إحنا غلابة قوى

[راغب السيد رويه]

يااااااااه دا احنا غلابة قوى بعد ثلاثين سنة فساد وظلم مافيش دليل إدانة واحد ضد مبارك واقتراب حكم البراءة له ولنجليه
مش عارفين ناخد أبسط حقوقنا
هل كما يقولون أننا حققنا أعلى إنجازات فى عهد سيادته:-
أعلى معدل إصابة بفيرس سى
أعلى معدل بطالة
أعلى نسبة سرطان
أعلى نسبة أطفال تعمل دون بلوغ السن القانونى
يعنى خلاصة ثلاثين سنة ..................
مافيش.......
الظاهر إن احنا شعب فقرى مالوش فى الطيب نصيب
وهايطلع الشعب الغلبان هو اللى قتل المتظاهرين واستولى على المال العام ودمر البنية التحتية وعتم على العولمة وقطع الاتصالات والنت ومن حق مبارك يرفع علينا قضية تعويض ويحكمنا ثلاثين سنة كمان لسه عمره طويل كما قال لمحاميه فريد الديب لما قاله المحاكمة هاتخلص امتى يافريد
قاله ماتخافش ياريس المحاكمة شغالة إلى أن يتم قضاء الله
قاله ماتقولش كده يافريد ربنا يديك طولة العمر