طلب من الاساتذة الكرام

[MoHaMeD ELsHeRbEnY]

السلام عليكم ورحمة الله وبركاتة
طبعاً انا جاى النهاردة بشكل ضيف
بس يارب مكنش ضيف تقيل عليكم
انا عندى بكرة الصبح تسليم شيت واخر معاد بكرة
وانا كنت تعبان ومكنتش اعرف المعاد وبالتالى مش لاحق احلة لانى اصلا مش عارفة
فلو حد من الاساتذة المدرسين تكرم وساعدنى
اكون شاكر فضلة والله وربنا يجزية كل خير

الموضوع عبارة عن مجموعة ابيات شعر مطلوب عنها شوية طلبات
1/ شرح الابيات
2/ مظاهر الجمال
3/ معانى الكلمات
4/ الفكرة المسيطرة على الشاعر

ودى هيا الابيات

جلست يوماً حين حل المساء *** وقد مضى يومى بلا مؤنس
أريحً أقداماً وهت من عياء *** وارقب العالم من مجلسى !
*******
أرقبة يا كد هذا الرقيب *** فى طيب الكون وفى باطله
وما يبالى ذا الخضم العجيب *** بناظر يرقب فى ساحله


هيا دى الابيات
معلش انا اسف لتعب حضراتكم
ربنا يكرمكم

[MoHaMeD ELsHeRbEnY]

Up
.
.
.
.
.
Up

[JusT l0sT]

اولا انا عارفه انه الرد متأخر ..

بس ياريت تفيدكـ او تفيد اى حد

انا هجاوب عليها بمجهود شخصى .. معلومات ثانوية عامة يعنى

اولاً : هى القصيدة لابراهيم ناجى واسمها الحياة

ممكن نقول فى الشرح ..

ان الشاعر فى يوم من الايام وحين حل الظلام وامست الدنيا وقد قضى يومه وحيداً بلا مؤنس او مناجى
جلس ليريح اقدامه التى تعبت وتألمت من عنائه .. جلس ينظر ويتأمل الكون حوله من مكانه ,,
ظل يراقب ويتأمل ويا لتعب وشقاء وعناء هذا المتأمل فى حسن وبهاء الكون وايضاء فى غموضه وباطله ..
وفى الوقت ذاته لا يبالى ولا يهتم هذا العالم الفسيح من حوله بهذا المتأمل الناظر ..

مظاهر الجمال

ممكن نقول ..
أريح اقداماً .. استعارة مكنية صور فيها الاقدام بانسان ستريح
وهت من اعياء .. استعارة مكنية صور فيها الاقدام بانسان يتألم
ما يبالى ذا الخضم .. استعارة مكنية صور فيها الكون بانسان غير مهتم

قد مضى يومى .. اسلوب مؤكد بقد
ما يبالى .. اسلوب انشائى .. نوعه نفى

اكيد فى تانى
بس مش عارفه اطلع تانى
اعتقد دول كفاية

معانى الكلمات

حين ..> ظرف زمان بمعنى عندما
حل ..> أتى
مضى ..> ذهب وانصرف
مؤنس ..> مسلى
وهت ..> تعبت _ مش متأكدة منها_
عياء ..> عناء وتعب ومرض
ارقب ..> انظر واتأمل
كد ..> شقاء
يبالى ..> يهتم
الخضم ..> الجواد المعطاء _برضو مش متأكدة منها_
ساحله ..> نواحيه _ تقريباً _

واعتقد الفكرة المسيطرة على الشاعر هو التعبير عن حياته وحيداً ..

اتمنى اكون قولت حاجه صح

واكيد ياريت حد من اساتذتنا يصلحلى اخطائى ..

دمتم بود ..