رأى الموقع بخصوص تعديل الجدول

[gomaa]

<div align="center">بسم الله الرحمن الرحيم </div>

السيد الأستاذ الدكتور//وزير التربية والتعليم

<div align="center">بعد التحية </div>

فهذا هو تقرير موقع الثانوية العامة عن جدول الإمتحانات المقترحة من الوزارة وذلك بعد السماح للهيئات العلمية المعنية ولطلاب المدارس بإبداء أرائهم حول صورة مناسبة للجدول متوافق عليها.ولمّا كان موقع الثانوية العامة أحد الهيئات المعنية بتقدم التعليم فى مصر .إقتناعا" منه بأن التعليم هو أساس كل تقدم ورقى فى المجتماعات العصرية .كان لابد أن يلبى دعوة الوزارة
بإجراء طرح للجدول على الموقع وإستبيان رأى طلاب الثانوية فى هذا التغيير. وعمل بحث بين طلاب الثانوية فى المدارس لمعرفة رغبة الطلاب فى التعديل .وقد توصلنا بعد ذلك إلى الأتى:-
1- الواضح من الجدول أن اللغة الفرنسية واللغة الإنجليزية بالمرحلة الأولى متواليتان
* الخميس 14/6: اللغة الأجنبية الأولي "ثلاث ساعات".
* الأحد 17/6: اللغة الأجنبية الثانية "ثلاث ساعات".
ونظرا" لأن هناك كثير من التشابه بين اللغتين فأنه يحدث تداخل كثير حيث يعبر الطالب عن بعض الكلمات فى اللغة الإنجليزية باللغة الفرنسية والعكس وهذا يوقع الطالب فى خطأ .ووجود المادتين متواليتين سوف يزيد من وقوع الطلاب فى هذا الخطأ.
لذلك نرجو وضع إمتحان مادة غير لغوية أو أكثر على سبيل فاصل ذهنى يمنع تداخل المفردات اللغوية
ليكون عقل الطالب غير مزدحم بالكلمات المتشابهة بين اللغتين الإنجليزية والفرنسية
ويقع فى خطأ إستخدام أحدهما مكان الأخرى .مع الإحتفاظ بالمدة الزمنية التى تسبق كلا" منهما بدون إمتحان .
2-باقى الجدول مناسب جدا" ومتميز .

مما سبق فأن ما نطمح له هو فقط التغير المشار إليه .

<div align="right">ولسيادتكم جزيل الشكر ووافر التحية </div>
<div align="center">موقع الثانوية العامة </div>

هذا نص التقرير المقدم من الموقع للوزارة فأرجو من أعضاء الموقع إبداء أرائهم فيه
ولكم جزيل الشكر والتقدير

[dr.zomba]

السلام عليكم ورحمته الله وبركاته
اذي حضرت يا استاذ جمعه
انا بشكر حضرتك علي التقرير الحلو ده
بس في حاجه الفتره بين الانجليزي والماده الي قبلها مش كافيه
يعني ياريت لو تكون مثلا 3ايام
وقبل الالماني او الفرنساوي يومين
وغير كده في ناس كتير في تالته معترضين علي حاجات في الجدول
واتمني انهم يدخلوا يقولوها
ده اقتراحي
وشكرا جدا علي التقرير مره تانيه

[محبة الله]

السلام عليكم
شكرا حضرتك يا مستر انك مهتم بالجدول
بس الفترة اللى قبل الانجلش مش كفاية
وكمان قبل اللغة التانية مش كفاية نهائى دى مادة عليها 50 درجة يعنى نفس درجة الكيمياء
حتى على الاقل يباه قبلها 3 ايام
وبردو التفاضل والمثلثات ازاى مدتهم تباه زى مدة التربية الدينية؟
ساعتين بس؟
معلش ياريت حضرتك تعيد النظر فى الموضوع دا
وشكرا لحضرتك مرة تانية
السلام عيكم

[جميله]

يعني ده حضرتك رأي الوقع الاخير ولا ايه

انا صحيح مش ثانويه عامه بس انا (تألمت ) من جدول رياضه 2

هو صحيح كل سنه سئ بس الجدول ده بصراحه مفيش اسوا من كده

لما يبقى 4 مواد ( تقيله ) في اسبوع واحد يبقى جدول ممتاز

كل واحده منهم محتاجه 4 او 5 ايام قبلها يبقى كويس اوي

ورد الموقع على جدول تانيه بس

2-باقى الجدول مناسب جدا" ومتميز .



ربنا مع طلبه رياضه

هيفضلوا طول عمرهم مظلومين

مناهج و جدول وامتحانات و تنسيق

حسبي الله و نعم الوكيل

[gomaa]

أولا" متشكر جدا" على ردودكم
ثانيا" هذا الرد قابل للتغير حتى يوم الأثنين ليلا"
وذلك بناء" على ردودكم هنا
وفى النهاية سأكتب التقرير النهائى حتى يقدم للوزير يوم الثلاثاء بواسطة مدير الموقع
وذلك بناء على طلب منه
ثالثا" هذا التقرير بناء على رأى كثير من الطلاب وليس من إقتراحى

ومنتظر مشاركتكم

[وفاءمنصور]

انا طالبه فى ثالثه ثانوى علمى رياضه
لا طبعا اناغير موافقه على وضع الاحصاء والاقتصاد خلف الميكانيكا بفارق نصف يوم استحاله

[نمر الثلوج]

لم تكتبوا شىء عن الفيزياء التى اصبحت مدة ما قبل الامتحان يومين فقط و كانت ثلاثة العام الماضى

[عبقرينومان]

جزاك الله خيرا يا استاذ جمعه على التقرير
وان شاء الله نسائلك الدعاء في لقاءنا مع سيادة الوزير والمسؤولين يوم الثلاثاء
وان شاء الله بوعد الجميع بالتعديل المقترح في الجدول

[gomaa]

شكرا" جزيلا" لكم
وشكرا" لك يا أستاذ أشرف
وياجماعه قولوا كل طلبتكم ونعملها فى التعديل الأخير
بخصوص الرياضة والفيزياء ماشى

[كريم السايح]

حرام عليكم الظلم البين فى جدول ثالثه ثانوى رياضه
فيزياء قبلها يومين اقتصاد واحصاء قبلها نصف يوم
جدول ينتهى 21/6 وباقى الجداول تنتهى اخر الشهر
حـــــــــــــــــــــــــــــــــــــــــــــــــ ــــــــــــــــــــــــــــــــــــرام

[samar16]

انا عملت جدول في الموضوع ده http://www.thanwya.com/forums/index.php?showtopic=24331
و لكن بعد ما العضو bella4ever نبهني لأيام الجمعة اللي كانت محسوبة في الجدول و اكيد تبعا محدش هيمتحن يوم جمعة

عملت جدول تاني و نفذت في اراء الكل يعني خليت لطلاب المرحلة الاولي يومين و نصف لغة انجليزية و يوم ونصف لغة ثانية
و في تغييرات تانية . يا ريت بقي الاراء تكون علي الجدول الاخير نظرا لاستحالة تطبيق الاول عشان فيه ايام جمعة .

الجدول الجديد اللي بقترحه و ياريت تشوفوه عشان لو ملائم نبعته للسيد الوزير:

المرحلة الثانية :
9/6 لغة عربية و تربية دينية
11/6 تفاضل و تكامل
13/6 اقتصاد و احصاء
16/6 لغةاجنبية اولي
18/6 جبر و هندسة فراغية + تربية وطنية
20/6 جيويوجيا و علوم بيئة
21/6 ميكانيكا
23/6 أحياء و فنون
24/6 تاريخ
25/6 كيمياء
26/6 علم نفس
27/6 فلسفة و منطق
28/6 جغرافيا
30/6 فيزياء و قدرات


المرحلة الاولي:
10/6 لغة عربية و تربية دينية
12/6 تفاضل و حساب مثلثات
13/6 اقتصاد و احصاء
14/6 جبر
17/6 لغة اجنبية اولي
19/6 لغة اجنبية ثانية
20/6 جولوجيا و بيئة
23/6 احياء
24/6 تاريخ
25/6 كيمياء
26/6 علم نفس
27/6 فلسفة و منطق
28/6 جغرافيا

[gomaa]

بلاش تخلى الفرنساوىوالإنجليزى وراء بعض

[محمود أحمد بيومى]

لى تعليق على توقيت الفيزياء وهو المفروض أن يكون أمامها ثلاثة أيام بدلا من يومين مثل معظم الأعوام السابقة حتى يستطيع الطالب مراجعة كل مافى المنهج من نقاط مختلفة ، يعنى المفروض يكون يوم الأحد بدلا من السبت.
وشكرا لكل لمن يضع إقتراح.
محمود بيومى .

[ARYMF...]

ا[/color]زاىيا استاذ جمعة باقى الجدول متميز؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!![color=#FF6600]

[nada1990]

والنبى يا استاذ جمعة تشوف حل فى جدول علمى رياضة

وخصوصا الاقتصاد والاحصاء اللى اخر يوم دى وقبلها نص يوم

ده احنا على ما نريح اعصابنا من اللى هيحصلنا ف الميكانيكا

ونرجع ننام هنلحق نذاكر مادتين امتى بالزمة ده عدل

ولا احنا زمبنا ان احنا رياضة مش كفاية المنهج علينا هيبقى المنهج والجدول

وكمان الفيزيا يطولوا المدة شوية