ليه( لأ) للتعديلات الدستوريه

[kooo--kooo]

1-ازاي اوافق علي قرار مصيري زي ده و مفيش
معلومات كفايه عشان اقرر
2-
مينفعش تخليني اوافق علي كل التعديلات علي بعضها، مع إن فيه منها اللي عاجبني وفي منها اللي رافضه
3-
لو قلت نعم هيجي رئيس بسلطات مطلقه و برلمان ميعبرش عن الثوره يحط الدستور
4-
الانتخابات اللي جايه مستحيل هينجح فيها الناس اللي عملوا الثوره، هيجي يا الاخوان يا الوطني. هل من العداله ان هما بس اللي يعملوا الدستور!!! ؟
**
الاستقرار
1-
الاستقرار مش هيحصل لما هنضطر (لو قلنا نعم) نعمل ٨ انتخابات في سنه واحده
2-
لو قلنا نعم، لما البرلمان يعمل دستور جديد، ممكن يبقي فيه مواد و شروط متنطبقش علي الرئيس اللي هيكون موجود ... نعمل ساعتها ايه؟؟؟؟ نمشيه ؟ طب نسيبه و واحد يرفع قضيه يقول ان وجوده غير دستوري.. و هيكسبها؟
عمرك لعبت لعبه من غير ما تعرف قوانينها؟!!! ينفع ابقي الرئيس و بعدين يعملولي دستور يقولولي فيه هتحكمنا ازاي!!! طب مش فيه احتمال ميعجبنيش؟؟ ... ساعتها هيحصل ايه؟ .. هو ده الاستقرار؟
المنطق و العقل بقولوا احط قواعد اللعبه و بعدين العب ... مش العب و بعدين احط القواعد
يعني نحط قواعد الترشيح "الدستور" و بعدين اترشح ... مش اترشح و بعدين احط القواعد

**
إطمن

الجيش هيحترم اي قرار هناخده و فكره التخويف بأنه ممكن يستولي علي الحكم مستحيييله بعد ثوره شعبيه و الناس اللى بتقول ان لو قلنا(لا) معنى كده ان الجيش مش ليه الحق انه يدير البلاد بالعكس لو قلنا (نعم) معنى كده احياء دستور مفيش فيه اى نص يشرع بقاء الجيش لاداره البلاد
*
متخليش حد يخوفك و يقولك لو قلت (لأ) الوضع هيبقي مجهول ... بالعكس لو قلت (لأ) هنعمل دستور جديد و هنضمن انه يعبر عن مصر كلها
*
الدستور الجديد مش هياخد اكتر من تلات شهور بشهاده فقهاء دستوريين
*
اللي خايف الفوضي تزيد، ، هي ممكن تزيد لو محلناش حلول حقيقيه
*
و اللي خايف الاقتصاد يتضرر ... هو اكيد هيتضرر لو الوضع فضل مشوه
*
بنقول عاوزين دستور جديد محمي من كل القوي الوطنيه المحتشده الآن ... مش ده آمان اكتر ليا وليك؟؟

[سيف سالم]

المشاركة الأصلية كتبت بواسطة kooo--kooo

1-
الانتخابات اللي جايه مستحيل هينجح فيها الناس اللي عملوا الثوره، هيجي يا الاخوان يا الوطني. هل من العداله ان هما بس اللي يعملوا الدستور!!! ؟

ليس الاخوان فقط من شارك وليس من قال لا فقط من شارك كل مصر شارك في الثورةوغدا الكل سيقول الرأي واضح

نعم غدا للصندوق

الديمقراطية هي ثورتنا وغدا اول مرة ديمقراطية
نعم بدون خوف
اول مرة نعم بدون قهر
نعم لخروج الجميع
وسنحترم نتيجة لا وسناتزم بها ان حدثت