|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
#1
26-07-2009, 10:02 AM
|
|||
|
|||
حال التعليم فى مصر
قولوا ليسرى وزيرنا كفاية
٢٥/ ٢/ ٢٠٠٩ صَدَقُوا وقَاْلوا وِزَارَةْ لئِيْمَةْ كُل أفْكارْهَا مُوْضَة قَدِيْمَةْ يُومْ مَاتْفَكَرْ كِيفْ تِتْمدِّنْ تِرْجَعْ لِيْنَا بِأَلْفْ جَريْمَةْ قُوْلوا لِيسُرْىْ وَزِيْرْنَا كِفَاْيَة عُمْر الظّلْم مَاْكَاْنَ لُهْ نِهَاْيَةْ طَالِعْ نَازلْ تُسلُخْ فِينَا وإنْتَ وقَاْعدْ فى الضِّلّايةْ لَوْ تِسْمحْ لِىْ أَقوْلَكْ حَاْجَةَ ظُلْمَكْ غطََّى على الِشَمَْساْيةْ صَدَقَوا وِقَاْلوُا وزَاْرَةْ دَمَاْرْ تشُوُفْ مَنَِاهجْهَا تقُولْ دَهْ قُمَارْ عيَّرُوا فِيهَا لِحَدْ مَاْ بقْيتْ كُلْ عُلُومْهَا هزَاْرْ فِىْ هزَارْ حَتَّى عُلومْهَا مَاْ عَاْدتْ تِنْفَعْ ولا بتْفَهّمْ حتى حُمَارْ ضحكوا علينا.. وغَمّوا عِينِيْناْ وحَطّوا عِيَاْلنَا فِى قَلْبِ النَّاْرْ حَطْ الكَادِرْ لِيْنَا وِقَالْ عايْزينْ ننْتِجْ فِى التَعْلِيمْ شَاْرُوا عَلِينَاْ وِلَاْدِ الْخالْ رُحْنَا ضَرَبْنَا سَلَاْمْ تَعْظِيمْ دَخَلْنَا التّستْ لقْينَا الْحَالْ حَالْ مَْايْسُرّشْ حَتّى بهِيْمْ قُولُوا لِيُسْرىْ وَزِيرْنَا ارحَمْنَاْ تِستْ الْكَادِرْ دِيْتِىْ حَطَّمْناْ مِيْنْ هَيْقُولكْ إن أفْكَاركْ مِشْ تتْنَاسِبْ مَعَ مُعْظَمْنَاْ لوْ بِيْهِمْكْ كِيْفْ نتْقدِّمْ سِيْبنَا فِى حَالْنَاْ.. يَاْ مْجنَناْ حمودة المطيرى عضو حزب الوفد بقوص - قنا يْفْ نتْقدِّمْ سِيْبنَا فِى حَالْنَاْ.. يَاْ مْجنَناْ حمودة المطيرى
عضو حزب الوفد بقوص - قنا آخر تعديل بواسطة ..Just Stop ، 03-08-2009 الساعة 03:37 AM 
|
|
#2
26-07-2009, 10:11 AM
|
|||
|
|||
|
وها هى قصيدة صرخة معلم للشاعر
يوضح كيف يعانيه المعلم داخل مدرسته بعنوان صرخة معلم وقف المعلم فى الفصول ينادى هل تعرفون الرقص يا اولادى انى اتيت من الصعيد بطبلة ممزوجة بالشعر والانشاد هيا بنا نحو الامين نحيه عما نرى من علمه المياد فلقد اضاف الى العلوم قواعد فى الرقص والتطبيع والالحاد يا أيها الرجل الذى اخرستنا بالتف والتهزى والاخماد عين المعلم فى الدفاتر حمرت من كثرة التحضير والاعداد جردتموه من المبادى حتما بقى المعلم قمة الافساد قولوا كما تتغامزون فاننى ما عدت اهوى الشرح يا احفادى ما دام فى عصر الولاة مدراس نهشت حقوق الخلق فى الاعياد من ذا يقول على المعلم انه قد راح يمشى عارى الاجساد عذرا تلاميذى فانى عازم الا اصون كرامة الاجداد فلقد رايت العلم فى اكشكنا قد تاه بين مديحة وعماد ما بين رقص فى الفصول وطبلة راحت تزف نهاية الامجاد قل للمعلم لم تعد فى عصرنا الا أداة فى يد الاسياد للشاعر حمودة المطيرى
|
|
#4
30-07-2009, 06:26 AM
|
||||
|
||||
|
الكلام جميل جدااااااااا ..لكن حاول استخدام الفاظ غير خارجة
آخر تعديل بواسطة دكتوره باذن الله ، 30-07-2009 الساعة 06:29 AM
|
|
#7
04-08-2009, 04:48 PM
|
||||
|
||||
|
الكلام هنا فى القسم يا جماعة
كلام أدبى بمعنى ان القصيدة بينظر لها على انها عمل أدبى فى المقام الأول لكن النقاش فى موضوع القصيدة نفسه فنختارله القسم المناسب خصوصا ان ده موضوع كبير و بالنسبة للقصيدة ادبيا رائعة و جميلة جدا
|
|
#8
04-08-2009, 07:52 PM
|
||||
|
||||
|
اقتباس:
القصيدة فعلا بتعرض جوانب الفوضى فى التعليم .. وبالنسبة للتعليم الحكومى والمدارس التجريبية الخاصة والجامعات دة معناه ان التعليم هايبقى للى يدفع مش للى عايز يتعلم نظام غلط فى غلط وكفاية فعلا تطوير دة كل ما بيقول هانطور بيقلب كيان التعليم اكتر وبجد علية العوض فى التعليم فى مصر لا وعاوزين ما يكونش فى بطاله .. انا بحيى الشاعر دة وبحيى بردو وزيرنا واللى خلاه وزير كتر خيرهم يا جماعة تعبوا من التزوير و _والمصيبة اللى اسمها_ التطوير..!! ربنا يسترها علينا وعلى الطلاب اللى بجد تعبت لما فاض بيهم وف الاخر ياريت الكل بيشتغل بشهادتة ! الواحد يطلع من الثانوى غير مؤهل يدخل على الكلية مش عارف حاجة يتخرج مش عارف بردو !! اذكر هنا مقولة اينشتاين لما قال انا بدات اجمع واتعلم الثقافة بعد ما اتخرجت من الجامعة ! شكرا أخى على الموضوع .. دمت بكل معانى الود ..
__________________
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
حــــــــداد عليكى يا مصــــر ! ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
|
|
#11
18-06-2010, 06:57 PM
|
|||
|
|||
|
القصيدة للشاعر حمودة المطيرى[بعنوان ده حاجة تخلى العقل يطيش
قالو ا وزيرك جاب لك منحة ***عيد الاضحى ...قلت يعيش رحت ادارة قوص وانا بارقص *** تقولش ساعتها شربت حشيش فجاة بابص ورايا لقيت *** عسكرى نازل فيا تلطيش ضربة تصيبنى وضربة تسيبنى *** وضربة تخلى العقل دشيش ****************** رحت موطى فى ودنه قايله *** سيبنى يا باشا وخد بقشيش فجاة لقيته اتغير خالص *** تشوفه تقول على طول درويش قلت انصحنى قاللى استعبط *** واوعى تخاف من اى شاويش قلت يا عمى سيبنى فى حالى*** انا مستغنى عن الكلابيش ********************** بعد شوية قلت اكمل *** ايه.. غير ناقص_حته..فيش مالى بابص يمين فى شمال *** شفت خلايق .....عقل مفيش دخلت فى وسط الصف انادى*** يسرى ارحمنى بلقمة عيش فجاة لقيت الناس بتدوسنى *** وانا تحتيهم ...قطعة .زخيش ******************** قمت الملم عضمى الضايع *** وابنى فى نفسى من التناتيش لساك بابنى وابص قصادى ***شفت رجال ذى الطرابيش فجاة نده لى واحد منهم ***ادخل ..يله..على التفتيش دخلت وروحى وكفنى فى كفى***مين بيروح عش الخفافيش؟؟ ********************* طلعت اهلوس دون ما انا دارى *** يا يسرى الحقنى كفاية تطنيش هو علشانك........ اكل زيك *** لحمة وفته وجبنة قريش تحرق دمى ... وتكتم همى *** وتدهن وشيى من الورنيش هو انا ناقص تانى مصايب ***ده حاجة تخلى العقل يطيش ************************ شعر حمودة المطيرى عضو حزب الوفد بقوص_قنا
__________________
قال تعالى : { محمد رسول الله والذين معه أشداء على الكفار رحماء بينهم تراهم ركعا سجدا يبتغون فضلا من الله ورضوانا سيماهم في وجوههم من أثر السجود ذلك مثلهم في التوراة ومثلهم في الإنجيل كزرع أخرج شطأه فآزره فاستغلظ فاستوى على سوقه يعجب الزراع ليغيظ بهم الكفار وعد الله الذين آمنوا وعملوا الصالحات منهم مغفرة وأجرا عظيما }
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:03 AM.
