المعاكسة واجب وطني وقومي وحق رسمي لأي مزة

[محمود الجوكر]

المعاكسة واجب قومي وحق تجاه اي مزة نازلة الشارع وتاعبة نفسها ومتشيكه وحاطة ميكب ونازلة تقول للأرض اتهدي ما عليكي ادي ... عايزين ايه من الشباب يعني ... مش لازم يشجعوا المنتج المحلي... وكمان لما البنت دي تتعاكس والشباب يقرفها في الشارع اكيد هاتتربى وهاتتعلم الادب وتنزل الشارع بعد كده محترمة .... ماهو لو محترمة والله ما كانش حد قرب ناحيتها .

بس في مشكلة ...

البنت اللي لبسها كويس ولابسة اسدال كمان او خمار بتتعاكس ليه.؟؟؟.... ايه اللي بتتعاكس ليه ... اكيد ماشية تتمايع وتضحك في الشارع وحاطة ميكب اد كده ....لازم نربيها بردو وتنزل الشارع محترمه ... ساكتة ولا تنطق من اساسه ... مش بقولكم واجب قومي ... بنربي بنات مصر ...

طب واللي ماشية لابسه محترم ولا حاطة ميكب ولا غيره وماشية في حالها لا بتضحك ولا بتتمايع ماشية في حالها ... ...لأه بقى ما هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ... ماهي لو محترمة بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ... وبردو لازم نبينها على حقيقتها وتتعاكس علشان محدش يفتكرها محترمة ...

طب واللي نازلة مع اخوها ولا خطيبها ولا حتى جوزها (مش نازلة وحدها اهو) ويطلع لها واحد من ورا خطيبها ولا اخوها بيبصبص ليها كده من ورا ضهر الراجل الغلبان وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها .. تلاقيها الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم هما الاتنين علشان يتربوا ويبطلوا صرمحة في الشوارع ... مش بقولك واجب قومي علشان البلد والله....


طب واللي واقفه في البلكونه الغلبانه بتنشر ولا بتجيب حاجة بالسبت بيطلع لها ميت واحد من الشارع راصدينها واللي يعاكس واللي يشاور.. الله ما هي قاصداها اهي وطالعة البلكونة علشان الناس تشوفها وتتعاكس .. هي اللي عاوزة تتعاكس من الاساس .. وانا لما بعاكسها بوريها قيمتها اصلا ... هي ايه اللي طلعها البلكونة من الاساس .. تنشر .. هههه دي تلاكيك يا عمنا ... دي عاوزة تتعاكس ... ماهو لو محترمة والله ما كنت هاقرب ناحيتها ...

طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها ... شوفت اديك قلت بنفسك ياعم ... هيا اللي فاتحة الشباك علشان الراجل ده يشوفها ويعاكسها ... وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها .. هي لو محترمة تفضل في بيتها وتقفل الشبابيك والبلكونات والبيبان كلها وتقعد تحت السرير كمان علشان تبقى بنت محترمة بصحيح ومحدش يشوفها خااااااالص وتدفن نفسها بالمرة...

[medo_812000]

ايه الكلام الكبير اوى ده يا عم..............بس شكرا على الموضوع الحلو ده

[nada1990]

حرام عليك يا ابنى

انت ليه عامل كدة انت بتكره البنات كدة ليه

انت عاوز تدفنهم بالحيا يا مفترى

كل كدة عشان ما تتعاكسش

ما تتعاكس وخلاص وهى مش هترد على اى حد لو محترمة

واللى بيعاكسها هو اللى يبقى معندوش كرامة لأنه بيكلمها وهى ما بتعبرهوش

اوك مش كدة ولا ايه؟؟؟؟؟؟؟؟

[medo_812000]

شوفت انت الى جبته لنفسك.......ادى اول رد من البنات ...استحمل بقى يا مان

[نونا المصرية]

ايه يا مان فى ايه طيب ما الولد اللى ماشى مسقط البنطلون بيقولوا عليه صايع وبلاش واحد مش مسقط البنطلون بس حاطط جل وموقف شعره بيقوله عليه صايع بلاش واحد لا مسقط البنطلون ولا حاطط جل بس ماشى بيهزر مع اصحابه بصوت عالى وعمال يتفرج عالناس فى الشارع هيقوله عليه صايع وماشى يعاكس البنات ويتكلم عليهم والواد اللى ماشى فى حاله ومحدش بيكلمه هيقوله عليه كان مظبط معاد مع بنت ومجتش فزعلان وارفان ومش عاوز يكلم حد وبلاش كل ده لو واحد واقف فى البلكونة مع واحد صاحبه هيقوله عليه صايع وواقفين يتفرجوا عالبنات ويتكلموا عليهم افضل ان الولد بردو يقعد فى بيتهم وميطلعش حتى فى البلكونة عشان مش حد يقول عليه صايع :P :P :P :P :P :P

[الاسطورة]

الموضوع غبى

[محمود الجوكر]

انا اسف ياجماعه بس انا بجد مش بكره البنات ولا حاجه

ده عادى من سبيل الفرفشه بس مش اكتر واسف يااااااااااااجماعه