سؤال صغير بس يحير؟؟

[x19]

سلام عليكم
وبعد غياب دام 4 ايام متواصله
اعود اليكم ..... انا لسه جى من "سوسيرااااااااااا" سويسرا علشان محدش يتكلم علينا
لعدم الاطاله لانه كلمه من وقتكم الثمين
السؤال فى الباب الخامس
السؤال موجود فى بعض الكتب الخارجيه
وموجـــــــــــــــــــــــود فى كتاب دليل تقويم الطااااااااالب
السؤال بيقول
اختر الاجابه الصحيحه
درجه انصهار مكونات الخبث:
1)مرتفعه جدا
2)مرتفعه
3)متوسطه
4)منخفضه
انا مستنى الاجابات بجد علشان انا متلغبط فى اجابتين وحاسس انى ......
وياريت اللى يجاوب يقول جاب اجابته على اساس ايه
يلا سلاموز بقى ومستنى.....

[εїз فيونكة فوشية εїз]

انا كل اللى اعرفه عن الخبث هو التالى:
اولا: هو خليط سائل مصهور من الومينات وفوسفات وسيليكات الكالسيوم يطفو
فوق سطح الحديد في الفرن العالى ويحميه من التأكسد
بفعل تيار الهواء الساخن
ثانيا:يستخدم في الكثير من الاغراض الصناعيه مثل:-
*صناعة الاسمنت
*رصف الطرق

وانا عارفه ان كلنا عارفين الكلام ده
لكن سؤالك انا شفته بس معرفتش اجاوبه للاسف
اعود اليكم ..... انا لسه جى من سوسيرااااااااااا
جاى من فين؟؟؟؟؟؟
ده حتى انت مش عارف تكتبها
سويسرا يا عبد الرحمن
بس فين الهديه بتاعتى بقي من سويسرا

[المجدة]

منخفضة يا عبد الرحمن وانا كمان فين هديتى يا الى جاى من سويسرا ههههههههههههه

[دعاء شريف]

في سؤال في كتاب خارجي بيقول ان اعلي درجه حراره في الفرن العالي تكون في منطقه......
والاجابه طبعا(تكون الخبث)
ودا طبعا سؤال متوافق مع سوالك
ارجوا اكون افدت

[queen hemat]

الاجابة درجه انصهار الخبث تكون منخفضة

والتفسير

ان كثافة الخبث منخفضة جدا وده سبب انها تطفو على سطع الحديد المنصهر
والكثافة = الكتلة / الحجم
وكلما قلت الكثافة تقل كتلتها فتقل درجه انصهارها

اى ان هناك علاقة طردية بين الكثافة ودرجة الانصهار

[لؤلؤة الكلمات]

المشاركة الأصلية كتبت بواسطة x19

سلام عليكم
وبعد غياب دام 4 ايام متواصله
ليه ليه كنت فين ها؟؟ ههههههه
اعود اليكم ..... انا لسه جى من "سوسيرااااااااااا"

سوسيرا يا ثانويه عامه دخلتها ازاى هههههه

سويسرا علشان محدش يتكلم علينا
لعدم الاطاله لانه كلمه من وقتكم الثمين
السؤال فى الباب الخامس
ها ؟؟
السؤال موجود فى بعض الكتب الخارجيه
وموجـــــــــــــــــــــــود فى كتاب دليل تقويم الطااااااااالب
السؤال بيقول
اختر الاجابه الصحيحه
درجه انصهار مكونات الخبث:
4)منخفضه يا عبد الرحمن

انا مستنى الاجابات بجد علشان انا متلغبط فى اجابتين وحاسس انى ......ههههههههه

وياريت اللى يجاوب يقول جاب اجابته على اساس ايه
يلا سلاموز بقى ومستنى.....

هو دة الصح ان شاء الله
احلى سلاااااااام

[مروة صلاح عبده]

والله بقي انت الي جبته لنفسك لما قولت انك كنت في سويسرا كله دلوقتي عاوز الهدية بتاعته
المهم حمدا لله علي السلامة والاجابه الصح انها هتكون ان درجة انصهار الخبث منخفضة
السؤال ده كمان كان في مسابقة من سيربح المليون في الكيمياء وكانت الاجابه
انها منخفضة. بالتوفيق للجميع.

[x19]

والله انا شاكك فى الاجابتين الى اتقالوا
انها يامرتفعه جدا يامنخفضه
بس انا مش عارف بقى الاجابه ياريت مدرس يدخل ويشوف الموضوع ده
او كل واحد يسأل مدرسه فى الدرس ويرجع يقولى قالوكوا ايه
وبعدين بالنسبه لسويسرا محدش يقولى عاوز هديه علشان انا اصلا راجع مترحل على مصر
يعنى مش راجع بولا مليم
فيعنى الاخوة الزمايل يلمولى كده ياريت عشرة جنيه بس امشى بيها نفسى

[chemist2009]

الاجابة هتبقى منخفضة ودا ياسيدى اول جنيه منى معلش بقى مش هقدر اساهم بأكتر من كدا اصلك جاى اخر الشهر هههههه

[نانسي وسلمي]

ع حد علمي يعني انها منخفضة

وبعدين سافرت سويسرا من غير ماتقولي ماشي ومالو خليك فاكر بس واحسن انهم رحلوك لانك زمانك جننتهم وبعد ين انا معيش غير ربع جنيه اصل بابا قطع عني المصروف

[mera_mar21]

هى منخفضه لانى فى سؤال بيقول ليه الخبث بيكون سائل فبنقول لانه درجه حرارته منخفضه ودرجه حراره الفرن عاليه
بس اعلى منطقه فى درجه الحراره مش الخبث تقريبا احتراق فحم الكوك اسفل المنطقه الوسطى
وشكراااااااااااااااا

[طموحة للأبد]

((ارجع للكتاب لأن الكتاب خير معين ..........))
ذكر صــــــــــ124 عند *الخبث*
نواتج التفاعلات السابقة تكون سائلة عند تكوينها حيث أن درجات إنصهارها منخفضة ويعرف مخلوطها بالخبث ..................

[mohamed_fawzy]

درجة انصهار الخبث منخفضة والكلام مش من عندى ده من كتاب الوزارة صفحة 124اول سطر فى شرح الخبث
وياريت يا جماعة نذاكر من كتاب الوزارة والله اكثر من رائع
بالتوفيق للجميع ...

[mohamed_fawzy]

انا اسف يا جماعة انا مقريتش الردود كلها اسف "طموحة"

[x19]

ايوة يجدعان انا راجعت كتاب المدرسه واجابه كتاب التقويم لقيت الاجابه صح هى منخفضه
وبرافو برافو برافو عليكم تلاته برافو
ومن غير حاجه انا بذاكر من كتاب المدرسه يا صديقى
وبعدين ايه ده الناس بتدخل من غير ماتسيب فلوس انا كده معايا جنيه وربع
يجدعان هاتوا من تحت البلاطه بقى