|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
17-05-2010, 05:39 AM
|
|||
|
|||
فرفش مع قصة المهندس مشمش في معمل الكيمياء
ياجماعة اوعى حد يزعل دي مجرد ضحك مع بعض بنرفه من المذاكرة
المكان: أمام كلية العلوم فى جامعة عمر أفندى! الحدث: إمتحان الكيمياء العملى لإعدادى كلية هندسة! الأشخاص: ولاد وبنات كتير واقفين وماسكين ( الأسكيما ) قال ايه بيراجعوا! " العالم دى مجانين؟! " " مالك بس يا محمد بالعيال...سيبهم يراجعوا... " " ياعم أنتى فاكرنى بكلم على زملاتنا...أنا بكلم على دكاترة كلية الهندسة...ايه الجنان اللى هما فيه ده..." " شششششش هتودينا فى داهية ياسيد! وطى صوتك...مالك ومال الحكومة ياعم أنت! ضايقوك فى ايه الدكاترة؟! " "أنا أسمى مش مدحت ياخالد! وبعدين مين جاب سيرة حكومة؟ أنا بتكلم عنالدكاترة...هما بيعملو فينا كده ليه الناس دى؟! احنا مش هندسة؟! يبقى مالنا ومال كلية العلوم ياعم الحج؟! " " يابنى مش لازم نيجى نمتحن الكيميا هنا...يعنى هيعملولنا معمل مخصوص فى كلية هندسة عشان نمتحن فيه امتحان الكيميا؟ " "هو أنا على الإمتحان بس مش على المشاوير وتاكسى رايح تاكسى جاى...شوية على الورشة ونلبس بالطو أزرق مشحم ونروح نقعد نخرط فى حديد عشان نشكل قطعة الحديد عى شكل قطعة مولتو كيك ثلاثية الأبعاد ومحشوة بنشارة الخشب! وشوية يلبسونا خوزة وقناع شبه النينجا ويخلونا نشتغل بتوع لحام أوكسجين! مال الهندسة ومال الخراطة واللحام.. وياريتنا بنطلع بأى حاجة من ورا الليلة دى! انما يشغلونا فى الفاعل فى الورشة وفى الأخر يدونا خمس درجات حضور...يافرحتى...ومين يدفعلى بدل الإنتقال طول السنة! وفين كمانا لتأمينات! " " تأمينات؟! " " أه ياعم تأمينات! افرض مثلا مثلا يعنى ان شرارة اللحام حرقتنا واحنا بنشتغل! مش فيه بدل مخاطر عمل! وبعدين البنطلون الجنز الإيطالى بتاعى اللى اتشحم! مين يدفعلى حقه! ده خالو كان جايبهولى وهو راجع من إمبابة! ولا الجيبة بتاعة البت سوزى الغتيتة لما المخرطة خرطتها...بس هى اللى غلطانة من فذلكتها مش راضية تلبس البالطو الأزرق عشان مشحم وتقولك ياى سوفاج أنا ألبس ده...ده دادى كان يموتنى...مع انى سمعت ان دادى بتاعها سباك أساسا! ويوم ما اتقطعت الجيبة والبوليكا اللى عملتها...يامامى..المخرطة خرطت الجيبة الحقنى يادادى...والله دى الحسنة الوحيدة اللى عملتها المخرطة أصلا.. ياريتها كانت كملت عالطقم مش الجيبة بس...قال سوزى قال...ده نفيسة أحلى!" " ششششش اسكت خالص...سوزى جاية علينا أهى هى و مريم...اسكت ماتشردناش " نظر إلى حيث ينظر صديقه فوجد مريم وسوزى يتجهان نحوهما...فبادر مريم بقوله: " أزيك يامريم...عاملة ايه فى الكيميا؟ " " عيب عليك يا محمد ودى عايزة سؤال..ما أنا قولتلك من يوم إنفجار المعمل...أكيد مش عارفة حاجة طبعا...! " " زميلتى! أهلا بيكى فى حزب الفشلة...اه...صحيح معلش ماخدتش بالى...أزيك يا ( شوزى ) ؟! " نظرت إليه سوزى من تحت لفوق قبل أن تتجاهله تماما وتنظر إلى صديقه أحمد وتقول: "أحمد...كنت عايزاك تشرحلى حتة فى الأسكيما لو سمحت..فى الصفحة الخمسمية وعشرين السطر التاسع تجربة ( تصنيع المية المعدنية من الزبادى والبوتاسيوم) " " اه طبعا ياشوزى...احم أقصد ياسوزى..ده أنتى تؤمرى..اتفضلى نقعد فى " أى حتة هادية " أشرحلك السكيما من أولها لحد صفحة خمسمية وبعدين نكمل لحد صفحة ألفين مع بعض! لسه فاضل ساعة ونص على الإمتحان يلا بينا..." راقبهم محمد ومريم وهما يبتعدان سويا قبل أن يضحك محمد ويقول: " ندل من يومه...ولا كأنه كان واقف مع حد...صحاب فشنك عاملين زى ثانى أكسيد الكربون يامريم...لايشتعل بس ممكن يساعد على الإشتعال! " "هههههه على رأيك بجد يامحمد فى كلية الهندسة أو فى الكليات كلها على العموم ماتعرفش تطلع بصاحب كويس أبدا...كله مصالح فى مصالح..حتى سوزى دى أوعى تفتكرنا صحاب...هى بس ساكنة قريب منى وبنركب سوا وبتركب معايا عشان أدفعلها أصلا! " " ياتشريدك يامريم! ده أنتى شكلك ماتخبيش أى حاجة خالص..." " اه فعلا..أنا دايما صريحة وبطس كده كلام عشان كده ماليش أصحاب كتير عشان فيه ناس كتير مش بيحبو الصراحة الأيام دى " "حلو جدا جدا! ده إحنا كده نبقى نفس التشكيلة فعلا....أنا كمان هنا مش ليا صحاب كتير عشان نفس السبب لأنى بأصارح كل حد بحقيقته واللى بيحاول يعرفنى عشان مصلحته بقوله فى وشه أنت بتاع مصلحتك...وبالتالى ماليش صحاب أبدا غير نص صاحب اللى هو أحمد ده..وزى ما أنتى شوفتى أول مايشوف خيال بنت يجرىعليها أساسا! " " ههههه اه بالظبط كده وسوزى بردو نفس النظام زى ماشوفت...أى ولد أو بنت فى الدفعة معاهم حل شيت ولا دحيحة يعنى يبقوا حبايبها...وعشان كده ماتحبكش بتقول عليك فاشل..." " ههههههههه فاشل...بقى شوزى بتقول عليا فاشل...المشكلة يامريم ان هما مش عارفين مين اللى فاشل...اللى بيدخل كلية غلط أصلا زيى وغصب عنه ومش مناسبة لميوله...ولا اللى دخل كلية هندسة بجموعه كده صدفة ولا غش وعايز يعدى فى كلية هندسة بأى طريقة...غش بقى...يلزق فى الدكاترة ويبقى زى ضلهم ويقعد فى البنج اللى قدام الدكتور أو فى الأرض ويعمل نفسه بيكتب وراه وهو عمال بيشخبط أصلا! ويطلع فى الأخر مهندس بالغش...يعنى مهندس فاشل...ويقولواعلينا احنا اللى فشلة فى الأخر عشان مش بنحب النفاق والغش..." " ايه ده! أنت زى ماتكون بتقول كلامى اللى بقوله لسوزى دايما ولكل أصحابى...أنا بردو نفس النظام...دخلت هندسة كده غصب عنى بضغط أهلى مع إنى بحب الرسم من صغرى وكنت عايزة أدخل كلية فنون جميلة دايما...و قالولى بقى فى البيت هما خمس سنين وهيعدو وهتبقى الباش مهندسة مريم عشان نفتخر بيكى فى وسط العيلة! مال الهندسة ومال الورش والخراطة ومعامل الكيميا..." " تصدقى انى لسه كنت بتكلم فى الموضوع ده مع أحمد...مخنوق أنا من موضوع لكيميا ده وان إحنا بنيجى ناخد السكاشن العملى و نمتحن فى كلية العلوم..." " بس متهيألى انك مش كنت بتحضر أصلا...أصلى كانت أول مرة أشوفك يوم مافجرت المعمل..." " فعلا كنت أول مرة أحضر سكشن العملى...خدت البالطو الأبيض وقلت أجرب أدخل السكشن العملى مع الدفعة كده قال ايه دكاترة..." " بس انت فجرت المعمل إزاى...ده أنت ولعت فى الديسك كله والحمد لله ان ماحدش شافك غيرى والقضية اتقيدت ضد مجهول..." " اه فاكرة اليوم ده...لازم نفتكره وإحنا داخلين الإمتحان يامريم...أنا بس حبيت ألعب شوية فى المعمل وأعمل نفسى بأحضر الذرة وكده...لقيت إزازة فيها مادة لونها أصفر ومادة تانية لونها أسمر...وكنت عايز أعرف هيطلع لون ايه لو حطيناهم على بعض...قولت يمكن أعمل إزازة ميرندا ولا حاجة نشربها فى الحر ده! ايه عرفنى بقى ان أنا عملت NaO2 على ثانى أكسيد الكوكاكولا!ولقيت بقى الدنيا ولعت...بس أصيلة يامريم والله أنا فكرتك زيهم وهتبلغى عنى..." " لأ أصل أنا بردو مش كنت فاهمة أى حاجة فى أى حاجة وكنت بأرسم بالألوان و بردو وكان فاضلى شوية وأعمل إنفجار زيك! فالحال من بعضه يعنى..." " والله المهندسين المنفضين على أشكالها تقع...أهلا بيكى يامريم فى عالم سمسم! " " هههههه أنت خلاص سميته...طب يلا بقى أجهز عشان الإمتحان هيبدأ...أنا مش عارفة لسه هيقسمونا إزاى بس لو ربنا سهل وحطونا مع بعض فى لاب واحد نبقى نعمل إختبارات تصنيع السيفن اب! " " ههههه أوكى يامريم...ربنا يستر...وأدى سوزى وأحمد جايين هناك...يلا نلبس البالطو الأبيض ونبدأ العملية الإنتحارية! وصيتك البت سوزى يامريم...عايزك لو انفجر بيا المعمل تبقى تغلسى عليها دايما وتقوليلها ياشوزى! " "هههههه.... أوكى ياوليد...يلا سلام...أشوفك جوه الاب..." راقبها وهى تسير بعيدا قبل أن ينظر إلى البالطو الأبيض ثم ينظر إلى بوابة كلية العلوم الضخمة " يلا...هو إنفجار ولا أكتر..." أمسك بالبالطو فى قوة واتجه فى خطوات ثابتة نحو بوابة كلية العلوم...وينظر نظرات توحى بالشر... وأن الساعة القادمة مدة الإمتحان ستحمل الكثير من المفاجئات... والكثير من الخطر...والجزر... والسيفن أب...  ..... يتبع أو مايتبعش...ماتفرقش 
|
|
#2
18-05-2010, 12:37 PM
|
|||
|
|||
جامده بس هو الابطال الولاد اسمائهم ايه؟؟!!! لخبطونا علي الصبح
|
|
#3
18-05-2010, 05:45 PM
|
|||
|
|||
|
احسن حاجة في امتحانات كليات العلوم في العملي بتاع اقسام الكميا
هى ان الامتحان اوبن بوك تدخل وانت معاك اسكيم بس ابقي وريلي شاطارتك لو جبت المادة للي معاك صح فبيدك مادة كميائيه وعيش انت مع نفسك لغايه لما تعرف هى ايه ان شااله حتى تجيب كل الكتب للي بتذاكر منها دة احنا مرة دخلنا الامتحان الساعه 9 الصبح طلعنا منه الساعه 7 بليل بس دة طبعا ما استاذنا من الدكتور بتاعنا عشان مكناش خلصنا اي حاجة ولا وصلنا لاي حاجة  وكذلك يديلك محلول وحلله وهات تركيزه صح ممكن يكون للي جنبك المحلول بتاعه تركيزه 0.003 وانت 0.002 ودة مختلف عن دة وعيش بقي ولا في امتحان الكرموتوجراف هههههههههه دى بتعتمد علي فصل المركبات عن بعضها يعنى لو معاك مادة كذا وكذا وكذا تحط ايه عشان يفصل دة ويسيب دة وبعدها تاخدة تعرف تركيبه الكميائي  ولا في امتحانات التحليله يجى يقولك حلل المركب الفلانى وهات تركيزه يديلك مثلا الاسبريين وانت عليك تجيب تركيزه معامل الكميا دى لها قصص كتيرة جدا معايا   
|
|
#4
19-05-2010, 02:14 AM
|
||||
|
||||
|
حلوة اوى دى
|
|
#5
19-05-2010, 09:08 AM
|
|||
|
|||
|
ميرسي ياجماعة على الردود دي
|
|
#6
20-05-2010, 10:27 AM
|
|||
|
|||
|
يا نعيد مع بعض حبيبـــــــــــــــىيا نعيد احنا الاتنيـــــــــــــــن اوعدنى ان احنا حبيبــــــــــــــىمنشيلش غير مادتيــــــــــــــن دى المادة اللى تضيع دلوقتىنذاكرها ازاى بعديــــــــــــن حضرنا محاضرات وسكاشن,,ليه مفهمنااااااااااش صورنا ورق وجينا...نذاكرها معرفنااااااااااااااش شكلنا هنعيد يا حبيبــــــــــى انا و...انت شكلنا مش... نافعيــــــــــــــنقاعدين فى اغانى نألف ده اللى احنا فيه فالحيـــــــــــــــنماهو لو احنا نجحنااااا يبقى اللى هيسقط ميــــــــــــــــــــــــن؟؟
_______________________________________ |
|
#7
20-05-2010, 08:16 PM
|
||||
|
||||
|
جميله جداااا والله فوقتنى من جو الامتحانات والقرف دى تسلم ايدك
__________________
ربى لا تحجــــــب دعوتــــي ولا تـــــردمسألتــــــي ولا تدعنــــي بحسرتـــــي وأرحــــــم عجـــــزي فقـــــد ضـــــاق صــــدري وتحيــــرت فــــي امـــــري وانــــت العالم سبحانــــك بســـــري وجهــــــري المالــــــك لنفعـــــي وضــــــري القــــادر علـــــى تفريــــــج كربــــي وتيسيــــر عســــــري....آآآآآأميــــــن |
|
#8
21-05-2010, 08:00 AM
|
|||
|
|||
|
ميرسي على الرد وانتظروا المزيد
|
|
#13
22-06-2010, 02:18 AM
|
||||
|
||||
|
هههههههههههههههههههههه لا جميلة فعلا
ثانكس يا باشا
__________________
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 11:13 AM.
