اسمعو وعووووووووووووووووو

[سومية عمر]

بسم الله الرحمن الرحيم


السلااااااااااااااااام عليكم


ازيكو ياجماعة انا جاية انهاردة بصفتى مس واللى مش هيسمع كلامى هينضرب بالعصاية وهيتركن فى اخر المنتدى ويرفع ايده لفوق


ندخل على الجد بقى


بصوا ياجماعة فى كلام احنا بنقوله واحنا مش عارفين الكلام ده
بيطلعنا عن الاسلام


اه وربنا ماببالغ
الكلام ده مينفعش يتقال


نبتدى بسم الله


الحلفان لغير ذات الله


يعنى زى
والنبى
والنعمة
والعشرة الكرام
والكعبة
وحياة ابوك
ورحمة امى
والقران


الرسول قال من كان حالفا فليحلف بالله او ليصمت


والرسول برضه(ماتصلى عليه) قال من حلف بغير الله فقد كفر او اشرك


اضاءة قبل ماتكتب الكلام ده فكر مرة واتنين وتلاتة لانه بيفصل بين الشرك والكفر والايمان


انتهى الدرس الاول
ومافيش فسحة ولا بريك
اصل انا مس شريرة


على الدرس التانى على طول


لما حد يموت ونقول المرحوم او الشهيد
ماينفـــعش لان احنا منعرفش واللى كان بيقلنا النبى والنبى خلاص مش موجود مابينا يبقى ينقول الله يرحمه او نحتسبه من الشهداء


وعلشان تعرفوا انى مس طيبة انا مش هديكوا الا الحصتين دول دلوقتى والبقية جاية بس عشان محدش يدعى عليا


الواجب


منا طيبة انما مش عبيطة يعنى هتطلعوا من غير واجب


الواجب بقى ان محدش يحلف بغير ذات الله لانه حرام الهى يارب اشوف حد كاتب والنبى دى او اى حلفان هملصلكوا ودانكوا


بجد ياجماعة نفتح عنينا ونحاول نتبع حاجات بسيطة قالها لينا الرسول عشان نبعد نفسنا من ذنوب كبيرة اوكى


وانى اتسائل (يعنى بستفهم واتعجب)


ايه اللى جاب كل الالفاظ الحرام لينا؟؟؟
وازاى ماوقفتش؟؟؟؟
وانت هتعمل ايه عشان توقفها؟؟؟؟



ابتدى بنفسك وانصح كل اللى حواليك
واول متشوف حد حلف بغير الله او انت نسيت وحلفت قول لا اله الا الله او انصحه انه يقولها


فصل شاااااطر واللى هيسمع الكلام هياخد جايزة
يلا سلاااااااااااام

__________________

لا تحزن يا اقصى

اللهم احفظه من اليهود يارب العالمين






لومهما عملوا فيكى
لو دمروا اراضيكى
راح تبقى مجد الامة
والاقصى باقى فيكى




(وقال الشيطان لما قضي الامر ان الله وعدكم وعدالحق ووعدتكم فاخلفتكم وما كان لي عليكم من سلطان الا ان دعوتكم فاستجبتم لي فلاتلوموني ولوموا انفسكم ما انا بمصرخكم وما انتم بمصرخي اني كفرت بما اشركتمون من قبل ان الظالمين لهم عذاب اليم

[أريــــ الجنة ــــد]

ربنا يبارك فيكي حبيبتي