معلموا سوهاج محرمون من الكادر

[سيد سيد سيد]

إلى السيد الوزير
معلمي محافظة سوهاج محرمون من الكادر بقرار من السيد وكيل الوزارة بحجة النصاب طيب ليه المدارس اللى المدرسين فيها واخدين اكتر من النصاب فى الحصص متصرفش الكادر وهل يعقل تعليق الكادر وإحنا فى أمس الحاجة إليه كذا شهر حتى السادة البهوات ميخلصوا موضوع النصاب ونقل الزيادات فى المدارس طب إحنا ذنبنا إيه

[أ\سلوي]

عمار يا مصر

[عبدالهادى محمد]

يعنى هل سوهاج من كوكب المريخ ولا ايه حكاية محافظ سوهاج هل سيادته يريد ان يستقيل ولا وكيل الوزارة اصبح دكتاتور ولاهو يقرب لمستشارى الجمل الله يرحمه وينظف باقيهم من الوزارة ولاايه الحكاية

[الامل الغالى]

السلام عليكم

فرحة وماتمت خدها الغراب وطار ضاع الكادر بين المحافظ و وكيل الوزارة

مفيش حد عاوز ياخد قرار الكل خايف طيب احنا واخدين اكتر من تانصاب القانونى

ايه زنبنا الرحمة يا سيادة الوزير

[النزيه11]

الدروس الخصوصيه تعوض

[حكيييمة]

نطالب السيد الوزير بارسال لجنة تقصى حقائق التى سيظهر لها جليا ان الزيادات من المدرسين موجودة كلها فى مدارس مدينة سوهاج وعواصم المراكز وجميعها تاشيرات من السادة المحافظين ووكلاء الوزارة بالاضافة للقومسيونات الطبية المزورة هذة جميعها جعلت فئة معينة من المدرسين تاخذ دور ومكان غيرهم الاحق منهم
ولذلك ولما سبق نطالب باخراج هؤلاء من المدينة فورا احقاقاا للحق
جميع مدن ج م ع بها اعداد مؤهولةمن زيادات المدرسين المنيا اسيوط طنطا المنصورة.........
نطالب 24 نائب بمجلس الشعب وهم نواب سوهاج بالتدخل لحل المشكلة اين هم من هذة المشكلة ونذكرهم الانتخابات على الابواب

[وليد سرحان]

نواب ايه يا عم لما تقرب الانتخابات تبقي تشوفهم
ووكيل الوزارة مش فاضيلنا
حتي مدير الادارة بيتكبر علينا
حسبنا الله ونعم الوكيل

[عصام البنا]

يا جماعة انا سمعت النهاردة ان الموضوع اتعلق لاخر السنة دي ، ولو هيتطبق يبقي من السنة الجديدة
لكن لغاية دلوقتي مرتب يناير من غير كادر

[الشادى افندى]

وانا ايسمعت ان الموضوع تم تأجيله الى نهاية العام ومرتب فبراير حيكون بالكادر واللى عنده خبر اكيد او نشرة يقولنا

[الشادى افندى]

وانا اسمعت ان الموضوع تم تأجيله الى نهاية العام ومرتب فبراير حيكون بالكادر واللى عنده خبر اكيد او نشرة يقولنا

[اليوسفي]

الف مبروك لا مساس بالكادر محافظة سوهاج وشكراً لمعالي الوزير المحافظ و شكرا لوكيل الوزارة

[حكيييمة]

اخى ابو الرداد اخبارك دية بتجيبها منين احنا لغاية دلوقت ماشفناش نشرة رسمية باكتمال النصاب او منع الكادر ولو فى نشرات رسمية ياريت تتكرم وتنشرها هنا فى المو قع
لانى اعتقد انى لو فى حاجة رسمى كانت اطبعت وارسلت لجميع مدارس المحافظة لكى يوقع عليها حميع المدرسين بالعلم وحتى يتحمل كل واحد مسؤؤلية نفسة
لكنى اعتقد ان كل دة تعليمات شفهية من رضا ابو سريع مسستشار الوزير ولانى احمد شمخ يحب يرضية علشان يظل فى منصب وكيل الوزارة فى سوهاج نفذ التعليمات الشفهية مباشرةترضية لرضا ابو سريع

[اليوسفي]

انا سمعت من مدير التطوير يوم الخميس الماضي و كنت مع موجهى التربية الاجتماعية و تم توزيع الاخصائيين الاجتماعين

[mabakhit]

مفيش كادر حتى في شهر فبراير الموضوع وف يناقش في مجلس الشعب يوم الثلاثاء 16 فبراير من طلب مناقشة عاجل قدمه نائب المراغة محمد محمد عبد الرحمن انا شوفت نصه الى السيد الاستاذ الدكتور رئيس الوزراء والسيد الاستاذ الدكتور زير التربية والتعليم
1 - ما ذنب المعلم في حرمانه من بدل المعلم بعد أن تقدم للامتحان ونجح
2 - من المسئول عن سوء التوزيع المعلمون أم جحافل المديرية والأدارات والعدد الغفير من الموظفين بلا عمل
3 - هل يعقل أن مدير المدرسة يستطيع تنسيق المعلمين ومن يحصل على نصابه من عدمه
4 - ما دور التوجيه ؟ وأين إدارات التنسيق ؟ وما دور ميرالإدارة ؟ وماذا يعمل التوجيه المالي واإداري؟
5 - لماذا لم يعد الموضوع بدقة حيث شكلت لجنة من كل إدارة تبحث كل مدرسة وتحدد النصاب والزيادة والنقص ثم ترفع للسيد مدير الإدارة حيث تنسق وتحدد الزيادة والنقصان في كل إدارة ثم ترفع للسيد وكيل الوزارة
6 - هذا التنسيق كان يجب أن يتم اولا ثم يقف صرف الكادر لمن لا يستحق
7 - ماذا يفعل المعلم الذي نسق حياته على ذلك وهو يحرم من نصف راتبه في بعض الحلات

[مرفت77]

اغلب المدارس فيها زيادات فى المدرسين
فهل المدرس اللى ماهوش نصاب او حصص
مايخدش الكادر واذا اتسد العجز فى المدارس
الاخرى وفى زيادة فى المدرسين
هياخدو الكادر ؟ ايه موقفهم من الكادر