يا معلم !! - ده انا حتى لما لقيت الشباب غلبان خليت دينا تنزل ترقص في وسط البلد ... لا واللى اكتر من كدة انى وصيت الامن محدش يتعرض لحد ...يجوا في الاخر يقولوا ان البلد فيها تحرش وبتاع ...يعني انا اللى غلطان .... - لا ياباشا انت عداك العيب وأزح ...بس تعمل ايه انت في شعب واطي ميستاهلش النعمة - انت شايف كدة ؟ - الا شايف هو في بلد زينا ..بالامانة كدة بلد ايه اللى الحشيش فيها ارخص من اللحمة .. والبانجو ارخص من القمح ... يعني الحق علينا ان احنا مدعمين الحاجة .. بدل ما يروحوا يجيبوه من برة وينضحك عليهم ... لكن تعمل ايه خيرن تعمل شرن تلقى - يعني انت يا ميدو لو مكانى تقول ايه للناس اللى بيقولوا مفيش ديموقراطية ..وانى مش راضي امشي؟؟ - والله ياباشا انا مش عارف الناس دي بتناقض نفسها ولا ايه ...هدي سعادتك مثال بسيط ... عمرك شفت بلد غير بلدنا الناس بتعمل حمام في الشارع عادي ...او بلد البنات فيه بتمشي لابسة من غير هدوم ...ا و حتى اللى عايز يسرق فلوس من البنك ممكن يسرق من غير ما حد يحاسبه ... هيا دي الحرية يا كبير... - طب والناس اللى بتلومنى على حكاية العبارة ؟ - بص ياباشا والله مش ذنبنا ان الناس دي مبتعرفش تعوم ...ده حتى سيدنا عمر قال ( اذا فسد الراعي اكلت خرافه ) احم ... لا معلش قصدي ياباشا انهم كانوا زمان بيقولوا ( علموا اولادكم السباحة وركوب الخيل ) - مش متهيالى المفروض انها السباحة والرماية وركوب الخيل يا عم احمد ... - بلاش الرماية ...انا خايف على مصلحتك بس بقى بصراحة ان عملت اللى ميتعملش ...كباري وعملت ... رقاصات وسبت ... معتقلين وسجنت ... حشيش ووزعت ... سعد الصغير واهو بقى مطرب مصر الاول ... بصراحة اللى يقول ان البلد فيها حاجة يبقى مبيفهمش - ياريت كل الناس زيك يا ميدو - قلت في سري (( ما هو المشكلة ان في ناس زيي )) سلام يا ميدو - سلام يا باشا ومتحرمناش من رناتك ...سلام ويجعله تامر يا جماعة ... يجعله تامر</div> |
|
#2
07-02-2007, 07:12 PM
|
|||
|
|||
شكرا اوى على الموضوع
بس ممكن تبعتلى الرقم ومتخافش هبعت كلمنى .شكرا وهو اللى يتصل اصل انا عايز جدو حسنى فى موضوع سلام |
|
#3
07-02-2007, 07:15 PM
|
|||
|
|||
|
ههههههههههههههههههههههههههههههههههههه
 منم حسن حظي اني حكون اول واحد يرد :D بس انت كده حرقت موضوع كنت حنزله بكره بس حلو يا واد
__________________
 |
|
#4
07-02-2007, 09:03 PM
|
|||
|
|||
|
معلش يا عم اسلام بس انتا تاني رد
و للاسف حسني قالي مقولش رقمه لحد احنا بقينا اصحاب انا لسه مكلمه من ربع ساعة يا جدعان |
|
#6
08-02-2007, 08:45 AM
|
|||
|
|||
|
هههههههههههه
موضوع جميل بس الى يشوفكم يقول بتتكلموا سوا على القهوة مش كلام تليفون خالص |
|
#7
08-02-2007, 11:11 AM
|
|||
|
|||
|
لا حسني ده حبيب قلبي و حته من فشتي بجد
احنا خلاص شيلنا التكليف |
|
#8
08-02-2007, 11:50 AM
|
|||
|
|||
|
ربنا يديم المعروف
__________________
<div align="center">لما شوفت الحياه فى لوحة ***وردة حمرة فى وسط دوحة نهر وربيـع حمام بيطـــــــير***حضن كبيـــر وقلوب مفتوحة مكنتش اعرف مكنتش اعرف ان النهر ******كان دموع آهات وهم وان الوردة لما اترسمت****** كان اللـــون هو الدم والربيع ريح وعواصف - سيول- والمطر طيور مدبوحة مكنتش اعرف مكنتش اعرف بس فوقت*****والحقيقة كانت كابوس انى كنت الورقة البيضة****والقلم عليها كان بيدوس والسن كان سكينة الم علشان اكون علطول مجروجة</div> 
|
|
#9
08-02-2007, 06:03 PM
|
|||
|
|||
|
اللهم امين و شكرا مروركم علي الموضوع
|
|
#10
08-02-2007, 06:21 PM
|
||||
|
||||
|
اكيد انت موبيفون
اصل جدو حسنى الشبكتين بيتقاطعوا عنده فى عابدين غير رقمك يبنى :P
__________________
*الإنسان حين التغيير يصبح هو قطعة الرخام وفي نفس الوقت هو النحات فحتما سيتبع هذا التغيير ألم .... ولكن في النهاية تبرز ملامح الانسان الصالح الجديد بكل روعه وجمال .
|
|
#11
09-02-2007, 09:42 PM
|
|||
|
|||
|
تغطية على مواضيع المشاكل
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:05 PM.
