ممكن مساعدة من طلاب الثانوية العامة واللي عدوا عليها.؟؟؟؟؟؟؟؟؟؟؟

[eve deen]

السلام عليكم ورحمة الله وبركاته ....احب اعرفكم بنفسي انا دينا في تانية ثانوي وده اول طلب مساعدة ليا في المنتدى واتمنى حد يساعدني .....انا حاكتب مشكلتي واتمنى حد يساعدني برأيه او اقتراحه .........انا مشكلتي اني اهملت مذاكرة العربي والكيمياء من بداية السنة لكن الباقي ماقصرتش فيهم الحمد لله ...........العربي في دروس متراكمة عليا كتير فيه .............. اما الكيمياء بقى فمن الباب التاني وانا مذاكرتش ولا فتحت ملخص وحليت فيه وبحس ان المذاكرة والحل في الملخص بياخد وقت كبير ........هل المشكلة بتاعة وقت الكيمياء دي عندي انا بس ولا الاغلبية زيي عشان اعرف بس اذا كان الغلط من عندي واقدر اصححه ان شاء الله...."" يعني طلبي باختصار مذاكرة درس عربي وحل تمارين عليه بياخد وقت بمعدل كام ؟ ومذاكرة باب كيمياء وحل كل الاسئلة عليه في ملخص زي الامتحان بيقسم الوحدة 3 دروس او 2 وفيهم اسئلة كتيرة بيبقى وقت الحل والانتهاء منه بمتوسط كام ؟ "" ...........واتمنى حالكم يكون احسن من حالي في المذاكرة وربنا يحققلكوا هدفكم ..........والحمد لله على كل حال .............وشكرا.

[د / الشيماء]

بصى يا قمر
موضوع المادة بتاخد كام وقت فى المذاكرة دا بيرجع على حسب قدرة كل شخص على الاستيعاب وعلى حسب المادة والكم اللى هتذاكريه فيها
ثانيا : اهم حاجة انك تحلى اسئلة بعد ما تذاكرى اى مادة دى اهم حاجة لانها بتثبت المعلومات وبتحاولى تقيمى نفسك واللى انتى فهمتيه
نصيحتى انك لازم تحلى كل اسئلة الامتحان بتاع الكيميا ومتسيبيش سؤال من غير ما تكونى عارفة اجابته
وربنا يكرمك يا رب ويوفقك

[eve deen]

شكرا على ردك وربنا يوفقك........

[samar saad]

فعلا انا مع راى الشيماء مهم جدا انك تحلى اسئلة كتير اوى وحاولى تنجزى الشهر ده عشان ترتاحى بعدين
واكيد طبعا لسة ماخلصناش المناهج بس خدى الجديد وراجعى حته من القديم انا بعمل كده والحمد لله مرتاحه ربنا معانا جميعا يارب

[dr\villa]

انا مش فاهم ,, ايه المشكله بالظبط
بس الموضوع ابسط مما تتخيل !! انت حاول بس تنظم وقتك
واللي فات ..فات وابدأ من اول وجديد ( ولو بدأت من دلوقتي وانت ماذاكرتش حاجه خالص ..هتلحق تخلص وتراجع كمان)

بالتوفيق ان شاء الله