مدخل لدراسة التاريخ الفرعوني

[دوكتور تامر]

مدخل لدراسة التاريخ الفرعوني

*ياترى تعرف اية عن التاريخ الفرعوني ؟؟؟؟؟؟؟؟؟؟
*ومين هما الفراعنة دول وكانو بيتكلمو ازاي؟؟؟؟؟؟؟؟
* ولغتهم دي اسمها ايه ؟؟؟؟؟؟؟؟؟؟؟؟؟؟؟؟؟؟؟
* وكتابتهم عرفناها ازاي؟؟؟؟؟؟؟؟؟؟؟؟؟؟؟؟
* وهل ياترى الكتابة دي لسة موجودة دلوقتي والا لأ ؟؟؟؟؟؟؟؟؟؟؟؟؟؟؟؟؟؟؟؟؟؟

أسئلة كتيرة وغيرها من الاسئلة هنحاول نجاوب عنها عشان نعرف احنا بندرس ايه

* م الأول كده الفراعنة دول ناس كانو عايشين في مصر من كام الف سنة وعملو حضارة عظيمة لسة لحد دلوقتي الناس بتتكلم عنها ومبهورة بيها
* طب لغتهم اسمها اية ؟؟؟؟؟؟؟؟؟
ده سؤال كويس : الفراعنة كانو بيسموا لغتهم عدة اسماء منها ( لسان مصر) أو(فم مصر )
أو ( كلام مصر ) أو (كلام اهل مصر) كمان اتعرفت باسم( كلام الاله).
ولازم دلوقتي نصحح خطأ
· معظم الناس بتسمي اللغة المصرية القديمة باللغة الهيروغليفية &&&&&&&&
وده خطأ كبير بيوقع فبه معظم الناس فالهيروغليفية خط وليس لغة
* وعشان نسهل الموضوع ممكن نعمل مقارنة باللغة العربية لغتنا دلوقتي فهي لغة واحدة اتكتبت بعدة خطوط منها النسخ والرقعة والكوفي وغيرها من الخطوط وعشان مينفعش نقول ع اللغة العربية اللغة النسخ او اللغة الرقعة او اللغة الكوفي ؛ فلا يمكن كذلك ان نشير الى خطوط اللغة المصرية على انها لغات فهي لغة مصرية واحدة اتكبت باربع خطوط :

الخط الهيروغليفي – الخط الهيراطيقي – الخط الديوطيقي – الخط القبطي

* هذه الخطوط الاربعة مظهرتش كلها في وقت واحد ولكن جاءت في اوقات مختلفة فالخط الهيروغليفي اقدم الخطوط وتم تبسيطة بالخط الهيراطيقى ثم الديموطيقي فالقبطي.


* طب السؤال المهم احنا عرفنا اللغة دي ازاي وعرفنا خطوطها الاربعة كمان ازاي
* الاجابة طبعا من خلال حجر رشيد؟؟؟؟؟؟؟؟؟؟؟
* طب ايه حكاية حجر رشيد ده ؟؟؟؟؟؟؟؟؟؟؟؟؟
# حجر رشيد عبارة عن حجر من البازلت تمت كتابتة من زمان اوي حوالي عام 196 ق.م في عهد الملك بطيموس الخامس اللي كان بيحكم مصر وقتها. وفضل الحجر مستخبي محدش يعرف عنه حاجه لحد سنة 1799 م لما عثر علية احد جنود الحملة الفرنسية اللي كنت جاية تحتل مصر بقيادة نابليون. والجنود شافو الحجر وهما بيحفروا خندق حول قلعة سان جوليان بالقرب من رشيد احدى مدن محافظة البحيرة ( بالمناسبة ولو انه مش موضوعنا البحيرة دي محاظة محمد ناجي جدو هداف المنتخب المصري ) واما الانسان الذي فك رموزة هو العالم شمبليون
* ومن حسن حظ الحضارة المصرية ان الكشف عن حجر رشيد عام 1799 هو اللي خلانا نعرف تاريخ الفراعنة ولغتهم واللي لولاه لظلت الحضارة المصرية غامضة لانعرف عنها شيء
* وحجر رشيد دلوقتي موجود في المتحف البريطاني من البازلت الاسود ارتفاعة 113 سم وعرضة 75 سم وسمكة 27 سم .
وفي عام 1822 اعلن شمبليون على العالم انه تمكن من فك رموز اللغة المصرية القديمة ومن وقتها واحنا قدرنا نعرف تاريخ المصريين القدماء واللغه المصرية وكتابتها.

اللغه المصرية القديمة في لغتنا العامية

* كتير منا بيتكلم بالعامية وميعرفش أصل هذه الكلمات وهيندهش كتير منا لو عرف ان اصل معظم الكلمات العامية من 6 الاف سنه يعني العصر الفرعوني!!!!!!!!!!!!!!!!!!!!!!!!!!!!
وكتير من الكلمات الهيروغليفية لسة لحد دلوقتي موجودة في حياتنا وبنتكلم بيها!!!!!!!!!!
ومن الكلمات دي
"عم ياجمل" كلمه هيروغليفية معناها " التهم ياجميل
" سي " تعني سيد
"ست" تعني سيدة " واوا" تعني الم
" دح" تعني سمن " مدمس " يعني فول
"بيصارو" يعني بيصارة " بتاو " يعني عيش صعيدي
" كاني وماني " يعني سمن وعسل " امبو" يعني ماء
"واد " يعني ولد " بخ " يعني عفريت
"يتحمأ" يعني يغضب " الخيبة" تعني التقصير والعجز
"شامورت " تعني دجاجة " حتتك بتتك" تعني حتى الجلد والعظم
"ملوكية " تعني ملوخية " رخي رخي " تعني انزلي انزلي
"اوروجوز" تعني اراجوز " ياحمتي " تعني ياحزني
" تاه" تعني ضاع " مزأطط " تعني فرحان
"شونة" تعني مخزن " قوطة" تعني طماطم
"بسارية" تعني نوع من السمك الصغير " بلاص" تعني جرة ماية
"شبورة" تعني ضباب " صهد" تعني نار شديدة
"فوطة" تعني منشفة " نونو" تعني طفل صغير
"طرابيزة" تعني منضدة "هوسه" تعني اصوات كثيرة
"لبشة" تعني حزمة " شويه" تعني قليل
"دردشة" تعني الكلام الكتير بلا فايدة " سك" تعني اقفل
"تفتف" تعني بصق " اديني" تعني اعطني
"دادا" تعني مربية "سخ سخ" تعني اغمى عليه
"بأف" تعني حيوان " تارللي" تعني معتوه
"لكاك" تعني كتير الكلام " نطع" تعني ثقيل الظل
"مهياص" تعني دجال " لكع " تعني كسول
"مرمطة" تعني ألم "تهته" تعني تلعثم في الكلام
"مام" تعني طعام " شأشأ" تعني طلع النهار
"اتكعور" تعني وقع "وش" تعني زاد في الكلام
"شلوت" تعني الضرب بالقدم " أمر العيش" تعني سخن العيش
"بح" تعني خلاص " بشبش" تعني بلل
"فشفش" تعني فتت او كسر " بعبع" تعني عغريت
"تاتا" كلمة تقال لتعليم الطفل المشي " فالوط" تعني حمار
************************************************** *************
ياترى فهمت حاجه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لو فهمت قولي فهمت اية !!!!!!!!!!!!!!!!!!!!!!!!!!!!!!!
ولو مفهمتش حاجة أو عايز تعرف حاجات كتير تاني كلمني وانا اقولك !!!!!!!!!!!!!!!!!!!!!!!!!!!!

فقط وحصريا مع د / تامر البب في مركز الصفوة