ثمن النتيجة غالى

[الدهمشاوى]

فعلاً ثمن النتيجة غالى جداً الطالب عندما ينتظر نتيجته قد ينتظرها يوم واحد أو اثنين على الأكثر
أما المدرس ازاى لزم نحرق دمه يقعد منتظر النتيجة وينتظرها بشغف كما لو كانت ستدخله الجامعة من جديد

هى دى هيبة المعلم اللى بيبحثوا عنها وعايزين يحققوها
هو ده الأمان والتركيز اللى بيوفروه للمعلم علشان يركز مع الطلبة

ده كله تشتيت للمدرس

ناس بتقول ان سبب تأخير النتيجة هو المدرسين اللى زوروا
أنا رأى الخاص بى ولا أحجر الرأى عن أحد :
اللى زور يأخذ عقابة وياجماعه أنا لا أتشفى فى أحد
الموضوع مش مستحيل إن المدرس يأخذ تربوى وأى سى دى ال
نعم هو ظلم ولكنه ليس مستحيل بدليل إن معظم زملائنا بدأو يأخذوا التربوى ودورة الكمبيوتر
كيف نساوى بين من أخذهما من فترة ومن يجاهد الآن ليأخذهما وبين آخرين نايمين فى العسل وزوروا علشان يأخذوها

وبعدين معرفة التزوير من عدمه ليس بالأمر الصعب على الأكاديمية انها تكتشفه بسهولة وبسرعة
ولكن ازاى لازم نحرق دمهم ونتعب أعصابهم ونزلهم لمكانة أقل من الطالب بمراحل كثيرة

عرفتوا إن الثمن غـــــــــــــــــــــــــــــــــــــــــــــــــ ــــــــالــــــــــــــــــــــــــــــــــــــــ ـــــــــــــــــــى

[احمدابوالقاسمالقاضى]

حسبنا الله ونعم الوكيل

[مستر مصطفى حجازي]

عشان كل مدرس يقدر شعور الطلبة في الانتظار واهو كله تعليم

[roosy]

لا مش سهل يا استاذ دهمشاوى احنا 72 الف متعاقد مش عدد قليل
ثم اصبر ان شاء الله خير

[محمد ابوصلاح]

غالي ولا رخيص كلنا عارفين كده من زمان مش اول مرة

[vip_ame]

بصراحة الموضوع بقى ممل اوى وعامل زى النكتة البايخة

كل يوم وااحد يطلع يقولك كلمت مش عارف مين وقالى النتيجة بعد كام يوم

شوية واحد تانى يطلع ويقولك انتوا السبب فى تأخير النتيجة

والله الواحد ززهق اصلا من الناس دى

لاعارفين ياخدوا قرار ولا عارفين يعملوا حاجه

مجرد مناصب عل الفاضى

لما يبقى السيد الاستاذ الدكتور رئيس الاكاديمية بجلالة قدرة مايعرفش النتيجة هاتطلع امتى ولا يعرف ايه اللى هايحصل بعد ما النتيجة تطلع - امال مين اللى المفروض يعرف

ده حتى وكلاء الوزارات مايعرفوش اى حاجه بيستنوا نشرة تجيلهم علشان يتصرفوا

يبقى هى دى اللامركزية اللى خاوتينا بيها

ولا الامركزية دى فى الفلوس وبس؟؟

ربنا يرحمنا من الناس دى يارب

ويولى من يصلح لان يكون فى المنصب