|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
17-06-2010, 03:37 PM
|
||||
|
||||
يوميات اخصائى التخسيس ...الغلبااااااااان
 أيه اللي جابك هنا من أهم الأسئلة التي يوجهها الطبيب الى زائر العيادة أو ما اصطلح على تسميته بالمريض من أهم هذه الأسئلة سؤال محدد يوضح كثير من الأمور / ما هو سبب تشريفك لعيادتنا ؟ أو بالعامية المصرية / أيه اللي جابك هنا ؟ و الاجابة أمام الطبيب هو ذكر السبب الذي قاده إلي العيادة .. السمنة .. الوزن الزائد .. النحافة .. وغيرها ..... لكني أسأل السؤال بطريقة أخري / أيه اللي جابك هنا ؟ ليس لمعرفة اسم الشكوى من سمنة ونحافة وغيرها ولكن لمعرفة السبب وراء الشكوى .. السبب وراء السمنة والوزن الزائد .. البعض يطرح السبب بوضوح ( من وجهة نظري كمتخصص ) ولكنه لا يكون واضحا أمامه كصاحب المشكلة رغم أنه هو من يطرح السبب .. تريدون أن تعرفون أكثر؟ اليكم بعض الأمثلة  أنا بأعشق الجاتوه والشوكولاتة تأتي الي عيادتي وهو حزينة تتمنى أن تقطع من جسدها بالسكين لكي تخفض وزنها وتبكي وهي تذكر معاناتها في بيتها ومع زوجها وأثناء شرائها الملابس ثم بكل شجاعة تقول لي ما تحرمنيش يا دكتور من الجاتوه والشوكولاتة علشان أنا باعشقها .. طيب أيه اللي جابك هنا ؟ أصل أنا مش باحب السلطة وأخرى ترجوني ألا أطلب منها أن تأكل السلطة الخضراء فهي تكرهها ولا تتناولها أبدا .. طيب أيه اللي جابك هنا ؟ مش بأحب أعمل دايت طيب جاية العيادة ليه؟ وأيه اللي جابك هنا؟ زيارة الطبيب معناها الثقة في انه سوف يأخذ بيدك في خطوات مدروسة للحصول على الرشاقة وأولها اتباع نظام غذائي صحي سليم ومؤثر ولا يملك الطبيب أحجبة ولا سحرا لكي يحول الشخص من وزن زائد أو قليل الى شخص يتمتع بالصحة والرشاقة والجسد السليم لكنه يملك العلم والطب أصحابي قالولي على وصفة كذا وكذا وتسأل عن مؤهلات هؤلاء الأصدقاء لتعرف أنهم مؤهلون في كل التخصصات المرموقة (تعليم اللغة الانجليزية، المحاسبة، امتلاك محل جزارة، أو منتجات ألبان.. مع كل الاحترام والتقدير لكل المهن) لكنهم للأسف غير مؤهلين في مهنة الطب وتخصص علاج مشاكل سوء التغذية ليس هذا فقط بل أن هؤلاء الأصدقاء يتدخلون في علاج الطبيب فيخيفون الشخص مما أعطاه الطبيب أو قد ينصحونه بالتوقف عن العلاج (علشان وشك بقى وحش) أو كفاية كده ها تروحي فين بعد كده؟ طيب ايه اللي جابك هنا؟ أعلن للجميع استعدادي للتعلم من أي شخص يفوقني علما لكني لست على استعداد للتضحية بما تعلمته في الطب أمام شخص لم ينفق وقتا في تعلم الطب وعلومه مدرب الرياضة قاللي آكل كذا مدرب الرياضة يعرف في الرياضة أكثر مني لكني أعرف أكثر من مدرب الرياضة في موضوع ناكل ايه وما ناكلش ايه . مش كده !! اذا أخذت برأي المدرب في موضوع الأكل طيب .. طيب أيه اللي جابك هنا ؟ وكثير .. وكثير .. لكن هذه مجرد أمثلة .. فتقبلوها منى عن طيب خاطر .. وأرجو ألا يسألني أحدكم .. ايه اللي جابك هنا ؟ إنتظرونا  في يومياتأخصائي التخسيس كتبه Dr Ibrahim بتصريف بسيط
__________________
و اذا الشعب يوما اراد الحياة فانها على تردد 10892 افقى |
|
#2
17-06-2010, 03:39 PM
|
||||
|
||||
( 1 ) اليوم المفتوح  أنا / برافو عليكي نزلتي 4 كيلوجرام أول اسبوع .. عاوزين نفس الالتزام علشان نكمل لحد ما توصلي لوزنك المثالي ويا ريت يكون هدفك يتضمن كلمات عن الرشاقة مش عن الأكل .. يعني تقوليهي / البركة في ربنا ثم فيك يا دكتورة أنا / لولا التزامك مش ممكن نوصل لأي نتيجة هي / طب ليا سؤال يا دكتورة .. أنا صحابي قالولي إن فيه يوم مفتوح يعني يوم آكل كل اللي نفسي فيه أنا / فكرة اليوم المفتوح فكرة مدمرة .. وفيه بحث للمركز القومي للبحوث أثبت أن اليوم المفتوح هو سبب فشل أي ريجيم هي / (بحسرة) بس أنا معشمة نفسي خلاص يا دكتورة على يوم مفتوح أنا / ( وقد صعبت عليا ) يعني إنتي كان نفسك تاكلي ايه ؟ هي / مكرونة باشاميل.. و .. أنا / (مخضوضا) وايه كمان .. هي / وتلات حتت جاتوه.. أنا / (مفجوعا) وايه كمان .. هي / و3 بولات آيس كريم.. أنا / (على وشك الاغماء) وايه كمان .. هي / وقالب شوكولاتة.. أنا / (منتحرا أو على وشك) وايه كمان .. هي / وحتة بسبوسة صغيرة. أنا / ….......... !! هي / مالك يا دكتورة؟ .. فيه ايه؟ وشك اصفر كده ليه؟ أنا / (مستفيقا بصعوبة) انتي عارفة مجرد ذكر مجموعة الحاجات اللي عايزة تاكليها دي يمكن يتخنك الأربعة كيلو اللي نزلوا الاسبوع دا ! هي / يعني مش ها تسمحلي بيوم مفتوح؟ أنا / الحكاية مش اني أسمح أو ما أسمحش.. هي مش صك غفران أمنحه لك فتاكلي زي ما انتي عايزة وما تتخنيش الحكاية منطق .. والمنطق بيقول ان الأكل دا بيتخن .. وعلشان كده مش غريبة ان وزنك زايد لازم تغيري نظرتك للأكل وللحياة وللسلوك الغذائي بصفة عامة هي / (على وشك البكاء) يا خسارة. أنا / (محاولا استرداد معنوياتها الضائعة) ممكن أسمح لك بوجبة واحدة مفتوحة.. يعني مثلا ممكن تاخدي سندوتش أو شوية رز النهاردة كنوع من كسر الريجيم يعني .. لكن الحلويات ممنوعة بتاتا.. هي / (باستخفاف) بس؟ أنا / انتي هدفك ايه ؟ الرشاقة ولا الأكل .. تلبسي هدوم شكلها حلو ولا تاكلي حاجات طعمها حلو ؟ حددي هدفك نفسي أكون رشيقة و ألبس اللي نفسي فيه.. مش يا ترى آكل ايه علشان أخس .. لو الموضوع عجبكم هانزل كل يوم حلقة مستنية ردودكم
__________________
و اذا الشعب يوما اراد الحياة فانها على تردد 10892 افقى |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 09:21 PM.
