بالله عليكم ساعدونى انا فى مشكله كبيره (( موضوع خاص بالثانويه العامه ))

[mohamed 3000]

السلام عليكم

بالله عليكم ساعدونى


هى استمارات الثانويه العامه اتعملت ؟؟؟



انا فى المرحله الثانيه من الثانويه العامه لثانى مره

وكان عندى ظروف العام الماضى ومش حضرت امتحان اللغه العربيه 2

وهمتحنه السنه دى وقالولى انى هعمل استماره جديده

روحت المدرسه قبل اجازه نصف العام قالولى ان هعمل الاستماره فى المدرسه فى الترم الثانى

ودلوقتى قريت ان

تسليم أرقام الجلوس لطلاب الثانوية العامة ٢٠ فبراير

وانهارده 21 فبراير

هم كده عملو الاستمارات والسنه دى ضاعت عليا ولا ايه انا مش قادر اتمالك اعصابى

وبيقولو كمان ان فى امتحان تجريبى

امتحان تجريبي للثانوية العامة.. خلال أسبوعين

طيب اذاى انا معرفش اى حاجه ولما روحت سالت فى المدرسه مش قالو اى حاجه عن الامتحان


بالله عليكوا سعدونى وفهمونى الوضع ايه

[soso_love]

بص هو انا فى سنة تانية بس لغاية دلوقتى ارقام الجلوس ما اتسلمتش
فى مدرستى لسة ما ملناش الاستمارات
بس فى زمايلى ولاد فى الدرس ملوا الاستمارات خلاص

والامتحان التجريبى دة اعتقد كمان اسبوعين بس طبعا درجاته مش هتضاف على على اخر السنة ودة صحباتى قالولى عليه لكن مشفتش اى مدرس بيتكلم عنه لغاية دلوقتى

[kingtiger]

مصراوى -خاص - قرر الدكتور أحمد زكي بدر وزير التربية والتعليم اجراء امتحان تجريبى لطلاب الصفين الثانى والثالث الثانوى على مستوى الجمهورية لتدريب الطلاب على أجواء الامتحانات وسيتم وضعها وفقا للمعايير والمواصفات التى يضعها المركز القومى للتقويم التربوى والامتحانات .

وأوضح أن الامتحان سيرسل لجميع المدارس ويعقد خلال الفصل الدراسى الثانى وهو شامل لمناهج الفصل الدراسى الأول وسيصحح ويقيم من قبل الخبراء وذلك للوصول إلى أفضل المعايير والمواصفات للورقة الامتحانية .

وعلى صعيد متصل قال وزير التربية والتعليم تعليماته إنه سيتم إرسال جدول مقترح لجدول امتحانات شهادة الثانوية العامة لجميع المدارس لتوزيعه على الطلاب لإبداء الملاحظات والمقترحات لتحقيق الصالح العام وتتضمن رغبة الطلاب فى استبدال مادة محل مادة أو يوم محل يوم مع الالتزام بمدة أيام الامتحان وذلك لإتاحة فرصة فترة أطول للتصحيح والمراجعة بالنسبة للورقة الامتحانية .

يذكر أن بدر أصدر تعليماته لجميع المديريات التعليمية بضرورة الإلتزام الكامل بالمواعيد التى حددتها الوزارة لتحديد استمارات التقدم لامتحانات الثانوية العامة والتى بدأت 20 فبراير الجارى وتستمر حتى الخميس 4 مارس .

ومن المقرر أن يتم تسليم تلك الاستمارات من قبل المدارس إلى لجان النظام والمراقبة يوم 11 مارس القادم ولن تقبل استمارة تسلم بعد الموعد المحدد ،كما تم تحديد آخر موعد لتعديل الطلاب لمواد الاختبار يوم 18 مارس القادم وكذلك آخر موعد للتقدم لامتحانات المستوى الرفيع والقدرات يوم 18 من نفس الشهر، حيث أنه لا تعديل أو تقديم استمارات بعد تلك المواعيد ولن يسمح لاى طالب بأداء الامتحان ما لم يكن قد تقدم باستمارة تقدم للامتحانات فى المواعيد المحددة أعلاه .

[reves]

لا متقلقش ان شاء الله خير
عن نفسى احنا لسة هنكتب الاستمارات الاسبوع الجاى
بس الاستمارات تقريبا موجودة فى المدارس كلها
بس موضوع الامتحان دة مفيش اى استاذ بيكلمنا فية خالص
بس اطمن خييييييييييييييييييييييير باءذن الله بس قولوا يارب