مشروع صحينى الفجر

[نونا المصرية]

اخوانى*** أخواتى***

السلام عليكم ورحمة الله وبركاته

مشروع صحينى الفجر

وهذا هو الإطار العام للمشروع:

1-النيــــــــــــــــــــــــــــــــــــــــــــة :

ودى أهم شـــــــــــــــى فى الموضوع كله..

لوأخلصنا النية لله عز وجل............................تأكدوا من نجاح المشروع بعون الله وتوفيقه

**أحد اليهود يقول"لن ينتصر علينا المسلمين إلا إذا وصل عدد المصلين فى صلاة الفجر ....إلى عددهم فى صلاة الجمعة"

تخيل كده أنا بنيتى دى......يبقى بشارك فى نصر الأمة....والتمكين للمسلمين..والنصر على اليهود والمشركين...

ولما ربنا يسألنى عملت إيه للإسلام؟؟؟!!

يبقى عملت حاجة ان شاء الله

اللهم ارزقنا الإخلاص..وتقبل منا ..ووفقنا إلى ماتحب وترضى..

2-حــدد موقـــفــــــــــــــــــــــــك :

هل إنت :
-عايزنا نصحيك الفجر
-عايزنا نصحيك وتشارك كمان فى المشروع و تاخد أرقام وتصحى الناس..
- تشارك بس فى إنك تصحى الناس( فى حالة إنك منتظم فى صلاة الفجر والحمد لله)

3- تجميــــــــــــــــــــــع الأرقــــــــــــــــام:

الناس تبعت الأرقام على الخاص على عضوية *نونا المصرية* لو كانت أرقام بنات

علشان إن شاء الله البنات المتطوعات والمشتركات معانا فى المشروع هنوزع عليهن أرقام البنات

و لو كانت أرقام ولاد ياريت اى عضو معانا فى المنتدى يتطوع معايا فى تجميع ارقام الاولاد

وتقدروا طبعآ تشاركوا معانا فى تجميع الأرقام فى المحاضرة ... فى المدرسة ... فى الدروس.... بينكم وبين أصحابكم ......... الخ

4 -"يد الله مع الجماعة"

"ولا يأكل الذئب من الغنم إلا القاصية"

هنا كلنا هنعين بعض وكلنا إيدينا فى إيد بعض.........لكن الواحد مع نفسه عزيمته هتقل ويفتر .... ويقع

يقول النبى صلى الله عليه وسلم:"إن الشيطان مع الواحد وهو من الإثنين أبعد"

خلاص إتفقنا كده ؟؟

6- المتابــــــــــعـــة :

اللى هيكون بيشارك فى ايقاظ الناس ياريت يشارك معانا باستمرار ولو باسمايلى عشان نتأكد انه صحى وصحى الناس وان الموضوع ماشى تمام

طبعآ كل واحد على حسب هو بيدخل النت كل أد ايه

7- اللى هيشارك معانا فى ايقاظ الناس هنبعت له الأرقام اللى هيصحيها

وهنكون قبلها باعتين للأرقام دى مسجات قولنا لهم فيها اننا هنصحيهم من النمرة كذا ( اللى هى نمرة الشخص اللى هيصحيهم ) وقايلين لهم لما يصحوا يكنسلوا

فماحدش يقلق من أى حاجة

8- ممكن يقابلنا بعض الصعوبات شوية... مثلا:

- واحد فتح عليا
- واحد مش بيكنسل لما بأصحيه
- واحد قافل موبايله على طول
.............

أى حد يقابل مشكلة من دى مش عليه غير يقوللنا بس واحنا هنبعت له مسج نشوف نظامه ايه

وان شاء الله مفيش مشاكل ولا لخبطة

و ما ننساش ياجماعة الصبر على الناس....(وتواصو بالحق ، وتواصو بالصبر)

وجزاكم الله خيرا

والله من وراء القصد وهو يهدى السبيل

[صوت الحق]

والله احلى شيئ هو صلاة الفجر شكرا على الموضوع

[طالبة ازهرية]

فكرة جميلة جدا
وغاية فى الروعة
انا عايزة اشترك معاكم بس مش عارفة اراسلك

[CrazY Bo$S]

يبقى يظبط المنبه Alarm وخلاص ويقرا اخر سورة الكهف قبل ما ينام من غير ما حد يتصل بيه ولا يتصل بحد
ليه
كده حيسيب الموبيل نايم جنيه مفتوح مستنى الناس اللى حترن عليه عشان يصحوه

وده طبعا غلط
ولا ايه يا دكتورة

ما اكتر المنبهات الايام دى

والله الموفق

[نونا المصرية]

جزاكم الله خيرا على مروركم وعلى ردودكم
ويا ازهرية انتى ممكن تراسلينى عالرسايل الخاصة

واحمد "هنا كلنا هنعين بعض وكلنا إيدينا فى إيد بعض.........لكن الواحد مع نفسه عزيمته هتقل ويفتر .... ويقع" متهيالى ان فعلا الواحد لما بيكون لوحده ممكن يقول انا تعبان النهاردة مش هظبط المنبه وابقى اصلى بكرة الصبح وخلاص لكن لما حد هيرن عليه وقت الفجر لحد ما يكنسل عليه هيكون فاق ويقوم يصلى علطول يعنى متهيالى اننا ممكن نساعد بعض وجزاك الله خيرا على مرورك يا احمد

[CrazY Bo$S]

طب والنوبيل اللى حيبقى نايم جنبى ده

حبقى احطه بقى فى الريسبشن

وممكن اتطوع واخد ارقام الولادلأنى بصحى طبيعى الفجر وربنا يعمل اللى فيه الخير

[المجاهد فى سبيل الله]

السلام عليكم ورحمة الله وبركاته
اختى ولله جزاكى الله كل خير
وجعله الله فى ميزان حسناتيك
وانا مستعد انى اشاريك مع حضرتيك
ولو عايزانى انا اتولى امر الرجال اان تحت امريك انا الحمدلله بصحى الفجر ومواظب عليه

[نونا المصرية]

السلام عليكم
جزاكم الله خيرا يا جماعة
انا بجد مبسوطة كتير لان فى تفاعل مع الموضوع وفى تقبل للفكرة
وميرسى اوى يا احمد ويا مجاهد على تطوعكم فى تجيع ارقام الاولاد
يبقى كده يا جماعة اللى عايز يشترك معانا فى الموضوع من الاولاد هيبعت رسالة خاصة برقمه على عضوية CraZy Bo$S او عضويةالمجاهد فى سبيل الله
واللى عايز يشترك معانا من البنات يبعتلى على عضويةنونا المصرية
جزاكم الله خيرا يا جماعة
واتمنى اننا كلنا نشترك فى المشروع ده يمكن نقدر نوصل اننا نخلى اللى بيصلوا الفجر اد اللى بيصلوا الجمعة

[أحمد2025]

موضوع جميل
وياريت كلنا نصلى الفجر

[CrazY Bo$S]

وأنا تحت الخدمة
موبايلى فى الملف الشخصى
بس محدش يفتح عليا اصل مش اصحيه تانى

وربنا يعمل اللى فيه الخير

[نونا المصرية]

السلام عليكم
ازيكم يا جماعة
عاملين ايه
ايه مش عايزين تصلوا الفجر ولا ايه ؟؟؟؟؟؟؟؟؟؟
ايه الكسل ده
شوية نشاط يا شباب
عايزين كلنا نصلى الفجر
كلنا نبدا يومنا بحاجة ترضى ربنا
ويا جماعة للاسف ان فى كتير فاكرين ان صلاة الفجر دى حاجة زيادة وهى هى زى صلاة الصبح
يا جماعة والله صلاة الفجر فرض مش سنة ومفيش صلاة اصلا ربنا فرضها علينا اسمها صلاة الصبح
وبما انك مسلم يبقى لازم تعمل اركان الاسلام الخمس اللى الصلاة ركن منهم والفجر فرض من الصلوات الخمس اللى المفروض كلنا نصليهم يبقى كلنا لازم نصلى الفجر بما اننا مسلمين
جزاكم الله خيرا يا جماعة
ربنا يهدينا ويعينا كلنا اننا نواظب على صلاة الفجر

[CrazY Bo$S]

الصلاة خير من النووووووووووووووووووووم

[نونا المصرية]

جزاك الله خيرا يا احمد
بس الظاهر اننا فعلا عمرنا ما هنوصل انه يكون عدد اللى بيصلوا الفجر اد اللى بيصلوا الجمعة

[Unique Muslimah]

JazakiAllahu Khair! yeah.it feels reallllly good to wake up and pray fajr on-time..and the best part is that i used to have my 7alaqa at the masjid at this time ..so i know how beautiful it feels to start off one's day by the remembrance of Allah (swt) 1

oh nicee idea mashaAllah! I'm glad u guys r doing this..cuz we, too, do it here in MAS 7alaqat

[Last Fantasy]

الشيطان صايع دا غير إني معايا موتوريلا وصوتها -مفيش صوت أصلا - زي منتوا عارفين دا غير إني إتخنقت منها وادتها لوالدتي يعني مش حنفع