نبأ عاجل لاتثبيت للمعلمين المساعدين7/6/2010

[بدر البدور وائل]

السلام عليكم
زملائى الاعزاء انا معلم مساعد فى مدرسه ثانويه فنيه بالدقهليه انا كنت فى الادارة التعليميه التابعه لينا فى مدينه بنى عبيد بالدقهليه وشوفت العقود الجديده الى زملائى المتعاقدين بقالهم سنتين العقود جايه تجدد لمده عام بس مضاف فى بنود المرتب الكادر وضم العلاولات والى عنده اولاد سوف يضاف له علاوة يعنى من الاخر المصاريف بتاع الرخصه الدوليه وكمان محمو الاميه وكمان التربوى كله فى الفاضى من الاخر الحكومه دى بطفش فينا والى مش مخلينا قادرين نتكلم طابور العاطلين الى موجودجين فى الشوارع الى من وجهه نظر حكومتنا المبجله لو شاورت ليهم هيجوا جرى والى مش عاجبه مننا الباب يفوت جمل عليه العوض طب احنا معانا كليه تربيه هنشتغل ايه دكاترة حسبنا الله ونعم الوكيل يعنى لا عقد عدل ولا مرتب يكفى واحنا الى شايلين المدارس والله اعرف ناس زملاء بيجوا يومين فى الاسبوع من المدرسين المعينين بيقبضوا 1500 جنيه ده عدل حرام كفايه احباط احنا مش مكتوب لينا نعيش فى البلد دى وكفايه تصريحات من الحكومه ومن الوزير تثبيت مين والناس نايمين مع ان احنا بموجب القانون 155 الصادر 2007 فى الماده 73 يعين بقرار من المحافظ كل من امضى فى وظيفه معلم مساعد من امضى عام دراسى على الاقل مع تحقيق شرط الصلاحيه لمزاوله المهنه يعنى شروط الاكاديميه هنعمل ايه انا من رأيى نرفع قضيه فى القضاء الادارى اذل لم يتم التثبيت لان ده حق اصيل لينا وكمان مجلس الدوله اقر بعدم دستوريه التعين بعقود مؤقته او التعيين المؤقت بل اقر التعيين الدائم بوظائف الجهاز الادارى للدوله
وربنا يهدى الحكومه الى متجوزانا عرفى احنا والشعب كفايه زهقنا وانا نفسى مسؤل يقولى ياخد 350 جنيه ويعيش بيهم ازاى ايجار واكل وشرب ومواصلات مش هقول متجوز لا لوحده وكمان نفسى اعرف الحكومه عايزة ايه نطفش زنسيب البلد ليهم احنا مستعدين بس يسيبونا حرام الى بيعملوه فى الشباب ده وياريت الحزب الوطنى والريس والوزراء يهتموا بينا زى الكورة والمنتخب ويدونا مكافات زيهم احنا مستقبل مصر احنا الى المفروض نخرج المهندسين والدكاترة والعلماء وغيرهم ليه نكون احنا اقل فئه فى المجتمع ليه كده ليه كدةلمصلحه مين الكادر الى اتعمل للناس الى فوق بس القدام بس الى اساسيهم عالى الى بقالوا 15 او 20 سنه مدرس ليه حرام حرام احنا الشباب احنا المستقبل حسبى الله ونعم الوكيل