لأ دى اسمه استعباط بقى ..!! عفوا رساله غضب

[واحده من الناس]

السلام عليكم

ازيكوا ياجماعه .. يارب تكونوا كويسين ومحدش يكون زيى

استحملونى شويه وسبونى أخفف عن نفسى ولو حتى بالكتابه

بجد بجد أنا اتخنقت

مش عارفه ايه اللى بيحصل حوليه دى

كل شويه قرارفى قرار فى قرار

وياريت فيهم حاجه عدله .. الا كلها أخبار تصد النفس وتجيب احباط

الناس عماله تصدر قرارات وفرمانات على حسابنا

تحت مسمى _________(( تطوير مستوى التعليم )) ___________

ياسلااااااااااااااااااااااااااام التعليم يتطور واحنا نتدمر

ايوه دمار على الاقل دمار نفسى قبل ما يكون مادى

عندى كذا سؤال لو سمحتوا ومحتاجه اجابه

____________________________

1-جدول الامتحانات المطروح اللى عاوز الامتحانات تبقى ورا بعضها على طول واللى لو قارناه بجداول السنين اللى فاتت هنلاقى شتان ما بينهم وما بين جدولنا ...؟؟ ليه يعنى .. دى على أساس اننا عباقره المستقبل ومش محتاجين وقت على الاقل نراجع أو ننام فيه ...؟؟ ولا على اساس ان الدفع اللى قبلنا دى كان مستواها وحش ..؟؟ولا هما بيقولوا نجرب لو نفع اوكى .. ولو منفعش يبقى خلاص نرجع ريما لعادتها القديمه السنه الجايه ؟؟

2- موضوع الامتحانات التجريبيه دى .. ايه حكايته ... ماشى هو خطوه ايجابيه جدا محدش اعترض __لكن __
هما بيقولوا ان الامتحان دى هيقيم مستوى الطالب .. ماشى دى جميل .. كمان بيقولوا انه هيعطى للطالب فكره عامه عن مواصفات امتحانات الفينل .. حلو قوى ... غير كده بيقولوا انه هيخلى الطالب يذاكر أكتر ... عظيم ... لكن
عاوز تجيب خطوه ايجابيه يبقى يأما تنفذها صح ياما متنفذهاش .. صح ولا أنا غلطانه؟؟
دلوقتى القرار النهائى اللى نزل النهارده الثلاثاء 9/3 ان هيكون فى امتحان تجريبى يوم السبت13/3 .. ياسلام .؟؟؟
عجبت لك يازمان بتكلم طالب ثانويه عامه وبتقوله عندك امتحان كمان اربع ايام ؟؟؟ هههههههههه والله فعلا الزمان دى بقى ماشى بالمقلوب دى لو فى اعدادى مش هيلحق يذاكر خمس مواد من العيار التقيل ؟؟؟
لأ وايه لسه مقلوش لحد فين فى المناهج ولا حتى جدوله ...؟؟وكل شويه حد يقول دى هيخدوا نسبه 1% من النهائى ؟؟؟ والله منتهى الاحباط اللى فى الدنيا

3-الغاء امتحان القدرات لدفعتنا ..... ايه السبب ؟؟ واشمعنا السنه دى ..؟؟ وليه التغير دى مكنش من زمان ...؟؟ وايه موضوع ان امتحان القدرات اللى يحكم على طالب عمال طول السنه عينه طالعه علشان يجيب مجموع يدخله الى هو عاوزه وفى الاخر ..... طبعا انتوا عارفين (الجنيه غلب الكارنيه)؟؟؟

4- احنا ذنبنا ايه من كل دى .. كنا قتلنا ليهم قتيل وبينتقموا مننا

دى بعض النقاط أما لو رجعنا ورا شويه نلاقى سنه 6 اللى ضيعن سنه من عمرنا فى الفاضى

................................؟؟؟؟ وبعدين

معلش صدعتكوا شويتين بس المفروض اننا فى مركب واحد ومفيش حد بعد ربنا هيسمعنى غيركوا

بجد أنا متضايقه جدا ومعدتش طايقه افتح كتاب

وياريت حد يقولى هو أنا لوحدى اللى كدا ولا فى حد زيى ؟؟؟

وشكرا ليكوا

السلام عليكم

اللهم وفقنا لما تحبه وترضاه